في يمين يدهُ

part 19

.
#فاطمه_fatmia

#قصه_في_يمين_يدهُ

#متابعه_لحسابي🤎.

#التصويت_والمشاركه_لاتنسوهم🤎.

{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ}

^^^^^^^

الـــ يمين الـــتاسع عشر 《أغتيال》

^^^^^^^

: سمعت صوت الهورنات مال سيارات حته اوخر من الطريق رجعت ليوره عثرت ووكعت على الرصيف
ايدي نشخطت ورجلي
شهكت بلبجي طلعت ضيم كلبي كله بهاي الوكع الناس لتمت عليه عبالهم تأذيت
بس هما ميدرون اني ممتاذيه بسبب الوكعه اني روحي جاي تأذيني على اختي وصديقتي ..

. كومي اشربي مي حبيبتي هاج

. بيج شي اخذج للمستوصف

: كمت وعفتهم بدون مارد مشيت بسرعه اريد اشوف كنعان وين
لطمت بشخص ركضت بدون لا اشوفه ولا اعتذر

وصلت للكرفان اليكعد بي يراقبنه دكيته بكل قوتي
طلع ومبين عليه جان نايم

كنعان : شكو بنت الن*** كسرتي الباب تكسر

اشهك واحجي : كنعان خطفو خطفو شذى

اردف بكل عدم اهميه
: وطبها مرض شسويلها اني امشي ولي هوا هذا هم موضوع كعدتيني عليه من نومي

جواهر : سد الباب بوجهي
رجعت للتقاطع كعدت على الرصيف خليت ايدي على راسي احاول استوعب شذى نخطفت ولله مامصدكه
جانت دنيه ليل واني افتر بلشوارع وابجي
اجتي كوثر تسأل على شذى

جواهر : خطفوها

كوثر : شنو خطفوها منوو خطفهاا

جواهر : ماعرف ماعرف بس هما خطفوها كدام عيني اني شفتهم ولله ...
ببجي
: شوكت نرجع واكول الاعرجي

خلت ايدها على شفايفها وعيونها دمعن
حضنتها وصرنه نبجي سوه
رفعت راسي من سمعت صوت هورن لتفتت شفته كنعان بسيارته

كنعان : يلا صعدنه

جواهر : مسحت دموعي واردفت .. بعد مصايره ب12 ؟

كنعان : الاعرجي امر هيج يلا فضني

جواهر : جانن البنات كلهن كاعدات صعدنه دحسنه روحنه كوه لان السياره صغيره واحنه فوك ال ١٠ بنات

كوثر تشهك وتبجي واني وياها اول ماوصلنه للمستودع
تلكانه الاعرجي

لزمني من كتفي واردف وهوا عاكد حواجبه
: شلون خطفوها احجي

جواهر : جانت هيه جايه عليه وجان توكف سياره سوده وراها شالوها وصعدوها ثنين ملثمين وراحو