في يمين يدهُ

part 31

#فاطمه_fatmia

#قصه_في_يمين_يدهُ

#متابعه_لحسابي🤎.

#التصويت_والمشاركه_لاتنسوهم🤎.

{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ الشريف }

^^^^^^^

الـــ يمين الـــواحد والثلاثين 《 اعتراف 》

^^^^^^^

جواهر :

. وخر ايده من حلكي باوعلي وخله ايده على حلكه معنى اش

هزيت راسي
جسمي كله يرجف صح مو اول مره اسمع صوت طلق بس مو بهل قرب

هوا كام يريد يروح يشوف منو
لزمت ايده واهز براسي بمعنى لاتروح

تقرب يحجي بذاني
: اشش بابا ،  نَفس ماسمع ، لا تخافين بس اشوف هذا ياك*** الداخل عتبتي واجيج خوش

_ لا تعوفني فدوه شِبل ولله اخاف العباس عليك اخذني وياك

هز راسه وجرني من ايدي خلاني وره ضهره ويمشي على الحافه

الخيال مال شخص يفتر بالبستان

وصلنه للبيت اردف بسرعه
: ادخلي للبيت والبيبان كلهن تسركيهن لو تكولين لامي لان اكيد هسه كعدت من صوت الرمي

هزيت راسي وركضت جوه وضلت عيني عليه خايفه عليه وخايفه من الراح يصير منو هذا الشخص !!

دخلت جوه شفت امه بوجهي فتحت عيونها على وسعها من شافتني

: ولج انتي ليش بره وشنو هذا صوت الرمييي

بلعت ريكي من الخوف حلكي نشف
_ سركي البيبان الشِبل كال بسرعه

ركضت على البيبان وتركض وتصيح .. يمه ابني راح يروح من ايدي .

سركتهن واردفت لازمتني من متني
: ولج احجي منو هذا الرمه وانتي شعدج جنتي بره

احجي وابجي
_ جنه اني والشبل بره وصار الرمي ولله .. واحد شفنه خياله

: يما مصيبه ووكعت على روسنه ، وهسه هوا وينه ؟

_ مادري هوا كال سركو البيبان وطبو جوه

ضربت ايد بأيد خايفه على ابنها
وتدعي كعدنه بالهول
وهيه خطيه تاكل بروحها تروح منا وتجي منا ولا كعدت

مر تقريباً نص ساعه او اكثر واندكت الباب
هيه فزت
: يما وليدي .. طلعت وراها شفته واكف يحجي وياها

الام : ها يمه وليدي بيك شي احجي ؟

الشِبل : لا يما مابيه شي  ادخلن جوه وصوت ماسمع خوش