في يمين يدهُ

part 29

.

#فاطمه_fatmia

#قصه_في_يمين_يدهُ

#متابعه_لحسابي🤎.

#التصويت_والمشاركه_لاتنسوهم🤎.

{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ}

^^^^^^^

الـــ يمين الـــتاسع والعشرون 《 عندما تشرق السماء 》

^^^^^^^

اعرف فجعتكم البارحه لان متكدرون اذا متقرون بارت من قصتنه الجميله شهشهشهشهشه 👍🙂
بس لان اني الحمدلله كاتبه نص البارت وهسه جاي اكمله علمود لا اكطع ماحب هاي السالفه بس البارحه شويه جنت شافطه مدري شبيه فا كمت كتبتلكم هيج افسه وداعه شواربها الاوبال بعد ماعيدها وعد 😭👍

^^^^^^

أوبال :

كلبي يدك بسرعه وجسمي صارت بي رجفه واكفه يم باب الغرفه المخلين بيها زمرد

دكتوره تطلع ودكتور يدخل

واحنه ماعدنه غير هل دعُاء
من صار الصوت العالي بالغرفه كل الدكاتره ركضو لغرفتها وصارت خبصه كلهم متجمعين يم الباب
كريم خبص الدكاتره يريد يعرف شبيها

امها وابوها بس يدعون ويبجون مابيدهم شي يسووه البنتهم

كعدت على الكرسي رجليه كامن ميعينني
ماعرف شسوي مماره بيهج موقف من قبل حته اعرف شلون اتصرف

طلعت الدكتوره وعلامات اليأس على ملامحها الخلت حيلي ينهد من الخوف

اردف عمو زيد : احجي دكتوره شبييها بنتيي

: صحت وكامت شلعت الكانوله وصار عدها نزيف

فتحت عيوني على وسعهن شكد ما مرتعبه يعني شهل ألم الي حاسه بي زمرد لجاي يخليها تسوي هيج بحالها

يألهي رحمتك ارحم هل طفله

زيد : وهسه شنو وضعها

: انطيناها مُنوم ورجعنه الكانوله وانشالله خير انتو رجعو لبيوتكم وخلو بس شخص يمها

هز راسه عمو زيد اباوع على لحيته راسا نصبخت بيضه من القهر على بنته وعمه سهى لازمتها اختها
لتفت عليه عمو زيد واردف : بنيتي انتي روحي البيتج من يصير شي اخابرج

_ لا عمو باقيه يمكم

زيد : بويه تتعبين !!

_ لا لا ماتعب اريد اشوف زمرده

هز راسه وماحجه واكفه عمه سهى يمه تبجي

رجعت راسي على الحايط ودموعي ينزلن
يالله بعد شضاملنه