في يمين يدهُ

part 41

#فاطمه_fatmia

#قصه_في_يمين_يدهُ

#متابعه_لحسابي🤎.

#التصويت_والمشاركه_لاتنسوهم🤎.

{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ}

^^^^^^^

الـــ يمين الـــواحد والاربعون 《 جواهر 》

^^^^^^

جواهر :

::- صعدت بالسياره بس اريد اسيطر على خفقان قلبي
ماكدر

صح اني جنت اخاف من مسؤوليه هل طفل ودائمن افكر بالمستقبل هل راح اكدر اتحمل هل مسؤوليه لو لا

بس هسه من صار خطر عليَ احس كلبي يريد يطلع من صدري من خوفي عليَ

الطريق كله اني ابجي وألم ياكل بيه

الشِبل : يلا هسه وصلنه بابا لاتخافين انشالله ماكوشي

لازم ايدي ويمسد عليها اردفت بدموع :: اني خايفه خاف يصير با الطفل شي

_ لا كولي يالله انشالله مابي شي بس يجوز تقلصات تصير

لحدما وصلنه للعيادة بالف ياعلي
دخلنه بدون حجز لان حالة طارئـة

ستقبلتني الدكتوره :: شنو نوع الوجع الي عندج ووين بالضبط ؟

بلعت ريكي وباوعت للشبل غمض عيونه وفتحهن يطمني : ءء بضهري ووبنهايه بطني ، وو وا احس شي نزل عليه

هزت راسها ودنكت مدري شنو كتبت
رفعت راسها واردفت : هذا زوجج ؟

هزيت راسي بعنى اي

: تمام ، ماما كومي افحصج حته نعرف شنو سبب الوجع ، بس لو سمحت انتضر بره

لزمت ايده حيل ماريده يروح باوعتلي الدكتوره واردفت ببأبتسامه حنينه : لاتخافين ماما انشالله كلشي تمام ، وهوا برا ماراح يروح ويعوفج

هزيت راسي وهوا طلع بعد ما وصاني

فحصتني
اباوع الوجهها اريد اشوف تعابيرها

هزت راسها بيأس ولمت ثغرها الداخل حلكها
: ماما ، الطفل نازل والخطر محاوطه
تشربين نوع مُعين من الادويه ؟

هزيت راسي بـ لا
_ من عرفت حامل ولهسه ماشاربه اي دوه

هزت راسها وكامت اردفت بهدوء
: راح اكتبلج هل دوه تشربينه كل يوم مرتين باليوم ، شغل متشتغلين واني شفتج حذاءج ( تكرمون ) عالي وهذا واحد من الاسباب الي خلت ضهرج يأذيج
، راجعي يمي كل شهر حته نتطمن على الجنين