صحيح افترقنا مدن لكن القلوب متقاربه

بارت:-11

P:-11
نجد|المغرب|بغرفه البنات
كانوا البنات كاشخات وكل وحده تقول الزين عندي
(راح اوصف لكم اشكال البنات مع فساتينهم)
فرح:- صاحب بشره متوسطه البياض طولها وسط وجسمها حلو بشعر متوسط الطول بلون بني
(فستان اسود و اكسسوارات وكعب فضي



)
الود:- صاحبه بشرة بيضاء طويله وجسمها حلو بشعر طويل باللون الاسود (



)
الريم:- شعرها طويل بلون عسلي طويله و جسمها نحيف حلو عليها (فستان احمر ،بحكم أن بس نظرة شرعية لبست اكسسوارات وكعب فضي



)
وسن:-متوسطه الطول وجسمها حلو بشعر يوصل لنهايه رقبتها (فستان باللون الازرق باكسسوارات وكعب فضي



)
سارة:- متوسطه الطول وجسم حلو بشعر يوصل لنصف ظهرها(فستان باللون الوردي الحلو،اكسسوارات وكعب فضي



)
سارة تسريحتها (مفتوح بدون م تسوي فيه شيء ثاني)
وسن تسريحتها(رافعه شعرها من فوق ومن تحت مفتوح )
فرح تسريحتها(مفتوح ولبست اكسسوار شجر بالون الفضي_صورته_)
الود تسريحتها(مفتوح ومع كم خصله من قدام)
الريم تسريحتها(مرفوع بذيل حصان مع كم خصله من قدام واكسسوار صغير باللون الفضي)

_____________________________
طلعوا البنات وكل وحده مصدومه من جمال الثانيه
الريم:-بنااات وربي تجننننوا
وسن:- مو اكثر منكم والله
فرح:-لا عاااد زوجات اخواني بيتسببون بموووت اخواني وش ذا الزييين
الود:- اخخ بنات استحيييتت
سارة:-يا ويلي العروس استحت وأخوي ادري فيه م يستحي بيسوي سواالف
الريم:- يا راسي ماعندك تشفيراات
ضحكوا البنات وطلعوا لامهاتهم يعاونوهم على اخر شيء
طبعا غيداء وغاليه قرروا يطقمون ولبسوا نفس اللبس(



)
____________________________
عند العيال خلصوا وراحوا المقلط خذوا ثيابهم ولبسوها وطلعوا وتلاقوا مع عيال الديرة وكملوا طريقهم يغنون لسالم وفارس لين م وصلوا العزبه(مكان الحفل)
قام ابو صلاح(شيخ الحاره):- يلا حيهم ،حيا الله العرسان
سلموا فارس وسالم :-الله يحيك ي عمي،ما تقصر
وجلسوا جنب ناصر والفيصل
وباقي العيال راحوا يقدمون القهوة والتمر
________________________________
عند السيف
خلص دوامه وطلع وهو متضايق يحس ماله وجه يقابل اخوه بعد الي صار وحس أنه لازم يروح لبيته فاتجه لبيته واول ما فتح الباب انصدم من وجدان أنها بالأرض خذاها بسرعه ولبسها عبايتها وطار فيها للمستشفى...

طلعت الدكتورة واخيرا:-انت زوجها؟
السيف بسرعه مع ربكه :-ايوا
الدكتورة:-الف مبروك زوجتك حامل
ما يدري يتونس ولا يزعل جاه الضنا بس من غير موافقتها للي سواه ابتسم ابتسامه خفيفه:-اقدر اشوفها؟
الدكتورة :-تفضل
علمت وجدان والواضح عليها م حبت الموضوع ذا
الدكتورة:-صراحه م ادري كيف م عرفتوا أو جتك اعراض لان حاليا داخله الرابع كيف م حسيتي بشيء؟
وجدان بداخلها "وشلون باحس وانا كل يوم ضرب واهانه بتوقعها اي شيء مار" :-اقدر اشوف الجنين؟
الدكتورة:- اي ،وفكت الشاشه وبدأت تأشر لها هذا ولد وهذي بنوته بتكون تشبهك أن شاء الله
السيف وشلون ذي تقول ولد ومره ثانيه تقول بنت:-معلش يعني وش تقصدين
الدكتورة:- ألف ألف مبروووك زوجتك حامل بتوام بنت وولد وهذي بعض الفيتامينات الي لازم تتستخدميها والف لا بأس عليك
طلع السيف وهو ماسك وجدان الي تحاول تفلته منها لكنه ماسك عليها بقوة والسيف ابد مو مصدق أنه بيصير اب ومو اي اب بيصير اب لطفلين يحس الأرض مو سايعته من كثر الوناسه
رجع البيت بعد م صرف الادويه مع الكره الكبير من وجدان له
السيف:- خذي ادويتك وانتبهي على نفسك
وجدان ببكي وقهر منه :- ماني ماخذتهم وش تبي مو انت تبي تجلس عند اخوك روح له ابي أرتاح
السيف :-اول مره اشوف وحده م تبي اطفال
وجدان:-دامهم منك ما أبيهم،دخلت الغرفه وسكرت الباب
______________________
عند العيال
اتصلت ام سالم على ماجد لأجل يجي للبخور الي نسوه (يبخرون العرسان -عيالي نسوه من الوناسه😂)
جاء ماجد بيطلع :-مجود
لف على سعود الي يناديه :- سم
سعود:-سم الله عدوك،عسى م شر
ماجد:- الشر م يجيك،بس نسينا البخور وامي الحين متصله تبينا نروح له
سعود:- لا خلاص انت اقعد وانا اروح له ،اخوانك معاريس وم تقعد لا والله
ماجد:- لا اصلا ماني مطول وباجي بسـ...
سعود بمقاطعه:-حلفت عليك يلا ارجع ،وانا باروح اجيب البخور وماني مطول
ماجد:- تمام
بالفعل راح سعود يجيب البخور وهو يتمنى يلاقي فرح لأجل يعرف رأيها فيه وصل للبيت ودق عليه سمعته ام سالم:-يمه فرح روحي عطي ماجد البخور عند الباب
فرح:-تمام،خذت فرح البخور على أساس تعطيه لماجد(م يدرون أنه سعود الي جاي) :-ماجد
سعود:- انا سعود،ماجد انشغل وجيت عنه
فرح بريكه:-اا..اجل تمام ،هذا البخور
خذا سعود البخور وجت فرح بتمشي وقاطعها سعود بقوله:- فرح،لو تقدمت لك وش قولك
فرح انصدمت فوق ما أنه مناديها كمان يطلبها زوجه يهوو وش ذا:-أ.انا بدخل
سعود:-ا.اي بس وش قولك
فرح بسرعه:-الي فيهه الخير ،ودخلت وهي مو قادرة تتنفس وبداخلها:-معقوله يفكر فيني زي م افكر فيه افف وبيتقدم لي كمان اخخ
ام سالم:-هاه فرح عطيني ماجد البخور
فرح:- اا.ايه بس جاء له واحد من عيال عمي الفيصل يقول ان ماجد مشغول وجاء بداله
ام سالم:-اجل تمام روحي نادي البنات والعبوا معهم
فرح:-تمام ،وراحت للبنات وقالت لهم يروحون يلعبون(يرقصون)
وبدت المطربه بــ:-