في يمين يدهُ

part 22

.
#فاطمه_fatmia

#قصه_في_يمين_يدهُ

#متابعه_لحسابي🤎.

#التصويت_والمشاركه_لاتنسوهم🤎.

{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ}

^^^^^^^

الـ يمين الـاثناَنِ والعشرون 《 في نهاية المطافِ 》

^^^^^^^
جواهر :

.. صوت الدقات . صوت الصراخ . صوت اقدامه وهيه تتقرب للباب 
كلهن يفترن حول عقلي وينعادن كلساع

: فزيت من بعد مانعاد الموقف نفسه بس على شكل حلم
لكيت نفسي بلغرفه ومره كاعده يمي تشرب جكاير باوعتلي واردفت
: شتصيرين من الـاسيد

رديت بصوت مبحوح
: الاسيد ؟

_ اي الاسيد

: كلشي ماصير منه هوا خطفني وجابني هنا ماعرفه

_ اممم

كامت دكت الباب وصاحت : افتح الباب

نفتحت الباب وطلعت المره
كمت بلكوه احر النفس الضوه طالع معناها صار الصبح واني بعدني اهنا
عدلت جبتي وحجابي ومنتضره قدومه

من بعد 10 دقايق تقريبا نفتحت الباب ودخلت نفس المره حانت سمينه حيل ولابسه دشداشه سوده سنونها ال بمقدمة شفايفها  طالعات
ولابسه فوطه ماعرف شال بس هم اسود

: تعاي اكلي شجاج كاضيه بس جلد وعضم ميوكلوج اهلج

بلعت ريكي واردفت
: ماعندي اهل حته يوكلوني اني اهل النفسي صرت

: يااسوده عليه جا وينهم اهلج
شو حته محد سال عليج من خطفج هذا ابو طويله

جواهر : اهلي ماعرفهم
سمعت صوت واحد يصيح عليها طلعت وقفلت الباب وراها حته ماعرف هذا بيت الحابسني بي لو شنو بلضبط
ماعرف

تقربت للصينيه خاليلي ماعون بي تمن وفوكاه مركه مال عدس وبصفها خبزه وكاسه مي

اكلت شويه بس وشربت المي لان ماعرف شبيه احس شبعانه وبروده بجسمي اذتني مو بس اذتني دمرتني اني اكره البرد حيل اكرها لان قبل من جنت صغيره تعاقبني كناري بلشته
تخليني انام بدون بطانيه بس حته تعاقبني
ولهذا السبب كرهت البرد

ضليت افتر بلغرفه واحسب عدد خطواتي لحدما دخت وكعدت على الكرسي
سمعت صوته بره بلعت ريكي وصارت عندي رجفه بجسمي خفيفه

دخل وقفل الباب وراه اردفت بسرعه
جواهر : انته البارحه مو كلت بس اليوم وباجر اطلعج اشو بعدني هنا ؟.