انا بدوي وانتي عذيّة مثل نجـد

Part3

نزلت من السياره وهي انهلكت من زحمة الرياض ابتسمت وهي توصلها ريحة طبخ امها نزلت اغراضها عالكنب وهي تدخل وتداهم امها
نجد: يااااجعل يدين شيخه ماتمسهم النار
شيخه:امين امين بس عطيني خبر انك وصلتي خوفتيني!
نجد:بسم الله عليك قولي انك مسويه مقلوبه وحالياً لو تطلبين عيوني عطيتك
شيخه:وعد؟
نجد: وعد كم عندي شيخه؟
شيخه:بدلي وصلي على ما اجهزه
رقت نجد لغرفتها ما عطت وعدها اللي وعدته امها قبل شوي اهتمام تعرف بتطلب منها تنتبه على نفسها ولا تفكر في موضوع ولد جارة جارتنا اللي يدورون له عروسه
نجد وهي تضحك من تفكيرها نزلت تحت وخلصو
شيخه: اتركيه يانجد عنك اول شيء خلينا نحكي عن الطلب
نجد: لاحقين يمه على ناصر مدري صالح اللي امهم تدورلهم عروسه وكل المواصفات فيني ماشاءالله علي
شيخه:من صالح وناصر؟
نجد: ازواج المستقبل اللي تبيني افكر في موضوعهم
شيخه:مو هذا الطلب لكن مايخالف فكري
نجد:اجل؟ ابطل سواقه واجيب سواق لا يالوالده الا ذي
شيخه:الود ودي والله لكن ما بيدي شيء
نجد وهي حست بجدية الطلب:اجل؟ وشو يمه
شيخه:فكي نفسك من هالشركه
نجد بصدمه ولا توقعت اساساً ان امها جاده!
نجد:يمه
شيخه:انتي وعدتيني
نجد: بس يمه ماتوقعت كذا الله يرضالي عليك
شيخه: انا قلت اللي علي وانتهى ان كانك عند وعدك بيعيها
نجد:طيب
شيخه:لاطيب ولا شيء هذا اللي ابيه
نجد: يمه انا جايه ابشرك بمشروعي الجديد لاتخلين حماسي بحلقي!
شيخه:انا ماغصبتك انتي وعديتني وانا علمتك باللي ودي به
نجد:وانا عند وعدي لكن في حال نجح المشروع؟
شيخه:تعطين عيال السوء حقهم ونفتك وتبقى لك شركة ابوك
نجد: ولو ما نجح اتنازل عنها لهم؟
شيخه:اذا عند وعدك اي
قامت نجد وهي ضايقه فيها الوسيعه تمنت لو ما اكلت المقلوبه ولا وعدت امها لو لو لو لو هذا اللي فالحه فيه يانجد فادك اللو الحين؟ حتى وصية ابوك الوحيده طيرتيها من يدك بكلمه من ٣ حروف شاطره جلست عالسرير وهي تفتح الملاحظات وكالعاده خذاها هاجوس الكتابه لين حست استوعبت على نفسها وانها خذت وقت طويل عليها نزلت تفكر وكالعاده تجهز جلستها قدام السماء تحب السماء تحس كل ماتشوفها تصغر بعينها همومها ومشاكل ابتسمت وكأن ربي يشوفها وحطت القهوه قبالها وهي تلحن:توقعت الغياب ولا توقعته بدون اسباب وعدتيني زمانك مايغيرك وتغيرتي)وكأنها تخاطب عَذيه ماهي نجد دخلت بالصدفة عالم الكتابه وكان لقبها عَذيه وهي فعلاً عَذيه بكلامها وافعالها وحتى قلبها هي اساساً تحس نفسها عَذيه كل الكلام اللي تكتبه وكل شعور تنثره عاشته هي ولكن ساكته توري الناس نجد القويه وتخفى عنهم عَذيه اللي ابسط كلمه تلخبط ترتيب اعداداتها
الساعه١:٥٦
ركب السياره اللي كلها اسود ب اسود جبت اللي قلت لك عليه؟
اي طال عمرك هذا هو هنا
زين انزل لسيارة الثانيه بخلص المشوار وبجي
طال عمرك متأكد؟
اي متأكد ويلا الحين انزل
نزل السواق وركب السياره الثانيه ومشت السياره مسرعه متلهف لها بالحييل اكثر من الواجد بواجد
كالعادة وقف تحت الشباك وهو يسمعها تلحن كل شيء يطري ع بالها وتعاتب نجد تاره وعَذيه تاره ولا كأنها تعاتب نفسها وكالعاده وصل الحديث ل ابوها وهي تردد ابيات شعر ثابته في عقلها وتحس كل ماتذكرت هالابيات تبكي الففف مره بالثانيه
‏كل ماطاب جرح  الفقد نبّشته
‏وضمّت اهدابي عيوني وواستها

‏فاقده ابوي فقدٍ مابعد عشته
‏لين واجهت الايام وشراستها

‏ودي ارجع طفل ضحكه وفرفشته
‏اصدق من الدموع ومن تعاستها

‏واتوسّد يده ، وانام في بشته
‏م اعرفْ من الحياة الا وناستها .
⠀⠀ ⠀ ⠀⠀
عاتب الساعه وقدره اللي ما عاكسه ودخله السجن الا يوم قرر يعترف لها وتصير له ويكون معاها مقهووور على كل دمعه تنزل بالارض بدال حضنه يحسد الليل والسماء والقهوه وحتى فنجالها اللي يعانق يدها اولاً ثم شفايفها وده يكون كل شيء يخصها وده يخليها تعيش داخله وده يعيش كل شيء بدالها هو يشوفها سعادته لو يشيل كل هم الدنيا وهي تضحك ضحك
قام بعد طول انتظار يحتريها تنام عشان يوصلها هديتها لكن ماكان  مستعد يشوفها اساساً متى استعد يشوفها؟ كان ايام قبل دايم يتوتر قدامها ويتلعثم ويخاف يفضح نفسه والحين كيف بيكون شعوره بعد٤سنين غيبه؟ ماكان وده اول لقاء بعد الغياب يكون كذا لكن اجبرته غيرته وحبه التملك اللي عنده وهوس انها له يروح بنفسه ويحذف الورود هو بحد ذاته
تسلل داخل وهو يعرف وين يحطون مفتاح البيت مشى وهو يصعد الدرج ولما وصل لفوق حس داهمته ريحة عطرها ماتغيرت للحين زي مايحب للحين مغرمه بهالعطر وانا فيها
فتح باب الغرفه وداهمه برود الغرفه وحنيتها وكان بيرجع لكن ردد بداخله
منيف: ادخل ادخل لاتفكر لا تردد سم بالله وادخل
يستغرب كيف بنت تهز كيانه وتخلل التردد في داخله وهو اللي قضى عمره مايدخله خوف؟ لكن هالبنت ماهي اي بنت؟ هذي نجده العَذيه حبيبة قصايده وقمر ليلته اللي كابد حياته مكابد  وقضى ٤سنين من عمره فالسجن عشانها
دخل وهو يتقدم ويحط الكتاب والنوت على الدرج اللي جنب راسها ماوده يتأمل عارف لو تأمل ماراح يقدر يتحمل هالبعد وهو لسى ماتمكن من قلبها ووده بالوصل سريع ووده يشفي شوي من غليلة ب وجهه نزل عينه على وجهه ونبض قلبه فالثانية اذا الف نبضه قليل وهو يتأمل عيونها الواسعه ورموشها الكثيفه لين وصل عند شامة شفايفها سبب كوارثه سبب عدم ثباته وتخلل اتزانه كيف ممكن تكون الشامه لايقه عليها لهدرجه كيف ما استحت وهي تحضن شفايفها من تحت كيف ممكن تزين الشامه لهدرجه يصمد امام كل شيء الا شامة عيونها يلقاها من الشامه ولا من عين الظبي؟ ايقن بعد هذي انه مستحيل يتحمل البعد زياده لازم يسوي اللي يسويه ويعجل بمحكوميته ماعاد يقدر يتحمل مل الصبر والتحمل صبر4 سنين والشهرين كانت تهون قبل عيونه تعانق وجهها ردد بداخله خلاص صبرت4 سنين مايكفي؟ وده لو يبادرها بقبله في جبينها وعلى شاماتها لكن الحب مايحلل الشخص لك لو ما اتصل عليه آسر كان ماطلع من عندها لكن ضروري يرجع لسجن عشان مايلاحظون غيابه ويزيدون بالمده رجع وهو يردد معليه الصبح اكيد بتتصل بعد ماتشوف الهديه مر برميل الزباله الله يكرمكم وهو يقط الورد وداخله يقول بنساك يعني؟ ماطقيت هالمشوار الا عشان اقطك فيه وياخذ النوت بيده يبي يقراه بعدين ماوده يخرب فرحته بسبب غيرته اللي ممكن تعيد له زمانن فات