ترتيل : جنت ناوية انصب علي مادري راح ينفعل هيج
هسة هذا وقت شقاية البايخ
تقربت يم الياس لان مو مال اسكت بعد
كتلة تعال برا احاجيك
اجة وهو معصب اكثر من حازوقة
كتلة حبيبي رانيا مامخطوبة
بس جنت اريد اسوي مقلب بحازوقة
باوعلي بنظرة كلت راح يفر وجهي براشدي
بس تركني ورجع لحازوقة فلتت يم ايناس اني
شوية وخابرني سويتة صامت عود نايمة
ثاني يوم غلست وهم هماتين مغلسين
بس حازوقة ماهو
صرت ابات يم ايناس
واستلمتني ايناس تريد ترسمني
ساعة ونص اني متحنطة طلعت راسمة بس خطوط
شنو الخطوط مادري
شوية واشكك الورق على راسها
اكلها شنو هاي تكلي انتِ شمفهمج بالفن
لحدما دگ تلفونها وجها صار ينطي اللوان
عرفت المتصل عم رانيا
باوعتلي كتلها جاوبي وفتحي مايك
ايناس : الوووو
باسم : شلونة تلفوني؟
ايناس : زين يسلم عليك
باسم : شلون تكدرين تنطينيا؟
ايناس : شوكت
باسم : هسة
ايناس : نعم ، شسامع عني حضرتك
شنو انطيك تلفونك هسة
على اساس ابن عشاير وتفهم بالاصول
ماكالولك انو عيب هالشي
باسم : لا مو عيب ليش عيب عادي خطيبتي وطلبت تلفوني منها
ايناس : شنوووو
باسم : طلبتج من الياس ورضا وكالوا نتناقش ونرجعلك جواب
ايناس : من الصدمة سديتة اريد لستوعب شنو جاي يحجي هذا
وترتيل اكثر مني مصدومة
