مروان وقع علي الارض مغمي عليه.
مروه برعب... مرواااان.
مروان فتح عينه فجأه وبصلها بستغراب...! انتي مين!
مروه... احمد يااا عماااااار هي رجعت تاني هي سنه زرقه عليا وعلي سنيني.
في الفيلا عند هاشم رجع هاشم وطلب واحد من الحرس الي كانوا موجودين ساعه الهجوم...
الحارس وقف قدامه... تحت امرك يا هاشم بيه.
هاشم خرج صوره مروه من جيبه... تعرف البت دي!.
الحارس بسرعه... ايييوه يا هاشم بيه دي الي كانت مع الراجل الي هجم علينا.
هاشم ابتسم واتنهد بارتياح.... تمام اوي لااا بجد تماااااااام جداً جداً..
هاشم رن علي سالم... الو.
سالم... اهلا هاشم بيه.
هاشم... سالم هي مروه ليها حد في المستشفي دي!
سالم... ليا صحبي هناك في المستشفي اكيد يعرف حد من قرايبها..
هاشم... عايزك تجبلي كل حاجه عن البت ومين اقرب شخص ليها دي في اسرع وقت.
سالم.... تمام.
في الفيلا عند مروان....
كان مروان واقف علي السور فوق الفيلا وحزين... انا لااازم اموت.
مروه... وحااات امك ما وقت استعباط انزل يا مروان.
مروان بصلها ببرود... اسكتي انا مبكلمكيش.
مروه بتحاول تخليه ينزل... انزل علشان اجبلك حاجه حلوه انزل يا ميرو ها انزل يا حبيبي.
مروان اتكلم بسخريه... هو انا عيل صغير.. انتي شيفاني عبيط!
مروه... حقك عليا انا الي عبيطه واستاهل ضرب الجذم اني وافقت ابقي جمبك معلش انزل بقي متجبليش مصيبه.
مروان... انتي زيهم كل واحد كان عايز مصلحته.
مروه... طيب ممكن تنزل نتفاهم!
مروان... مبتفاهمش مع اغبيه.
مروه بعصبيه... انااا مش غبيه متزرزرنيش
مروان... بس انتي لسه قايله انك غبيه!
مروه.... ذله لسااان... ممكن تنزل نتكلم.
مروان... مش واثق فيكي.!
مروه.. بما ان الثقه بنا شبه منعدمه اي رئيك نعمل اتفاق هااا.
مروان.. اي هو!
مروه... هعملك رز باللبن حاجه حلوه وجميل ومش بعرف اعمل غيرها بصراحه.
مروان... امممم بس انا مبحبش الحلويات.
مروه.. خلاااص هعملك حاجه مره شبه ياااامي الي بعشها هاااا مبسوط.
أنت تقرأ
مريض اصاب قلبي 💘
Mystery / Thrillerتزوج طبيبه دون ان يخبرها بمرضه النفسي وتغير شخصياته فكيف ستكون نهايه العلاقه؟! بقلم.... Asmaa Habib.
