رانيا : بيومها بقيت احجي وياه هواي
جنت فرحانة حيل وهو اكثر مني
اجني عماتي يسألني عن الموضوع
اكتفيت بالبكيفكم لان متأكدة سائد ما ينرفض
شوية ودخل بابا مثل العاصفة
كال رانيا جاوبيني على سؤالي ومرة وحدة
بحياتج صيري صريحة وياية وقوية وگليلي
الولد الي تقدملج نفسة الي ساعدج
جان عصبي رغم هذا ما جذبت
دنكت راسي وقويت نفسي وكتلة اي
جاوبتة واني متأكدة راح يخرب كل شي
بس الي صار عكس توقعاتي تماماً
ابتسم
وطبطب على ضهري وراح
بحيث جمدت من الصدمة
بقوا اهلي يتناقشون
و وافقوا بعد ما وافق بابا
بس عمو جان ضايج مني
لان بعدة يشك عندي علاقة بي
رجعنا لاهل سائد الموافقة
كالولنة خلال هاي الشكم يوم
يجي اخو سائد الكبير حتى اتم المشية
حسب الاصول
بقينا على تواصل بس بحترام وبرسالة
وچنا طايرين من الفرح
زاد حبي وتعلقي بي
لحدما بيوم دزلي
شوفي حياتج ماكدر اكمل وياچ
انصدمت بس ماصدكت
سائد انسان ضحوكچي ودائماً ينصب
اكيد مقلب من مقالبة
اتصلت علي مغلق
ماتخذت اي خطوة
حاولت الهي نفسي بأي شي
حتى ما افكر لان اذا فعلاً معناها
راح ادمر نفسياً
خاصة الكل منتظر المشية
