صحيح افترقنا مدن لكن القلوب متقاربه

بارت:-9

P:-9
الاربعاء|بيت ابو سعود "الفيصل"
يجمعون أغراضهم للسفر
الريم:-يماااااه تكفييييين ابي اسوق انا والله م اسوي دوشه ولا اسوي شيء غلط حتى الجوااال م امسكه تككفين بامسك الطريق انااا
الفيصل:-الريمم الطريق 10 ساعات وش تسوقينهااا انتي م تقدرين تسوقين فيها
الريم:- يعني اكيد بتوقفون بتريحون يعني بتوقفوون عشان الصلاة وعشان الحمامات وعشان البنزين وعشان الغدا أو العشا يعنني بارتاح
الفيصل:- ومن بيركب معك ؟
الريم:-هذي بسيطه انا والبنات بسيارة عشان ناخذ راحتنا والعيال نفس الشيء وانت وامي وعمي ناصر وزوجته مع بعض تكونون
غيداء:- اجل بتروحون مع بعض والجنان الي يجيكم وقت السفر
الريم بثقه:- افا عليك ازهليهها
الود:-الله يستر منك ي الريم
وراح الفيصل يتصل" ناصر "

بنفس الوقت
| ببيت ابو سالم "ناصر"|
سارة:-يمااااه وين احط اغراضي الحين ؟
سالم:-وين الساعه السوداء حق العييد؟
ناصر :-الساعه حقت العيد وش تبي فيها بالديرة خذ حق المناسبات وانت أغراضك يعني وين بتكون بالشنطه اكيد
طلعت غاليه ع أصواتهم وشافت ماجد وفارس الا مجهزين أغراضهم من اول وجالسين ع الكنبه يشربون شاهي ويفصفصون ويضحكون عليهم
ماجد بتريقه:- الله لا يبلانا للحين تجهزون
فارس مكمل معه:- استغفرالله تجهزون للحين وانت عريس ، وش زيني عريس جاهز
سالم:- اي واضح مررره ترااا نسييت الشوز حقك لا يكون بتلبس شبشب
ماجد بتريقه:-استغفروا الله بس معاريس و م جهزوا شيء الله لا يبلانا
ناصر:-فارس خذ شوزك ، لا تنساه وكلكم اغراضكم جاهزة؟
وسن وهي داخل:-اييييههه ، وناااااسه بنروووح الديرة
جا ناصر بيتكلم قطع عليه الجوال وكان المتصل "الفيصل"
ناصر:-ارحب
الفيصل:-البقى،وشلونك عساك بخير
ناصر:- والله الحمدالله تمام وانت شلونك عساك بخير
الفيصل:- والله الحمدالله بخير، ها جاهزين
ناصر:- اي الحمدالله،تبون مساعده شيء
الفيصل:- لا والله سلامتك بس الريم تحن وتزن تبي تسوق و تقول عشان ي خذون راحتهم  و العيال بسيارة وحنا بسيارة ها وش رايك
ناصر:- والله مو شينه بس تعرف تسوق هي؟
الفيصل :- اي ،وش قلت
ناصر:- والله زين م سويت نرتاح من ازعاجهم شوي والله معهم
الفيصل:-اجل شوف من بيسوق بالعيال وبكره نتقابل أن شاء الله
ناصر:-ع خير
الفيصل:- ع خير، مع السلامه
ناصر:- مع السلامه

راح ناصر وعلمهم ونط فارس:-تكفوون باسوق بالعيال انا
غاليه:- مجنوون انت 10 ساعات تسوقها
ماجد:- عادي عادي بيعرس وهو لحين م مسك طريق سفر م ينفع
وسن :-الله وناسه باتسوق الريم فينا فللله
ناصر:- بشويش ولا بكنسل ،طلعوا اغراضكم عشان نوزعها بالسيارات
العيالل:- تممم
طلعوا أغراضهم و رجعوا ينامون ونفس الشيء عند عائله "الفيصل"
______________
الخميس|00:-6 pm| بيت ناصر|
فارس:-بسرعه تلحق ولا م تلحق بسرعه
ماجد:- ي خي ذا لاعد يسوق
وسن :-سكروا فمه وريحوني من صوته
سارة:-والله جد نقوم من صباح ربي على صوت يبطق الطبله  اعوذ بالله بس
غاليه:- بسم الله ع ولدي ،وشفيكم عليه وانت لا تصارخ
فارس:- يمه ابطوا علينا،وتوك تدافعين عني قلبتي علي وش ذا
ناصر:-تراكم متاخيرن وفارس صادق
فرح بوناسه:- اناااا جيت
ماجد:- هلا بالي جاء، يلا باقي شيء؟
غاليه:- لا خلاص ، يلا نمشي
واتجهوا لبيت الفيصل

"بيت الفيصل "
سامر:-اخلصوا علينا
الريم:-وشفيك مستعجل بالهداوة
الود:- ميت ع السفر اخوك
سامر:- لو اني اعرف شيء عن نجد كان مشيت من اول تقهروون  وش ذا التاخير
الفيصل:- يلا خلصتوا
غيداء:- اي الحمدالله
سعود:-يبه بتسوق انت ولا عمي ناصر
الفيصل:-عادي كل واحد يمسك 5 ساعات ادري بيحلف علي بس نقسم الطريق علينا
سعد:- عمي ناصر وصل
وصلوا عائلة ناصر و أخيراً
اجتمعوا كلهم عند البيت
وسلموا على بعض وركبوا الاغراض
ناصر :- يلا ي عيال فارس انتبه للطريق و الجوال له وقته طيب وانتوا ي البنات انتبهوا من الطريق سفر وجديد عليكم والطريق طويله وانت ي الريم نفس الكلام الي قلته لفارس لك ادري فيكم مهابيل
الريم:-افا ي عم ازهلها وانا بنت الفيصل
الفيصل:-والنعم
الريم:-م عليك زود
سامر :- أشهد أن لا إله إلا الله وأن محمدا رسول الله اخخ  انا لو اني مو عارف سوالفهم م كان ركبت معكم وضيعت حياتي
الفيصل :- وشبهاا سوالفنا خلتك رجال
سعود:- القم
سعد:- خلك ساكت تكفى
سامر:- ابد والنعم فيكم بس سوالفكم كلها عن ذاك تزوج وذاك طلق وذاك عنده ورع والخخخ ،وانا م تصلح لي ذي السواليف توي بزر
ناصر:- انا بعمرك اشتغل وانت تقول بزر
سالم:-تكفوون خلونا نمشي الحين قبل لا يمسي وصدق نموت
فارس :- خير وش قصدكم م اعرف اسوق
سامر:- انا م قد جربت سواقتك م لي دخل اذا بتسوي حادث علمني عشان اقدر انزل
الفيصل:- يلا خلونا نحرك لان كذا ولا كذا تأخرنا
_____________
انستاriw_reem
reeman_4567تيك توك