سالم.... صباح الخير.
هاشم... انجز مش فاضي.
سالم... طيب.. البنت الي كلمتني عنها وعايز تعرفه اخبرها اتحولت من المستشفي وراحت لمستشفي تانيه.
هاشم بتركيز.... فين المستشفي دي.
سالم.... ما الغريب في الموضوع ان المستشفي دي مقفوله من سنه.
هاشم والشك زاد عنده... ااااه طيب اقفل وهكلمك بعد الشغل.
هاشم قفل الموببل.... في مستشفي مقفوله من سنه ههههههه يا ابن اللعيبه.... كنت عارف انك زكي ومش سهل....اتأكد من الي في دماغي بس و انا هعرفك العب الصح بتلعب ازاي..
في البيت عند خليفه....
خليفه كان قاعد بيفطر مع ابنه..... ما تتصل بأختك يا حسن نطمن عليها.
حسن كان بياكل وسرحان....
خليفه ضربه علي كتفه... انت يااااا زفت مش بكلمك.
حسن... اه اي يا بابااا انا عملت اي.
خليفه.... بقولك رن علي اختك.
حسن... ما ترن عليها من موبيلك؟!
خليفه... الرصيد خلص.
حسن ياب الاكل بزهق... وانا كمان الباقه خلصت هي اصلا بت وش فقر من يومها.
خليفه.... انت شكلك عايز تتربي من جديد.
حسن.... مفيش صحه نتربا من تاني... بابا في موضوع شاغلني وعايز افتحك فيه.
خليفه... وانا مش عايز اسمع صوتك.
حسن.... اظن ان دا بط وقت.
خليفه... نعم!..
حسن.... بابا انا عايز اتجوز.
خليفه.... تتجوز! هههههه.
حسن.... اي يا بابا بتضحك لي هو انا بقول نكت!
خليفه... ومين الي هتنتص في نظرها وتحب وترضا بواحد زيك... هي اصلا ذنبها اي تكون معاك!
حسن.... مرسي لدعمك ليا بس هي موجوده فعلا وانتصت في نظرها وشافتني الحمد الله.
خليفه... واد يا حسن انت بتتكلم جد!؟
حسن.... اه وربنا تخيل.
خليفه... ومين دي!
حسن... احممم.
خليفه... لااا اخلص انت هتعمل فيها مكسوف قول علي طول وراياااا شغل.
حسن.... اوووف طيب.... تبقي سهر بنت الجيران.
خليفه.... ااااااه.
حسن.... اي بقي نروح نقابل باباها امتي.
خليفه.... مش عايزك تقلق خااالص يا حسن يا ابني.
حسن... الله يطمنك.
خليفه.... انا فعلا مطمن لان مش هقبل بالجوازه دي.
أنت تقرأ
مريض اصاب قلبي 💘
Misteri / Thrillerتزوج طبيبه دون ان يخبرها بمرضه النفسي وتغير شخصياته فكيف ستكون نهايه العلاقه؟! بقلم.... Asmaa Habib.
