صحيح افترقنا مدن لكن القلوب متقاربه

بارت :-17

P:-17

م يدرون وش يسوون وشلون يعلمون امها اختها وحيدتها وشلون ابوها بيتحمل هالحقيقه الي راح يلووم نفسه عليها سعوود الي يعدها بنته متاكد أنه بيغليها أكثر من بنته سعد اخخ ي كسرته الي عادها توامه يحس روحه رااحت وشلووون يتجرأ أحد ويسوي برووحه كذا وشلووووون من أذن له يقرب
من خواته أو عااائلته  سامر وش هو حال سامر الي مو قادر يستوعب شيء يناظر الفراغ من غير اي هدف أو أي صوت كل الي يسويه مركز نظره ع الفراغ ودموعه مااخذة مجراها
سالم علاقتهم ابد م بينهم شيء لكن هذي الي كان
يلعب معها عشان توصل له اخبارها كانت مرسال بينهم
عدها أخته والاقرب بنته ماجد الي مو قادر يسوي شيء يوقف مع ميين حالهم متدهور للآخر فارس وش هو فاارس
من دون الرسم اخخخ الي يشوفه يقول ميت عليه أحد من الي يتجرأ ويسوي كذا بحبيبته وشلون سمح لنفسه يجي صوبها من أذن له

كان حالهم م يتمناه لـ صديق ولــ عدوة
بشكل عام كلهم يتمنوون أن الجاني يجي وحالفين أنهم م يتركونه
عرفوا بعد 3 ساعات أن الريم دخلت غيبوبة مجهووله المده
وقعدتهم م لها أي فاائدة انصدموووا وشلون غيبووبه ومجهوله المدههه

طلعوا للبيت مجتمعين الا الفيصل الي كان
عارف انه الي صار له يد بالقضية ورجعوا كلهم البيت مع ناصر
الا هو راح للمركز
____________
جالسه مع غاليه ومعهم كل من فرح و وسن و سارة والود
غيداء وهي تمسك قلبها الي قرصها:- اعوذ بالله
غاليه :- وش بلاك ؟
غيداء:- عيالي.
غاليه  :- وش فيهم ؟
غيداء:- عيالي ي غاليه والله م هم بخيير
فزت الود لامها:- يمه وش فيك انا عندك وسعد وسعود وسامر مع عيال عمي ناصر والريم توها متصله جايه وأبوي بالدوام اكيد
قامت تبي تتصل لكن طاح نظرها على فرح الي لافه وجهها وتناظر بالجوال ودموعها تسبقها
قبل ثواني بسيطة
شافت غيداء لما فزت وحست بأن فيه شيء اتصلت ع سالم
وعلمها بالي صار ومن وقتها بدأت تبكي لدرجه م قدرت تعلمهم
:- فرح جاك خبر ؟ تكفين طمنينا!!
بلعت ريقها فرح بصعوبه :-جايين جايين
الود :- ترا الريم تاخرت المفروض انها موجوده من 5 دقائق بالكثير بس صار لها ساعات
جلست غاليه تهدي في غيداء الي للحين تبكي وقلبها مو متطمن
وراحت الود لفرح (تمسكها تحقيق) واخيرا اعترفت فرح باللي صار لدرجه ان الود و سوسن وسارة طلعت منهم شه
قه أشبه بصرخه لحد م التفتوا لهم وبدوا بالبكاء
وهنا عرفت غاليه أن الشيء قوي وم حد بيتجرا يقووله

قطع عليهم صوت ناصر :- السلام عليكم، غاليه تعالي شوي
ردوا السلام بخفوت وراحت غاليه م تدري وش صار وليه مستعجل :- خير وش فيه
ناصر :- خير إن شاء الله، الريم صار لها حادث والحين بالمستشفى قولي لامها بس لا تفجعونها
شهقت غاليه :- وشلون ؟متى ؟
ناصر :- م ادري والله توي جاي من المستشفى وهم دقوا ع الفيصل وراح المركز ، انتبهي لهم طيب؟
هزت راسها بالايجاب:- طمنا طيب
ناصر:- أن شاء الله ،، وطلع يلحق الفيصل للمركز
أما عنها راحت تشوف غيداء جالسه ومغمضه عيونها بتعب م تدري وش فيها وحولها الود والبنات  كانوا البنات عارفين بس مب قادرين يقولون لغيداء
غاليه :- غيداء ؟
ردت عليها غيداء:- وينهاا الريم ي غاليه
بلعت غصتها :- ادعي لهاا تحتاج دعواتك !
انجنت غيداء:- و وشش تقولليييين ؟
غاليه:- هدي نفسك م فيها إلا العافيه أن شاء الله مدري وش صار لها والحين بالمستشفى
م تحملت غيداء الي وصلت لحد الاغماء
_____________________
بعد مرور وقت