دخلو مع بعض ونزلو اغراضهم بالغرفة عشان يجلسون يتجهزون وكالعاده ميك اب برعاية السوالف
ايلاف:نجد حبيبتي بتحررين الاندلس ولا فلسطين ولا يكون عميله استخبارات كل هالغموض ليه؟علمينا وش وراك!
يارا:اتركيني من نجد انتي ليه ماتقولين اللي عندك دايركت لازم تتمسخر بعدين تدخل في صلب الموضوع
ايلاف:وانتي لو تخلين تركيزك على نجد مو علي مو احسن؟
وهج قبل تكمل يارا:خلصنا بنات ياربي منكم كبرنا وانتم للحين تتهاوشون
ايلاف: وانتي الثاينه لاتحسبيني نجيتي مني ترا للحين حازه بخاطري انك ماعلمتيني باللي صار!
وهج:عفواً الموضوع كيف وصل لي هذا اولاً ثانياً وش اللي صار!
ايلاف:ماصار شيء يعني؟
وهج: تستعبطين انتي؟
ايلاف:لا حسيت صاير شيء او بيصير
يارا:مو وقت احساسك ماما ايلاف انجزوا عشان تتكلم اليزابيث عن مفاجائاتها
نجد:في هالحالة اليزابيث انا؟
البنات بصوت موحد:ايوه
نجد:مادام اتفقو علي قليلات الخاتمه اقوم انجز افضل لي
عند ذياب
طرف مجهول:وشصار عليك؟
ذياب:ماصار شيء انت متأكد؟
الطرف المجهول:تشكك فيني ياذياب
ذياب:اي والله اشكك ٤ سنين راحت وانت توعدني اني القاه واذبحه مل الصبر!
المجهول: والله دامك تشكك وش له تتصل فيني وتطلب العون
ذياب: لانك داري ان يدي ماتوصل للسجن وعشانك انت ياعقيد تزاهمت لي
العقيد: اجل اصبر وانت تدري اني عند كلامي ولا خلال هالاربع السنين وش مصبرك غير علوم منيف اللي اوصلها لك؟ واذكرك في نجد انا قايله لك تبيه يطلع لك اضربه من وتره الحساس لكنك صامل
ذايب:قايل لك لا عاد تفتح هالموضوع ولا هي من شيمي آذي البنت وهي مالها خص بالموضوع كله
العقيد:اجل اصبر وتحل بالصبر كلها ٣ شهور ويطلع صبرت ٤ سنين عاجز عن الباقي
ذياب:اربع سنين واخوي تحت التراب والسبه الزفت اللي عايش بالسجن وانت تبيني اصبر يالله الصبر والسلوان بس
قفل وهو يتنهد وده اليوم قبل بكرا يدفن منيف قبل اليوم تعوذ من الشيطان وهو يفكر في نجد ماوده يمسها بعد مالفتت نظره ولو شوي هو عارف انه مايحبها وقلبه مع غيرها ولكنه وده يخلي منيف يجرب شعور انه يفقد اعز شخص عليه
جالسين برا يصورن كالعادة نجد : انتباه انتباه
البنات معك معك
نجد بصراخ: طالعوووووني!
فزو البنات يطالعون
طبعاً الحفله او الطلعه هذي بمناسبة مشروع الشركة الجديد
وهج ونجد يبتسمون وايلاف ويارا مصدومات
ايلاف:جد؟
يارا: لو مزحه ماتضحك ابدا ترا
نجد:الحين متحمسه واقولكم واخر شيء هذا رياكشناتكم!
ايلاف ويارا:يعني صدق
وهج:ايه وذياب اللي قلته لكم هو صاحب المشروع
نجد وهي تضرب وهج: ياشيخه يعني علمتيهم!
وهج:والله بالغلط زليييت
ايلاف : لأنه لو عليك اخت نجد كان ماقلتي لنا
يارا:الله يخلي لنا وهج توصل لنا العلوم اول بأول
نجد:اولاد قايله لكم من البداية ما احب اقول شيء عالجوال احب كل شيء واقع ثانياً مفاجاة اسمها وابي اشوف ردات الفعل ولو داريه انها كذا وفرت على نفسي وقلت لكم مكالمه
ايلاف: مبروك والله مره انبسطنا ولكن نرجع للأهم
نجد:واللي هو
البنات :ذياب
نجد:م س ت ح ي ل شيلوه من بالكم واضح انه راعي هالايام
يارا: وش راعي هالايام
ايلاف: يعني نفس الشباب لاينات وكذا
نجد بتوتر: وبصراحة
البنات :ايوه؟
نجد بسرعه:قررت اعطي منيف فرصه
منيف؟
نجد:المجهو...ل
وهج وهي تضمها:اخيرا خلصنا من محمد للأبد
ايلاف:اسكتي انتي الثانيه وش دخل محمد؟نجد من جدك ماتبتي يعني لازم نعيد زمان راح
وهج: وش دخل بتوقف حياتها عشان شخص مايستاهل
ايلاف:وهج اسكتي انتي ولا كلمه كله من تحت راسك توهمينها ان الكل يحبها واخر شيء يطلع اردى من محمد
وهج:ليه ولا كلمه هذا هو حبيب قلبك وفي ومايخون ليكون اخر حبه وانا ما ادري لاتوقف حياتها عشان تجربه فاشله الحياه ماتوقف على شخص
يارا:وهج ماما ايلاف مو قصدها لاتعطي احد فرصه لكن لا ترجع لشخص عنده نفس المؤهلات وبصراحة انا مع ايلاف نجد كيف تعطينه فرصه وهو سايكو انسان متخلف
وهج :مالكم شغل فيها اهم شيء يحبها وهي بتغيره على يدها
إيلاف:حلوه هذي خليها تبتلي فيه وتغيره على يدها بأي زمن حنا ماودك تصبر عشان عيالها
نجد:انا ما استئذن منكم للمعلومه اقولكم
ايلاف:الله يوفقك اجل مادام مايهمك راينا
نجز تقاطعها:انا ماقلت مايهمني رايكم انتم خواتي! انا ابيكم معي
يارا:بالغلط يانجد الخوات يحذرون بعض مايدعونك عالغلط
نجد:والله غير ماهو نفس محمد ابد
ايلاف:وحنا قلنا محمد غير ولا هو نفس غيره والحيين وينه ببيته بنته معه
نجد:منيف مو كذا يخاف علي اكثر من نفسي ويداري خاطري اكثر مني شاركني سنه من حياته بدون ملل والله يابنات لو اطلب قلبه مابخل علي فيه
يارا:كلام يانجد!
نجد:مو كلام مو انا اللي انصاغ بالكلام تعرفوني لكنه اثبت حتى يوم كتب ربي لقاء ماطالع فيني ولو نظره
البنات:شاااافك!
نجد وهي تعلمهم السالفه
وهج :يارب عسل!
يارا: حبيت جينتل مان
إيلاف:الله يخلف على خواتي هو مسوي ذا كله عشان تصدقينه
وهج:تقولك معه بالغرفه ولوحدهم لو نيته شينه ما احد درى بطلي عقد
نجد وهي تمسك ايلاف :ادري انك تحبيني وكثير وتخافين علي اكثر من نفسي ولكن صدقيني هالمره غير لامست الصدق في أفعاله قبل حكيه ولو جرحني بس بالكلام تركته
ايلاف: اكيد؟
نجد: اكيدين
وهج:يالله اتصلي
نجد:اخاف نايم
قاطعهم اتصاله على نجد
وهج:ردي وش تنتظرين
نجد بتوتر:هلا
منيف:وينك؟
نجد طالعه
منيف:وين طالعه بأي سماء ساطعه الليله؟
نجد:طالعه مع خواتي
منيف:ومتى بترجعين
نجد:يمكن ننام
منيف:في بيت وهج انتم؟
نجد:لا!بعدين من وين عرفت وهج؟
منيف:انا اعرف عنك كل شيء حياتي انتي ماتدرين؟
نجد:ايوه اقولك بالشاليه
منيف: بتنامون هناك؟
نجد :ايوه
منيف:خطر لو ماتنامون(:
نجد:لا عادي
منيف:معاكم احد؟
نجد:لابس لوحدنا
منيف:كان عطيتيني خبر طقيت كل هالمشوار عشان اشوفك لكن قاعد اطالعك فوق العوض ولا القطيعه
نجد:ايوه وجرحك؟
منيف:وش فيه؟
نجد:رحت للمستشفى
منيف:لا مايحتاج خفيف
نجد:ماكان خفيف كلك دم!
منيف:يدك ان ماجبرت ماجرحت معليك
نجد:منيف!
منيف:ياضلوع صدري وابوي وهلي سمي ياقلب منيف
نجد ويدها على قلبها ووهج منسدحه على كتفها وايلاف ويارا فوق الكنب يطالعون:روح للمستشفى
منيف:ابشري غيره
نجد:بس تبي شيء
منيف:ابيك
نجد:بقفل
منيف:فمان الله
نجد وهي تتنهد ووهج تصارخ :الله الله بمووت يهبل
يارا :كلااام فارررغ لكن لذيذ!
ايلاف:قلتيها كلام اوعى ينسيك حلاوة الكلام انه كلام
وهج :ماعلينا احرصي بس واثقلي ولو لاحظتي شيء غريب انسحبي
نجد:هذا اللي بيصير
أنت تقرأ
انا بدوي وانتي عذيّة مثل نجـد
Poetryنجد اللي عانت بعد وفاة ابوها بسبب عمانها اللي بياخذون الشركه منها وكانت وصية ابوها ومن الناحية الثانيه مع منيف العاشق المجهول اللي يعرف عنها كل شيء حتى سر عِذيه اللي يعرفونه بس المقربين منها وش بيكون مصير منيف مع نجد اللي تكرهه الحب بـ يقدر يتغلب...
