P:-19
______
عند وجدان السيف
جاب حمد الفلافل وطلعت له وجدان بحكم تعب السيف
عطاها :- وجدان سوي لي طريق أبي اكلم اخوي
وجدان باستغراب:- تمام ،، ثواني بس
وبالفعل لبست طرحتها ودخلته الصاله وراحت المطبخ تجيب القهوة وطلعتها ورجعت المطبخ
دخل حمد عند السيف
استغرب وجوده السيف بس م وضح له بالعكس رحب فيه:- ي هلا ي هلا حيا الله ابو السيف
حمد وهو يطقطق عليه :- هلا فيك بس وش ذا ابو السيف من زينك عشان اسمي عليك
السيف بثقه :- لا والله احلف ؟ اصلا حاصلك ولد واسمه السيف
حمد وهو يتذكر موضوعه :- لا اكيد صح صح وسكت
ناظرة السيف :- ادري عندك كلام وش فيه ؟
توتر حمد :- شوف ادري انك اخوي الصغير وكذا ولو الحاجة م جيت ف
قاطعه السيف بضيق :- افا علييك تحتاج وانا موجود والله اردها لك دبل ادري انك انت الي دفعت من ورث ابوي وامي ومؤيد الله يرحمهم لما كنت بالمستشفى
قاطعه حمد :- هب هب ترا مب فلوس
ناظرة السيف باستغراب:- اجل؟
حمد بارتباك :- يعني شوف هو الصراحه
السيف بنفاذ صبر :- اي
حمد بارتباك مختلط بتوتر :- ي خي لا تقاطع
السيف وهو يحط يده على فمه بمعنى (خلاص سكتنا)
حمد بنفس التوتر وبسرعه:- ابي اتزوج صديقه زوجتك و ماني عارف عنها شيء وأبي زوجتك تقولي كل شيء عنها ووو
قاطعه السيف بعد فهم :- خذ نفس خذ نفس ، تبي تتزوج والي تبيه تكون صديقه زوجتي ومب عارف عنها شيء وتبيني اعلم زوجتي انك تبيها وتعيك معلومات عنها عشان تتزوجها ؟
حمد :- اخيرا فهمت ، يلا الباقي عندك
السيف :- شايف قله الادب تبي تتزوج واخوك الوحيد مكسر
حمد :- حبيبي ايش مكسر ترا كلها رجولك وبتنزرع عندي وعيال عمي ناصر وعمي الفيصل مب مخلين علينا قاصر فاخلص وشوف ام مؤيد
السيف :- كنت بارفض بس دام قلت ام مؤيد تم
حمد :- كفو ابو مؤيد ، ترا قلتها عشان توافق
السيف وهو يرميه بعلبه المناديل :- مالت عليك ترا بس عشانك اخوي الكبير وعم ولدي
حمد بلعانه زايده :- غصبا عنك ،، يلا مع السلامه
السيف وهو يضحك :- اخ للبيع قسم بالله
____________________
سعود وهم طالعين من البيت متجهين للمستشفى :- والله إن ما تسكت ي ويلك حنا جاين اصلا وقفل الجوال بوجهه
أما عند سعد الي من صدمته أن سعود قفل بوجهه
قام يضحك بهستيريا ومن ضحكته ضحكت معه الريم
وصل الجميع واخيرا بدايتًا من ناصر والفيصل وحريمهم إلى سارة و سامر
دخلوا الغرفه من غير م يدقون الباب او شيء دخلوا فقط الحريم
فز سعد من مكانه عشان ياخذون راحتهم وطلع برا يسلم على العيال وهم وكملوا الحريم يسولفون ع الريم بشووق وش كبره
وراحوا الفيصل و ناصر يسوون إجراءات الخروج والى آخره
_____________________
طلعت بعد م سمعت صوت الباب ينقفل عرفت أن حمد راح جلست:- وشفيه حمد وجهه مقلوب ؟
السيف بضحكه خفيفه :- ابد بس شكل ولدنا طاح بحب بنتنا
عدلت جلستها :- ثواني شدخل ؟
السيف:- ابد بس ترا حمد يبي يتزوج صديقتك قال اشوف معلومات عنها فينها اهلها عشان نروح ونخطيها
جلست وضحكت بحماس:- الله وناااسه حمد بيتزوج فطووم ؟
ضحك معها وكملوا ليلتهم الهادئه تحت تخطيطات
لفتح الموضوع مع فطوم
_____________________
بعد 7 اشهر
أنت تقرأ
صحيح افترقنا مدن لكن القلوب متقاربه
De Todo( لا ابيح النقل او اقتباس الروايه!! _______________ تصدم بسيارة أول م ترجع من المدرسه وتنصدم من لما ينزل من السياره ويكون.... 🔥🔥🔥 انجبروا على الفراق لمده 10 سنين وشلون بيلتقون؟! وش الصدفه الي بتجمعهم؟!! وشلون بيعرفون عن بعض رغم تغير اشكالهم؟...
