انا بدوي وانتي عذيّة مثل نجـد

Part1

صحت على ضوء الشمس اللي تخلل ل اجزاء غرفتها وكان لـ عينيها نصيب من ذلك الضوء فركت عيونها تحسها تحرقها بعد ما قضت ليلة الامس بالدموع مافيها حيل تواجهه الحياه ولكن مجبوره لأن الحياه مابتوقف وتنتظرها لين تستعد للعيش فيها
فزت من السرير وهي تخاطب امها: ماما تعبت وانا احكي لك لاتفتحين الباب كذا خوفتيني!
شيخه: صح النوم يا امي صباحك خير يلا قومي ابي اروق على وجهك
نجد:صح بدنك ياقلبي هو الصباح له وجهه مايكون خير وشيخه مصبحه علي! دقايق بس وانا عندك
شيخه: يلا الله يرضالي عليك
نجد:ناضرت امها بـ ابتسامة امتنان مو مهون الدنيا عليها الا وجود امها تحس الدنيا اكثر سعه وانشراحه اذا تذكرت ان امها معاها صحيح ربي اخذ ابوها لكن امها كانت لها كل الناس.
لفت على جوالها اللي اتصل وابتسمت يوم وَضح لها اسم الحياه اللي تحب تعيشها تشوفها اخت واخ وكل شيء
نجد:ياااامرحبا ياوهج حياتي كلها كأنك داريه اني محتاجه اوهج هالصباح الحلو بـ حكيك العَذب
وهج:احبك هذا اولاً ثانياً يانجد وهج لاتحسبين يخفاني صوتك اللي واضح فيه البكاء من البارح وش تعاهدنا عليه؟
نجد: وهج يا امي كنك ماتعرفيني اني ام دميعه صحت لي على مقطع بعدين اقولك اوهجي لي صباحي تقومين تبهتينه!
وهج: واذا مقطع الحين مو عهدنا اذا مافرحنا سوا نشقى مع بعضنا لين نفرح؟
نجد:وانا ليه ادور الفرح وانتم معي؟ اساساً فرحي في حياتي انتي وامي وش ابي اكثر من كذا؟
وهج:مايخالف لكن لا تتجاهرين في فرحك وانتي بالخفاء تبكين اذا مابكيت معك بالخفاء مابي افرح معك بالجهر!
نجد: والله مافيني شيء هذا انا قايمه صاحيه ومروقه على صوتك وعلى وجهه امي وبنقوم نفطر وَدك تشاركينا الفطور؟ مثل مايقولون كل مشروك مبروك وانتي ربي حاط فيك البركه
وهج: صح اني خفيفه لكن مو لدرجة اني اطق مشوار مع هالصبح والزحمه عشان اشاركك فطور!
نجد: زين اجل ماراح احن عليك بينا لقاء لا فضيت
وهج: زين ياقلبي ما اطول عليك
نجد: يلا يا امي
فزت نجد للحمام[يكرم القارئ] وكالعاده نشاطها يبدأ بالمويه البارده اللي تلامس اطراف جسمها طلعت والبست تأخرت بما فيه الكفايه اولاً على امها وثانياً على دوامها نزلت في يدينها اغراضها وابتسمت تشارك امها ابتسامتها يوم شافتها باست راسها وجلست تاكل وقفت وهي تسمع امها تقول لها
شيخه: نجد امي مامليتي من هالشركه اللي مو جايبه لك الا المشاكل؟
نجد: ماما الله يخليك لي مامليتي من هالموال كل صباح انتي عارفه اني ماراح امل واخلي عماني يفرحون صح ابوي ماكان عنده ولد! بس اذكرك كان يشوفني كل شيء واملاك ابوي لـ ابوي مابسلمها لشخص ثاني!
قطعت حكيها شيخه من جوال نجد اللي وصلت لها رساله
تأففت نجد: رجعنا على طاري الليالي
شيخه: وش فيك؟
نجد: ولا شيء يمه بطلع تأخرت عندي اجتماع اليوم دعواتك
شيخه: الله يوفقك مع اني عارفه ماهو مِعدي على خير وعمك فيصل
نجد:دام ربي معي ماهمني لا فيصل ولا غيره وماضاقت الا عشان الفرج وانا واثقه الفرج قريب
لفت على صوت الباب اللي طق
راحت تفتح نجد وهي مخمنه مين اللي جايهم بهالوقت
وهج: طلعت خفيفه مايحتاج تقولين اعترفت
ضحكت نجد وهي تضمها وجت معاهت تنهيده بدون سابق انذار
وهج:بسم الله عليك من الأهخ!
ابتسمت لها نجد وهي تقولها ادخلي
دخلت وسلمت على شيخه وهي تاخذ الخيار بيدها وتلوح ماشيه
جيت اشوفكم واروق عشان ابدأ صباح حلو وخذيت خياره عشان عزيمة نجدي مع السلامه
ضحكت نجد بحب وهي تقول ل امها: احبها لو ربي ماحطها في دربي كان يمديني استسلمت من زمان
ضحكت شيخه وهي تقول: افطري لاتصيرين زي اختك
تأففت نجد وهي تقول تأخرت ياقلبي على ما اوصل يمديه قرا ملفات المشروع
طلعت نجد تاركه امها وراها تدعي لها وتدعي ان بنتها تخلص من هِم هالشركه اللي ماهو راضي ينتهي لا هم اللي نجحت وكسبوا وراها ولا هي اللي انباعت
ركبت سيارتها وهي ترسل: يا انسان ماصابك ملل؟ هو انت انسان؟ كيف ماصابك برود سنه وانت كل صباح تصبح وتكتب لك حِكي ١٠٠ سطر ما احد فاضي يقراه! يعني حتى انا مليت من كثر ما ابلكك صملتك هذي لو انها عندي كان يمديك شفتني من ١٠ اغناء امرأة بالعالم.
منيف: الملل ماصابك وانتي ترديني عنك وتبعديني تبينه يصيبني وما ارسل لك؟
نجد: يارب يصيبك هذي ثاني اهم امُنيه في حياتي
منيف: واول امنيه؟
نجد: اني اعرفك
منيف:اهمك؟
نجد: لا، بس ودي اشوف كيف تفكر
منيف: اجل لاتعبين نفسك لأني معك اساساً اسوي الشيء بدون تكفير والحين نرجع لموضوعنا
نجد: اي موضوع يا ادمي خذيت بنفسك لعبه؟ مابينا مواضيع منيف: وش سبب بكيك ليله امس وكل ليله؟
وقفت سيارتها عالجنب بـ صدمه وخوف!
نجد: شرهتك كبيره انا اسمي اسمي ماقلته مو بقولك سبب دموعي!
منيف: ماطلبت اسمك اولاً ثانياً من قالك ما اعرف اسمك يانجد
نجد: شف قل للي وراك ماهي نجد بنت سيف اللي تطيح في فخ الحب والعاشق المهووس ولو ترسل من هنا لـ سنتين قدام حتى عقلي مامريت فيه زفرت وهي تقفل جوالها كفايه عليه كل هالحكي هومن غير كل هالحكي ناشب
منيف: بس شهرين شهرين وافك واريحك من هالعذاب