انا بدوي وانتي عذيّة مثل نجـد

Part8

واقف قدام المرايه يعقم جرحه بـ ضحكة كان متوقع يشوفها نايمه كان بيكتفي لو خذا رقمها ومشى لكن ماتوقع هذا كله يصير سرحان وهو مبتسم ويحس ريحة عطرها اللي يحبه ثابت على تشيرته انسدح عالسرير ب ابتسامة الم مايدري متى ترفق فيه وتدري وش كثر يحبها متى تسمح له يحضنها ويلعب بشعرها ويستنشق عبقها يحس انها احلام مستحيله لكن حبه لها ضد المستحيل حس بـ اهتزاز جواله تحت راسه رفعه ضن انه عزوز صديق عمره ولكن رقم غريب كان مابيرد ماله خلق ولكن خاف ان شيء مهم
منيف:هلا؟
نجد:توقعتك نمت
فز من سدحتها وهو يحاول يستوعب اللي متصل عليه هالوقت معقوله؟ يحلف ويقسم ان صوتها ينسيه ويعالج كل مرارة وجروح الدنيا اللي هي ماكانت سببها
منيف:نجد؟
نجد:كنت بس بسألك اذا عقمت جرحك؟
منيف:ليه مانمتي؟
نجد:يوجعك؟
منيف:بكيتي؟
نجد:اذا ما تتحمل الوجع روح للمستشفى
منيف:كل وجع يهون الا وجع دموعك اللي في كل مره تحضنها الارض بدال حضني انا بخير لا ذكرتك وبـ شر لاشفتك بكيتي
نجد:ليه ماجيتني ابِكر من كذا ليه مجَيك تأخر؟
منيف:لا تعاتبيني على تأخيري وانا والله لو بيدي ماتأخرت عنك ثانيه عاتبيني اذا قصرت في حبك ليله واذا مانزلت لك النجوم اللي تبينها عاتبيني لا زعلتك الدنيا ولا منعتها لكن الا تأخيري لاتعاتبيني عليه عاتبته قبلك وجافيتني عليه
نجد:يعني اعاتبك على7 ليالي؟
منيف:عاتبيني على6 سنين راحت من عمري وانا في رجاء لقاء معك
نجد: اصارحك في شيء؟ تدري لو عندي استعداد للحب كنت بتكون الشخص الوحيد اللي عطيته ولكنك جيت متأخر شايل كل المشاعر اللي صارت تخوفني معك الليالي بتعذرك وتعذر تأخيرك لكن قلبي؟ ماعاد يقبل اعذار تقدر تعطيه العذر اللي يِمحي وسم السنين الفايته؟
منيف:كلنا انا والليالي كلنا آسفين ماطلبت منك قلبك طلب منك فرصه يمكن اني ماشرحت لك او اني قصرت في شرحي وش كثر احبك وانا ابيك تعذرين احساسي اذا قصر!
نجد:اخاف انها الفرصه اللي بعدها موتي
منيف:جعلني ما اسمع بيومك! انا قبل لـ اجرحك اجرح نفسي ولا اني اللي تحمل جرحك ليه كل هالخوف مني؟
نجد:حبك الوااجد يخوفني اخاف جرحك يجي وااجد مثل حبك ومايهضمه قلبي
منيف:لاتخافين من الوجع اللي يحب مايوجع يانجد وان كان يخوفك البعد انا اوعدك ماعاد ياخذني بعد عنك ولو اني انازع روحي جيت نازعتها وانا قريب منك
نجد:انا بقفل لاتنسى جرحك
منيف:حافظه حفظ قلبي لك
سكر منيف وهو ماليه القهر كيف كل هالحزن مسيِطر على قلبها من اللي عبث فيييه؟ ماهمه لو عاشت بعيد عنه يهمه انها بخير
جالسه تكلم وبأنفعال
وهج:احلفي بس مابقى الا يقول بلكي صديقاتك!
ايلاف:لا عاد يخسي الا خواتي
وهج:ايوه كذا متى بتجين اشتقت لنا انا ونجد بدونكم ولا شيء
ايلاف:اكثر وخالقك لكنك تشوفين الوضع خليني اخلص من التجهيزات وبجيكم ونجد قليلة الخاتمه ماتتصل ولا تسأل حرفياً ولا كأني بحياتها
وهج:نجد عندها لكم مفاجاة بس تستنى الرياض تلم شملنا يارا بدبي تشوف فرع الشركه الجديد وانتي تجهزين ل عريس الغفله
ايلاف:وش هي المفاجاة ليكون لقت فارس احلامها وتخلصت من عقدتها ضد الحب
وهج:اولاً يالغبيه اسمها مفاجاة يعني ماتنقال ثانياً نجد ذي يبي لها قرصة اذن حولها ذياب والعاشق المجهول وماهي معطيه احد وجهه
ايلاف:ذياب مين؟
وهج وهي ادركت المطب اللي اكلته:مادري
ايلاف:لا ياشيخه اخلصي قوليلي
وهج:يمه والله ما اقدر اقولك واخرب المفاجاة لو يهمك شيلي عفشك انتي واليزابيث اللي بدبي وتعالو في كلاام نبي نقوله لكم
ايلاف:خلاص بشوف يارا ونجيكم انتم فلتو غبنا عنكم اسبوعين ومادري شصار فيكم
وهج:ايه تكلمت امنا استعجلي بس