الانستا h.w09
ليث / بابا ترتيل النهضة اقصد بيها عصر النهضة
مو گراچ النهضة الي سولفتلچ عليه فرقي بابا مرات احس راسچ فارغ مابي عقل يشتغل
ترتيل / بابا چان يسولف وية صديقة الياس صديق بابا والي اصغر من بابا بسنتين الوحيد هنا بأستراليا دائماً سوا بس مرات تحسب على اصابع الايد جاينة للبيت دائماً يلتقون برة
دخلت انطيهم الگهوة
وسمعتهم يحچون عن اوربا والنهضة
توقعت النهضة نفسة الكراج الي صاير لبابا بي موقف سولفلي بابا علي بالعراق
گتلة بابا لعد انت مو گلت گراج النهضة ابغداد بالعراق
شو هسة تگول بأوربا ضحك بصوت و گال
ترتيل النهضة اقصد بيها عصر النهضة
مو گراچ النهضة الي سولفتلچ عليه فرقي بابا مرات احس راسچ فارغ مابي عقل يشتغل ومرات اشوفچ
اذكى بنية
صفنت يمكن صدگ عقلي فارغ مرات اريد افكر
وماعرف شلون افكر وابقى افكر ليش ماكدر افكر
ويضيع الموضوع وانسى افكر
مادري اذا كلامي مفهوم للمقابل بس حقيقي هاي معاناتي
ليث : ها شو صفنتني
ترتيل : بابا يمكن صدگ اني راسي مابي عقل
ليث : شلون توصلتي لهاي المعلومة ترتيل
ترتيل : من اريد افكر بشي ماگدر افكر بي
ليث : دوختيني بابا
ترتيل : اقصد من اريد افكر بشي بالي يشتت واصفن
