صحيح افترقنا مدن لكن القلوب متقاربه

بارت:-5

P:-5
لقت فارس وانصدمت من وجوده وعرفت أنه سمع كل شيء قطع الصمت الي بينهم فارس:- لو تقدمت لك توافقين ؟
استغربت من السؤال :- حدث من 10سـنــين وحنا صغار بالسطح اول لقاء والكلام الي صار اذكره وكأنه اليوم أكثر من 5 رجال من مناصب عاليه تقدموا لي و رفضت تتوقع وش يكون السبب؟!
فارس:- اوعدك انك لي حتى بيوم تخرجي لتكوني هديتي
الريم:-مجنون صح ،اقولهم م ابي اتزوج عشان دراستي وانت تبيني اوافق بعد م تتخرج والله اكيد بيشكون خلني التخرج وبعد يصير خير
فارس:-عادي المهم نكون لبعض وبعدها كل شيء ينحل
الريم :- والجامعة ؟
فارس:-لا انتِ بتخليني اتخرج وعلى طول اتوظف
ضحكت الريم:-شد حيلك،يلا روح قبل لا يجي احد

راح ورجعت الريم تمسح على الخيل:-قد ايش مخظوظ انت شفته وسمعت صوته وعرفته بيوم واحد وانا بالقطاره طلعت نصاب ضحكت و قفلت الباب وطلعت للعيال واختها عند العيال بعد م راح فارس سالم حس أن صدق فارس فيه شيء لكن كما سوالفه مع العيال
سعود:- وش رايكم نسكن زي زمان بنفس الحارة
سعد:-اي صدق في بيت جنب بيتنا صاحبه عارضه للبيع وشرايكم تاخذونه
سالم:- والله مدري نشوف الوالد وخير إن شاء الله
سعود:-على خير إن شاء الله
كملوا سوالفهم لين رجع فارس وكمل سوالفه وشوي وطلعت الريم
لف عليها سعود:-خلصتي
الريم:-يب
سعد:-اجل يلا م بقي شيء ع الصلاة
ماجد:- يلا إن شاء الله بيننا لقاء
سامر:- ابد م عليكم كل م طفشت بتلاقوني مزعجكم بالبيت
سعد:-وشرايكم نجتمع اليوم؟
فارس:-والله اليوم معد في وقت ويبي لنا نجيب اخبار الـ 10 سنوات ونسولف فيها
سامر:-يبيلكم 10 سنين متقابلين بعض وتهرجون
فارس:-اي والله صادق صارت احداث واجد
سامر:-باي ديرة كنتوا
سالم:- بـ نجد العذيه
شهق سامر بصدمه:-قل والله ، م قد تكلمتوا بلهجتهم
ضحكوا على وجه الي تغير من الصدمه سعد:- ليه مو مصدق،اصلا م تكلمنا فيها بس انا نعرفها صح نقلنا بس م يعني انا خلاص بننساها
سامر وهو ماسك شنبه الا للحين م طلع:- كفو هذي علوم المراجل
الريم:- سامر لسا م طلعلك شنب تبيه؟!!
سامر:- امسكوها ترا باقي ما انتقمت
ماجد:- افا وش سوت لك
سعد وسعود الود والريم ميتين ضحك
"فلاش باك"
قبل سنه كان الوضع إجازة و غيداء طلعت للجارات كعادتهم والريم رفضت تروح(سوالف حريم تصدع الرأس) وسعد طالع مع اخوياه وسعود بالنادي وسامر نايم والود على جوالها والفيصل بالصاله ع التلفزيون الريم وهي تدور بالبيت بطفش :-يبه طفش
الفيصل:- وش اسوي طيب كلنا طفشانين و م بقي على الصلاه شيء روحي صحي سامر وبعدها يصير خير إن شاء الله
الريم :- اك وبالضبط راحت لغرفه سامر توها بتدخل الا وتجيها فكره برأسها طارت على غرفتها طلعت (ايلاينر_روج احمر)وراحت لغرفه سامر وبدت تسوي لها الشوارب وتسحب في العين وتسوي الروج وسامر نومه ثقيل رجعت الاغراض وصحت سامر لين م قام راح الحمام يبي يتوضأ م امداه يرفع رأسه يتوضأ الا والصرخه ماليه البيت :- الرييييييييييم !!!!!!!!!!
الريم طارت للصاله الفيصل:- وش سويتي
الريم :-الفزعه ي ابو سعود تكفى
طلع سامر :-وش ذا من سوا لي كذا
الريم بشهقه مكر :-وش مسوي بوجهك انت اك شفتك داخل غرفتي م توقعت انك بتسوي بوجهك كذا
سامر:-انا سويت كذا متى ؟
الريم:- لا الروج يهبل
عرف سامر أن هي إلا مسويته وقام يطارد وراها لين م تعزوت ب سعود الي جاء وبعدها م أخذ حقه
"نهايه الفلاش باك"
فارس بضحكه:-وربي كفوووو
سالم:- م توقعتها منك ي الريم
سامر:-كلكم شاهدين للحين م انتقمت مجود دور لي انتقام
ماجد:- ابد تبشر بي والله بكسات شيء كذا بس
الريم:-افا سموري تسوي باختك كذا
سعود:- اي وانا والود عيال البطه السوداء مثل
مثلت الود أنها تبكي :-اخخ شفت ي اخوي
سعود:- تعالي تعالي اعيشك أميرة
الريم بضحكه:- اي والأميرة روحي معه اول محطه بنزين بيسالك لو عندك 50 فلوسه بالبيت😂
ضحكوا على ذبه الريم وودعوا بعض بعد تبادل الارقام والمواقع

اول م وصلوا البيت سلموا على امهم ابوهم
الفيصل:- غريبه تاخرتوا
غيداء:- لا يكون صار لكم شيء بالطريق
سعود لا والله م فينا الا العافيه بس التقينا مع عيال عمي ناصر ما شاء الله تبارك الله كبروا وتغيروا بس عرفونا
غيداء:-عيال ناصر و غاليه الا بـ نجد؟
الريم:- اي والله واصلا لهم 5 سنين هنا وعندهم بنت اسمها ساره بعمر سامر
الفيصل و غيداء:-ماشاءالله
فيصل:- وين تلاقيتهم ؟
الريم سوت كأنها غبيه :-في واحد عنده خيل هناك وجوا وعرفونا
الفيصل:- ما شاء الله اجل اعزمهم بكره على العشاء
سعد :-افا عليك بس عزمناهم بكره
سامر:- يمه يبه ليه ما علمتوني انكم كنتم ساكنين فيها
الفيصل:- اصلا كنا نبي نروح لها بس ما في وقت على م استقرينا و سجلناكم هنا وجيت هنا انشغلنا
الود:- اي صدق تخيلوا اصايل بنت سلطان اتزوجت مفلح ولد ابو مفلح
الفيصل:-لا تمزحون
سامر بلقافه:-وعندهم ورعين
غيداء:- بسم الله ماشاء الله الوحيدين الي م توقعتهم لبعض ضحكوا كلهم وراحوا يبدلون عشان العشاء

(طبعا م حد كان متوقع زواج اصايل من مفلح استنقاصا لا بس لان اصايل كانت تخاف من مفلح و مفلح م يرتاح الا إذا ضايق اصايل)
__________
عند عيال ناصر رجعوا البيت سلموا على امهم و ابوهم وجلسوا يتقهوون معهم فارس:-يبه ترى سعود يقول انه في بيت زيين قريب من بيتهم وسعره زين و معروض للبيع وش رايك نشتري ونكون قريبين مثل اول؟
ناصر :-انت وش رايكم؟ انا ما عندي مشكله ناجر البيت أو اعرضه للتجاره
غاليه:- وانا ما عندي مشكله،والبيت عادي لو تزوجوا سالم ولا ماجد يقعدون فيه وياخذون راحتهم
فرح:-اي والله عادي اجل خلاص كلموا الي يبي يبيع البيت واشتروا واكيد م حيقصرون معنا
وسن :- صح اني كنت صغيره لكن والله اني اشتقت لهم
ماجد عشان يحرهم:- اووف لقيتهم اليوم البناتوالعيال اي صح عندهم ولد اسمه سامر بعمر سارة ماشاءالله صايرين رجال
غاليه:- البنات والعيال متزوجين ؟
فارس:-كلهم م تزوجوا العيال يقولون جوهم كثير بس أنهم رفضوا عشان الدراسة
فرح :-والريم
فارس:-توها اول ثانوي
سارة :-الحين كلكم تعرفونهم وانا م اعرفهم ليه؟
سالم:-تعرفينهم إن شاء الله
لف سالم على أبوه:-ها نشتري
ناصر:-على بركه الله بس اول شيء نشوف البيت وبعدين خير إن شاء الله
ماجد:- ترا بكرة معزومين على العشاء عندهم
سارة:-وناااسه اخيرااا باشوف الي احسبهم من الخيال باروح اتجهز
ضحكوا كلهم على حماسهاا وقاموا يتعشون وينامون
____________________
حلويني وين التفاعل استمروا طبعا كان يبخاطري انزل أكثر بس عندي اختبار وباكمل لكم طبعا بكره م في بارت لان البارت الجاي يحتاج وقت بكتابته فيمكن انزل الخميس أو الجمعه

اي شيء تبي تسوي له تشبيهه حياكم
انستا :- riw_reem