صحت الصباح وهي تحس ب يد ايلاف على ضهرها
بما انها قامت قبلهم لازم تقومهم انسحبت بهداوه وهي تطلع وتدخل الحمام يكرم السامع دخلت المطبخ سحبت علبة مويه كبيره
نجد وهي توقف فوق السرير وترشهم مويه
نجد:صباح الخييير يلا يا جماعه صحصحو
وهج: بصراخ نججججد خير ان شاء الله تستهبلين في احد يصحي كذا!
نجد: وش فيك عيب عليك شفتكم نايمين قلت اصحيكم لاتفوتكم صلاة الظهر مثل الفجر
ايلاف: افكر نصلي صلاه بدون ركوع شرايكم؟
وهج:وش هي ذي؟
يارا بصوت ناعس:يعني صلاة الميت
وهج: ومين اللي مات
ايلاف: وهي تسحب نجد هذي
نجد بصراخ:بنات فكوني
ايلاف وهج يمازحونها وهي ميته ضحك وكالعادة يارا اهم شيء تنام ايلاف منسدحه ونجد جالسه تسولف سمعوا صراخ وهج وركضت نجد ووراها ايلاف
يوم وصلوا انصدمو بشكل وهج وهي تطفو عالمسبح
نطت نجد وهي تشيلها
وهج بضحكه: الانقتام ينوكل بارد ياماما بالعافيه
نجد: سخيفه وقفتي قلبي ما احد يمزح كذا!
وهج: لا بس قلت احسسك بالشعور
ايلاف بضحكه: بروح اسوي عصفر من يبي؟
نجد وهي دافنه وهج بالمسبح: ذي
وهج : اي والله احتاج
يارا: وهي تمشي نص واعيه: نجد تردين عليه ولا اخلي جوالك يسبح معك!
نجد :وهي تطلع من المسبح عطيني اشوف
نجد: اهلاً
ذياب: معليش عسى ما ازعجتك؟
نجد: لا ابد تفضل؟
ذياب: كنت ابي اوراق حساب البناء اذا عندك
نجد: يوه بالبيت!
ذياب: انتي بالشركه؟
نجد: لا ولا بالشركه تأجلها لبُكرا؟
ذياب: مو مشكله
نجد وهي ترد على ايلاف جيت ياحبيبي
ذياب: وهو يسمع قبل تقفل الجوال راودته الشكه انها ممكن تكون مع منيف لكن منيف بالسجن! معقوله يسويها ويطلع عشانها؟ ارسل الرقم ل رائد وهو يقوله حدد لي الموقع
البنات وهم جالسين يفطرون وهج ترتجف
نجد:تمزحين وهج الساعه ١ الظهر وانتي ترتجفين
وهج:السماء مغيمه وبعدين الشتاء على وشك دخول
ايلاف:معليك منهم تدفي بس واردفت وهي تطالع في يارا وانتي بعد اكلي
يارا:الموضوع كيف وصلني؟
نجد:هذي مواهب ايلاف تحشرك وانتي مالك شغل
ايلاف:اخلصو بس الامن له ساعه يقول حجزكم انتهى
وهج:نجد ماتدرين منيف وش يشتغل؟
نجد:يك وش هالسؤال الغريب والدخول اغرب!
وهج:كذا طرت علي
نجد:ما ادري ماتعمقت فيه لدرجه ذي
ايلاف:واحسن لا تتعمقين
يارا:دام هو متعمق لو سألته عن لون البرا وهي تضحك جاوب اشوف انك تسألينه
نجد بشهقة:ياوقحه ماتوصل
وهج:وهي تضحك توصل ليه ماتوصل المهووسين كذا
ايلاف:يالله الستر!
نجد:منيف لو اعرفه شوي لكن اعرف انه مو مُنحرف
يارا:المنحرف بيجي ويقولك انه منحرف؟
نجد:اُعيد واُكرر داخل علي مرتين ومره نايمه ومره واعيه وهذاني سليمه🫳🏻
قطع عليهم اتصاله
يارا:ذكرنا القط وجانا ينط ،ايلاف وهي تطالع يارا:كلب وانتي الصادقه وماتو ضحك على هيئة نجد المعصبه:ما اسمح لكم والله انه محترم!
وهج:ردي طيب يالمحترمه
نجد وهي تقوم:مواضيع خاصه، اهلاً
منيف:صباح الخير
نجد:اي صباح خير تو تشرق شمسك؟
منيف:اي والله تو بان نوري وتفتح ظلامي بعد حّسك رجعتي للبيت؟
نجد:لا هذانا بنرجع بس جلسنا نفطر
منيف:تطقطقين علي وماشفتي وضعكم احد يفطر الساعه١؟
نجد:وش نسوي مالنا نفس نتغدى شيء دسم قزرناها فطور
منيف:بالعافية يابوي
نجد:الله يعافيك
منيف:اذا وصلتي ارسلي لي
نجد:ممكن سؤال؟
منيف:امري؟
نجد:وش تشتغل
منيف بضحكه:شكل نجدنا تهمها الفلوس
نجد بتبرير:لا لا والله بس ابغى اتعرف عليك
منيف:امزح معك هذي مواضيع طويله ويبي لها جلسه عشان افهمك كل شيء
نجد:وش بتفهمني
منيف:كل شيء بوقته حلو انتبهي لنفسك
نجد:طيب ،مع السلامة قفلت وهي ترجع للبنات اللي جهزو انفسهم عشان يمشون نجد اسبقوني لسياراتكم وانا بـ لحقكم
يشوفهم يوم طلعوا ب استثنائها نزل من سيارته وهو يدخل الشاليه
واقفه برا تلبس عبايتها تبي تطلع تحسها تأخرت
داهمه شعرها الاسود والكثيف يحلف بالله انه يغطي على نور القمر صد بضهره وتنحنح نجد وهي تتحجب بسرعه
نعم اخوي؟
ذياب وهو يمثل الصدمه:نجد!
نجد وهي تطالع:وش تسوي انت هنا؟
ذياب:حاجزينه الشباب وقلت ببدأ اجهز قبلهم
نجد وهي راودها الخوف وبتطلع بسرعه :اها يالله مع السلامه وهربت وهي تركب سيارتها وتمشي
فالنهايه مو كل شخص تثق فيه خصوصاً ذياب تحس وراه قصه ما ارتاحت له
أنت تقرأ
انا بدوي وانتي عذيّة مثل نجـد
Poetryنجد اللي عانت بعد وفاة ابوها بسبب عمانها اللي بياخذون الشركه منها وكانت وصية ابوها ومن الناحية الثانيه مع منيف العاشق المجهول اللي يعرف عنها كل شيء حتى سر عِذيه اللي يعرفونه بس المقربين منها وش بيكون مصير منيف مع نجد اللي تكرهه الحب بـ يقدر يتغلب...
