انا بدوي وانتي عذيّة مثل نجـد

Part2

سِمت بالله وهي تنزل من السياره وتقفلها وتنهدت وهي تشوف الشركه ودخلت وابتسمت وهي تطالع بالموظفين اللي صابرين على وضع الشركه عشان ابوها اللي كان محبوب من الكل اقبلت على مكتبها وهي تبتسم عارفه ان سلطان ينتظرها فيه
سلطان: اووه صباحك خير يالليدر نجد بدري ياقلبي؟ كان نمتي شوي عيب عليك جايه هالوقت!
نجد بـ امتعاض: يوه ياسلطان الحين انا اتفائل من هنا وانت بسم الله عليك تحطم من هنا وشصار على التجهيزات خلصتوها؟
سلطان: اي من زمان بس... ارجع واقول انا ما ارتحت للشركه ذي!
نجد: والله عاد ماراح ننتظرك ترتاح مِسيو سلطان اي شيء نلملم فيه الشركه واعطي كل واحد راتبه ياولد الخاله
سلطان: انتي متأكده ماهي مرسوله من عمك؟
نجد ب نظرة غضب: هذا مستحيل يكون عمي! هذا حجره كبيره ماتنبلع وعاله عالمجتمع وش بنخسر لو سمعنا وشفنا وقيمنا
سلطان: نجد صارلي خبره بهالمجال ومع عمي سيف من يوم كان عمري 20 سنه والحين طقيت31 والحسبه عليك شفنا وسمعنا وخسرنا وقت وحنا نقيم عروض هابطه زي كذا
نجد: سلطان تعرف اني احبك واقدرك وانت اخوي لكن اعذرني هالمره ما بعطي احساسك مجال وفي حال طلبوا نسبة من الشركه وقتها انا بنفسي ماراح اقبل ويالاخ تراها ماهي بالخبره والعمر بالمخ مو عشانك عشت 10 سنين تشتغل تشوف نفسك علي والحين عطيتك وجهه توكل وخلهم يجيبون لي القهوه السعوديه هنا
سلطان يناظرها بطرف عين: هذا وانا اخوك سويتي كذا وش خليتي للغريب؟ بعدين الناس تروق على V60 فلات وايت اقلها ونجد وضعية الشياب قهوه سعوديه مايخالف مافيه زي قهوتنا وغير واحبها بس اشوفها للمناسبات الكبيرة
نجد: حتى اعتقاداتك غريبه نفسك! ودايم منظورك مُختلف لكن يأسرني اني اشوف تفكيرك واحكي معك وابادلك اطراف الأحاديث لكن... ياسلطان ماني ملزومه اصير زيك
سلطان وهو عند باب المكتب يداعبها: تغيرتي واااجد ليه صاير غريب اطوار؟ وش غيرك يامنوة الروووح وش جاك
نجد: مو وقت قصايدك ياجراح الهيبده توِكل
سلطان ب ضحكه: الله يسامحك
نجد ب ابتسامة تفكير اكثر واحد ساعدها بعد وفاة ابوها سلطان علمها الشغل وكان معاها العون بعد الله صابر على وضع الشركه مع ان السي ڤي حقه كل الشركات تحتاجه واولهم شركة أل شامخ اللي مستحله على نص الرياض ولكن هو مُصر اني ارجع حلال ابوي واتغلب على اللي يسمون عماني وبعدها بينسحب يشوف حياته
صحت من هواجيسها على صوت الباب
نجد: حياك ساره
ساره: استاذه نجد وصل الزبون
نجد وهي توقف: زين دخلوه وشوفو ايش يبغى يشرب بجمع هالملف واجيك
قامت من الكرسي وهي تردد توكلت على الذي لاتنام عينه وهو خير مدبر بسم الله
طلعت بأناقتها وهي تلبس الكمام عندها قناعه غريبه انها كثيره وغاليه حشمتها وان ما احد يستاهل يشوف وجهها والنقاب ماهو عائق لشغل لكنها تفضل الكمام عشان اخف لها من النقاب وصحتها مُش ولا بُد وخصوصاً انها بتقعد تشرح وتتكلم كثير
دخلت غرفة الاجتماعات وطاح عينها على رجل مهيب الهيئه ووسيم وماخفت نظراته عليها واضح من البدايه انه له من حركات هالشباب لكن اهم شيء حالياً شغلها
سلمت عليه وهي تمتنع من انها تصافحه
وقالت: اهلا استاذ ذياب احب اعرفك معاك نجد ال ساير
ذياب ب ابتسامه عِذبه: تشرفت يانجد
نجد: استاذه
ذياب: سمي؟
نجد: افضل انك تناديني لي ب استاذه
ذياب: على ماتحبين يا استاذه
نجد تلف على سلطان ب ابتسامه: وهذا الشيخ سلطان بن سعود المساعد لي وولد الخاله
ذياب: ونعم
سلطان: ماعليك زود
نجد: نبدأ
هزو راسهم ب معنى ايوه ابدي
ذياب بأعجاب من الفكره وصاحبة الفكره اللي ناعمه حتى ب حركة يدها
نجد: ومن هالناحيه نخلي الاوتيل بالابيض ودام انه منقسم قسمين بنخلي قسم زي اي اوتيل طبيعي والقسم الثاني نخليه مُتاح لرسامين اللي يحب يرسم ونعطيهم عدات الرسم بالغرفه وبهالطريقه تكون غرفة الاوتيل زي مايبي
ذياب: في حال امتلت الغرف؟ وقتها بتقل الزباين وبيخفض الاوتيل واكيد كثير ناس بينتظرون شهور عشان الحجز يُتاح لهم
نجد: اكيد ان مو بس حنا اللي بنوفر لهم كل شيء يبونه بنحط بند في الاوتيل كل شخص مُتاح له جدار واحد بالغرفه يعكس فيه حياته والاشياء اللي يحبها وافكاره
وبهالطريقه لما تدخل الغرفه تحسك داخل اكثر من عالم واكثر من حياه شخص
ذياب: سلطان؟
سلطان: والله يا استاذ ذياب المشروع لك لو عاجبك استمر وانا اساساً شهادتي في نجد مجروحه عارف مايطلع منها الا كل شيء مختلف
ذياب ب استغراب العلاقه اللي بين نجد وسلطان: اجل على بركة الله الفكره منكم والتنفيذ؟
نجد: التنفيذ بالشركه الثانيه اللي هي تحت اشراف سلطان
ذياب: الشركه قسمين؟
نجد: ايوه مرينا ب ازمه ماليه بعد وفاة الوالد وقررت سلطان يستلم ٥٠ بالميه من الشركه وتكون تنفيذ عشان نقدر نغطي بعض احتياجات الشركه
ذياب: فكره حلوه توقعت بعد هالاحباط تستسلمين
نجد: مو انا اللي استسلم ما يشملني قانون الاستسلام والصواعق ماتضرب الا القُمم عموماً استاذ ذياب شوف لك يوم فاضي نروح نشوف الاوتيل
ذياب: انا فاضي اليوم
نجد: بس انا لا عندي موعد غداء بكرا عشان سلطان يكون فاضي لنا بعد
ذياب: تم
نجد: سلطان؟
سلطان: اقدر اقولك لا؟ اكيد تم
قام ذياب ودعوه ب ابتسامة امتنان تنهدت وهي تقول سلطان احس اني مره متفائله سلطان:وهو يجلس جنبها الله يعطيك اللي اكبر من ظنك
نجد: اميييييييييين يارررب
سلطان: نجد لاترفعين سقف احلامك عارفه وش بيصير بعد شوي لو سمعو عمانك
نجد: يوه من هالسيره ياسلطان ذولا ماياخذهم الموت؟
سلطان: لا حتى الموت مايبيهم
نجد:انا متفائله من هالذياب وواضح ذكي ماتمشي عليه
سلطان: ان شاء الله الا تعالي موعد الغداء مع مين؟
نجد: مع وهجي
سلطان: يا هالوهج
نجد وهي عند الباب تلوح له:مع السلامه الوعد بكرا
سلطان:الله يحفظك
طلعت وهي تكلم وهج
نجد: اوووف وهج ماني مصدقه احسني متفائله بشكل!
وهج: ماتحسين الموضوع فيه ريب؟
نجد: اوهو علينا انتي من هنا وسلطان من هنا خليتو فرحتي بحلقي وين الغريب؟
وهج: على كلامك ذياب خيره كثير وفيه شركات افضل ب كثير وش معنى شركتكم بس؟
نجد وهي تطرد التفكير: ما ابي افكر ضيعت نص عمري وانا افكر بستمر بهالشغله والله يكتب الخير وهذاني قلت١١:٣٠ انتي مو في المطعم رحت كليت مع شيخه
وهج: زين يابنت الحلال هذاني طالعه
نجد قفلت وهي تشوف الواتس ماكتب شيء! غريبه معجزه يشوفني متصله وماكتب حتى هو تغير قالتها ب ضحكه
وهي تركب سيارتها وتوجهه على مطعمها اللي تحبه
دخلت المطعم ودلها على طاولتها كالعاده
نجد: وهي تناظر جوالها رفعت عينها على ذياب اللي جلس وقال
ذياب: يامحاسن هالصدف
نجد ب ابتسامه تسليك: اهلاً استاذ ذياب
ذياب: تنتظرين احد ولا اشاركك غداك؟
نجد: انتظر اختي واساساً بنطلب بارتشن
ذياب: يعني ياذياب ضف وجهك؟
نجد ب احراج: لا محشوم والله مو قصدي
ذياب يداعبها: معليك فهمت وش قصدك
نجد: لا لا والله افهمني صح
ذياب بضحكه: يابنت الحلال امزح معك فاهمك معليك وبالعافية مقدماً
نجد بخجل: الله يعافيك
تأففت وهي تتحسب على نفسها دايم تجيب العيد دخلت وهج وطاحت عينها على نجد
وهج: ياااامرحبب
نجد: يامهلي
وهج: شفيك؟
نجد بفشله: بموت وهج بموت انقذيني شوفي اللي جالس هناك بدون ماتطالعين
وهج:لفت رقبتها
وضربتها نجد وهي تقولها: غبيه انتي اقول لا تبينين!!!
وهج: شفيك يا اختي بشوف وبعدين من هذا المزيون؟
نجد: هذا ذياب
وهج: ماغيره؟
نجد: ايوه
وهج: كم عمره وعنده خوات ولا؟ مرتبط؟
نجد: تستهبلين انتي! قسم بالله ما انتي بصاحيه اقولك توني عرفته وتسأليني وشو كاتبه النفوس حقته ولا مخلفته وناسيته
وهج: طيب ليه كل طحن الخواطر ذا قولي ما ادري وانتهينا
نجد: لأنك بسم الله عليك ماتفكرين عقلك مخليته عالجنب ماتشغلينه
وهج: طيب شفيك مستحيه منه؟
نجد: وهي تحط راسها عالطاوله وتذكرت الموقف
وهج: احلفي! خبله انتي ماتعرفين تسولفين
نجد: ياخي وش عرفني قلتها لا ارادي
وهج: فشله ولا بعد تبررين موقفك خلاص مابعدها شيء
نجد: الحين ابيك عون صرتي لي فرعون شكراً لك
وهج: خلاص ولا يهمك اطلب لك ذاك الاكل اللي ينسيك
وكالعاده قعدو الصديقات او الخوات بالاصح ياكلون ويسولفون هذي عادتهم دايم بعد الدوام يجتمعون سوا ويسولفون ومرات يبكون ملاذهم بعد الله بالدنيا هم وكأنهم يرتاحون ويهربون من هالدنيا لبعض مكملين بعض فعلاً عينين براس نجد وهي حاضنه وهج عند السياره
نجد: احبك مره الله لايخليني منك ونبقى سوا لين نشفع لبعض بالجنه
وهج: اثاريك بتناشبيني حتى بالجنة؟
نجد: حيوانه!
وهج: امزح والله لو بيدي ناشبتك بالقبر
نجد: بعد عمر طويل
وهج: امين يارب
ركبت وهج سيارتها وهي تلوح لنجد
تنهدت نجد ومشت بتركب استغربت الورده والنوت اللي عالسياره عصبت اول ماطرى على بالها
اتصلت عليه بدون سابق انذار وهي معصبه
نجد: وبعدين معاك يا ادمي وبعدييين
منيف وهو يسمع لصوتها صارله ٤ سنين منحرم منه
نجد: بصراخ تسمعني!!!
منيف: سمي؟ وش فيك!
نجد: متى تبطل هالحركات قايله لك ما احبها
منيف: اي حركات يابنت الحلال وحدي الله وحاكيني بالهداوه!
نجد: انا اساساً وش قاعده اطلب من انسان مضت سنه من حياتي وانا اقوله لاعاد ترسل ومايأس من الرسايل  ماعندي مشكله ارسل وسولف للجدار لكن اياك تترك هالحركات على سيارتي مره ثانيه قايله لك ما احب الورد!
منيف: اي ورد؟ متروك على سيارتك ورد؟
نجد: لا ياشيخ بسم الله عليك بريء
منيف: نجد قاعده اكلمك جاوبيني!
نجد: اي متروك ونوع التوليب عارفني ما احبه ودك تخرب وناستي بس!
منيف: انا ماكنت اعرف انك ماتحبين التوليب اولاً ثانياً انا لي فتره مانع نفسي ما ارسلك الورد عشانك ماتحبينه! مهما كنتي ماتعرفيني وتكرهيني! عندك علم بأنك اغلا من نفسي علي!
نجد: لا ماعندي علم ولا ابي اعرف ورسالة الغزل هذي لا عاد ترسلها!
منيف: معاها رساله؟
نجد: مو انت اللي راسلها يعني؟
منيف: جاوبيني
نجد: خلاص دام مو انت اللي راسلها ليه اجاوبك!
منيف بصراخ: جاوبيني جاوبيني وش مكتوب بهالرساله اساساً من تجرأ يرسلك!!!
نجد بخوف: انتهى دامها مو منك مقبوله
منيف: اقرب زباله تنقط فيها
نجد: اي سم ابشر على هالخشم غيره؟
منيف: والله وتالله وانتي تعرفيني عند حلفي لو مانحذفت هالورود لتشوفين شيء ماشفتيه
نجد: الله يقويك
منيف: تراني حالف
نجد: الله وهالحلف اللي ماتطوله بيدك طوله برجلك
منيف: سنه وانا امنع نفسي عنك واشاركك لياليك تحت شباكك والضاهر انك هالمره حابه اشاركك وانا معك عند الشباك
نجد: وانت جاي ما اوصيك ادخل مع الشباك عشان الوالده ماتحس وبالمره جب معك كتاب ١١:٥٩الا دقيقه بتوقيت الحب قفلت بسخريه منه جاهله الشخص اللي اول ماقفلت منه راح يبحث عن الكتاب ويحقق رغبتها للحين جاهله وش كثر يحبها من ممكن يقعد سنه يرسل رسايل ومايمل ولا يصيبه برود ماتدري ان له ٦ سنين يحبها وحتى انه مهووس فيها ما تاحت الفرصه له يكلمها الا قبل سنه ماوده يطلع لها بدون سابق انذار وده تعرفه زين عشان تحبه وتفهمه طول عمرها تفكر ان فيه احد يشاركها قمراها ولكن ماكنت تحس هالتفكير طبيعي معقوله صدق؟ قالتها ب ضحكه اي اكبر همه نجد وليالي نجد مع القمراء