انا بدوي وانتي عذيّة مثل نجـد

Part7

لها اسبوع مندثره في غرفتها ومشاريعها الارهاق مالي عينها ولكن مجبور تنجز ولو نص الشغل عشان تعرف وش في راسها بالضبط؟ وفي نفس الوقت الشغل افضل لها بكثير من التفكير في شخصها المجهول لها اسبوع مغيره رقمها وتحس انها فقدته مو شوق ابداً بس اعتياد صعبه انك تعتاد على شخص كل صبح معك وفجاءه يختفي حتى ماعاد تحسه يشاركها ليلتها معقوله كان فعلاً يحبني؟ معقوله اني فرطت فيه؟ لو يحبك ماترك كفايه نجد لو يحبك حاول المسكين له سنه يحاول اكثر من كذا وش يسوي؟ كان هذا نقاشها مع نفسها
تطمن ان امها نامت تسلل لغرفتها فتح الباب وانصدم باللي ضرب راسه لف عليها وطاحت عينه في عينها رغم الالم اللي يحسه بالفازه اللي براسه الا ان عيونها كافيه ان تنسيه كل مُر هالدنيا كانت بتصارخ سحبها وهويسكر فمها
منيف: نجد اهدي اهدي هذا انا انا
نجد انصدمت ماتدري ليه علتها الراحه يوم درت انه هو تعرف مستحيل يضرها رغم نفورها منه لكن عندها علم بأنه يقدمها على روحه
منيف وهو يشيل يده ويلف ضهره عنها وماسك راسه
نجد بهلع من الدم اللي ينزف: جاك شيء؟
منيف: بسيطه ماصار شيء
نجد بصوت مايل للبكاء:وين بسيطه دمك بكل مكان
منيف: لا تبكين وخالقك بسيطه جرحك هذا جاء دواء لجرح القلب معليك
نجد: انت وشو ماتحس! كلك دم وفاضي غزل
منيف: انا بس جيت اقول خافي الله في شاعرك اسبوع كامل حارمتني من صوتك؟ ماطلبت الشوف والقرب صوتك كان يكفيني اذا عتيبه ماتقدر بدون نجد انا كيف اصبر بدون نجدي؟
الجم كل حواسها تحلف وتجزم لولا الشرايين اللي بقلبها يمديه طلع من كثر حنية العتاب حست انها قااااسيه عليه وكثير رغم انها تدري انه يحبها واكثر من مره يثبت لها هالشيء رغم ذلك خايفه ومتردده من ناحية الحب مو من ناحيته هو ولا هو لو كان عندها رغبة الارتباط كان اول شخص واخر شخص تفكر فيه
نجد: اجلس بشوف جرحك
منيف: اي واحد فيهم؟
نجد: اللي نزف مني
منيف:كلها منك
نجد وهي تقاوم الشعور: اجلس بس بشوفه
منيف:خليه ابييه يطول عشان لا اشتقت لك وتذكرت انه منك التهي فيه وانساك
نجد: اجلس اساساً بيبقى له اثر لو ماجلست
منيف: انا بس جيت اقولك خافي الله فيني! وداخل على وجهك من البعد لا تحرمين الميت اللي عاش على صوتك وطاريك حياته
طلع تارك لها الغرفه وهو قاطع عهد على نفسه لو لقاها يصد عنها وكان على وعده وحتى وقت كان مسكر فمها كان غاض عيونه عنها من كثر حبه لها ماوده يمِس حبه لها حرام وده يكون كل شيء نظيف مثل حبه لها
جالسه عالسرير تقاوم دموعها صار اللي خافت منه قلبها رجع ينبض اساساً لها اسبوع تتهرب من نفسها بعذر الشغل عشان ماتفكر وفيه والحين عرفت انها طاحت فيه شباكه من جديد تحس انها كرهت نفسها وكثير لما شافت الضعف بعينه والادهى والامر يوم صد عنها ولا شافها لو شافها اهون حطت لنفسها مية عذر ولكنه حتى بالقرب منها كان بعيد ماتدري وش تسوي تكمل البعد؟ اللي حتى هي ماعاد تتحمله ولا تعطيه فرصه؟