صحيح افترقنا مدن لكن القلوب متقاربه

بارت:-4

P:-4
عند فارس ركب سيارته وقال:-والله هي نفسها استوعب حتى نفس لدغتها بالـراء اخخ قسم بالله أطلق حادث وهذا جواله وسجل الرقم بـ(ابـو زوجـتــي🤎) وتبتسم وطار للبيت والابتسامه شاقه الوجه شقق :-سلاااااام
غاليه(أمه):-ياهلا،وعليكم السلام ،بسم الله ماشاءالله ورفعت يدها بقولها:-يارب انك تطول في عمر من خلاه يبتسم كذا
فارس من أعماق قلبه:-آمين ياارب
دخل ناصر وعياله(سالم_ماجد_فرح_وسن_سارة)على كلمته وسن:- لاا ذي من أعماق قلبه
فارس:-طبعاا
ناصر الي كان شايل هم ولده على أساس( خويه الي م يعرف عنه شيء م يدري أن ولده كان ميت لين م لقى حبيبه الروح ):-عسى لقيت خويك
فارس:-اي والله لقيته
سالم:- افا وما تعزمه
حس فارس أنه توارط لكن رد قبل ما يشكون فيه:-كان معه شغل وما امداه يجي،عن اذنكم بروح أبدل وراح
غاليه:-اذنك معاك
ماجد:-من زمان م شفته فرحان كذا
فرح:-ان شاءالله دوم الضحكه بوجهه،الزبدة باروح اغير ما حرر وراحت تغير
راح لغرفته وقفلعا وغير ملابسه ونط على فراشه:-اليوم اجمل يوم بعد الــ10 سنين الي راحت اخخ متى نلتقي مره ثانيه رجع الصندوق ونزل لاهله يتغدا وبعدها راح الكل ينام عشان سهرة الليل ونفس الشيء عند الريم الي بتروح العصر للاسطبل

العصر pm 4:-47
سعد:-يالريــم ،يلا اجهزي
الريم وهي نازله:-يلا جيت شفيك؟
سعد:- احس تأخرنا
الريم:- لا م عليك ،يلايلا ركبوا واتجهوا للاسطبل لأجل التدريب
__.
صحى من نومه وهو يفكر وشلون يرجع العلاقة الي من 10سنييين قام بسرعه وصلى وخلص صلاته ونزل لقهام يجهزون القهوه
سالم:-وسن
وسن:-هلا
سالم:-شوفي فارس وينه لا يكون نايم
فارس:- هذاني جيت
وسن:- الحمدالله وانت جيت اصلا م قدرت اصعد لك ويوووه يبيلك سنه على م تقوم
فارس:- لا تبالغين بس ترا اقوم من اول م ينفتح الباب
جابت سارة القهوه وجلست تصب القهوه وهي تقول:-اي مره بس وسن لما نصحيها تغلب الغرفه علينا وتسوي سالفه
ضحكوا كلهم على فارس الي انحرج:-استروا من في الارض يستركم من في السماء
وكملوا قهوتهم وفارس يغلب الموضوع برأسه وقال إنا بتكلم والي يصير يصير:-يبه ،بسالك
ناصر:-اسمعك
فارس:-قبل كم يوم كنت استرجع ايام زمان وجاء في بالي عائلة كذا كانوا جيرانا باقي تذكرهم؟
ناصر:-ايوا
غاليه:-تقصد ام وجدان ولا ام الريم والود
فارس:-اعتقد ام الريم لقيت اليوم واحد يشبههم بس م ادري هو ولالا (طبعا كذوب بس عشان ما يثير الشكوك😂🫶🏻 )
غاليه:-والله من زمان عنهم
وسن:-يوووه والله اشتقت لهم بالحيل
فرح:-والله واحشيني
ساره وفوق رأسها مليوون علامه استفهام:-مين ذول اول مره تتكلمون عنهم
سالم:- لما نقلنا من ديرتنا كانوا ناقلين قبلنا فانقطعنا عن بعض وصار لنا قرابه الــ10 سنين م نعرف شيء عن بعض
ناصر:-وين لقيتهم؟
حس فارس أنه تورط صدق بس جاء بباله"اليوم اكون بالاسطبل***":-كنت عند الاسطبل ابي ازور (الرعد)ولقيته بس م تكلمت عليه وسمعت واحد يناديه ولد الفيصل وشبهت عليه
ناصر :-اجل الحين تروح الاسطبل وشوف وانا ابوك لو طلع واحد من عياله ولالا
سالم:-ي اني مشتاق لسعود
ماجد:-حتى سعد له فقده والله
سارة:-عرفوني عليهم
غاليه :- ابوهم الفيصل وأمهم غيداء وعندهم بنتين الريم والود وولدين سعود وسعد
سارة:-اجل الحين يمكن يكون عنده‍م بزر ،اي صدق كم لكم م شفتوا بعض؟
فرح:- 10سـنيــن
شهقت سارة:-وقالت وشلون م قد قابلتوهم؟قد نسووكم اكيد
فارس:-مستحيل عشنا مع بعض كثير وبعدها نقلوا وحنا سافرنا
ماجد بفرحه وضحكه تبين غمازته :-ابوك ي الوناسه الحين هم معنا بنفس المدينه!!
فارس:-اي والله ،يلا اجل باروح للاسطبل
ماجد:-لحظه تراني جاي
سالم:-معاكم معاكم
ضحكوا على سالم وحمايه وشوقه الي طغى عليه من حبه لسعود وعشقه لمحبوبته****