قبل كلشي لاتنسون تتابعوني وتصوتون يَ حلوات ♡
ـــــــــــــــــــــــــــــــــــــــــــــــــــــ
_ واسمع حچي يسم البدن
وأسكت واگولن شحچي.
ــــــــــــــــــــــــــــــــــــــــــــــــــــ
نزلنا نركض لخالتي مخروعين بس نريد نعرف شبيها، رحنا لمكان الصوت وشفناها بالمطبخ اول من دخلنا حجى ادريس مخروع
ادريس: شكو يمه شبيج احجي!!؟
الام: ترفه تريد تاخذ مكاني وتملك البيت، وتسيطر عليا وعلى اخوانك.. خوش زلمه ادريس ماصارلها شهرين وتمشيك بكيفها خوش زلمه ادريس
ادريس: اني زلمه واني ابنج الجبير ومحد يكسر كلمتج، انتي شمعه البيت
اندار ادريس ووجهه مليان شر وعيونه تجدح نار
بعدين رفع ايده وضربني على وجهي راشدي!
ادريس جان حداد فبنيته قويه، جان يمتلك قوة وضخاميه
ابو هم جان هيج بي حيل يهد بيت ومايتعب.
من قوة الضربه اندفعت على حافة الباب والباب جان حديد وبي قطعه اكبر من النمله حديده ممصقوله، الملبن مالته انضرب راسي بيه ووكعت على الكاع
ماسمعت غير اخته هناء كامت تعيط وتصيح:
دم دممم ماتتت ترفهههه
انصدم ادريس ودخل بحاله هستيريا
ادريس: ترفه هاي شبيج لاتموتين! تررفة گعديي
اني بذيج اللحظه الجانت ممزوجه بالخوف والالم دخلت بغيبوبه وفقدت الوعي بس قبل مافقد الوعي حسيت انتشلت من الكاع وبعد ماشوف شي...
بعد فتره مدري شكد طولت فزيت شفت نفسي بالطوارئ وجان ادريس وعمتي يم راسي
باوعلي ادريس بنظرة مختلطه بندم وشفقه وفرحه بسيطه
حجت ترفه وعيونها مغورگه
ترفه: اريد اروح الاهلي مابقي يمكم
انحنت ام ادريس وباستها من راسها وحجت:
هاي شبيج ترفه انتي عود العاقله واني بمقام امج واني خالتج تزعلين مني؟ اني بعد اخذتج بنت الي، اهلج باعوج واني اشتريتج
ادريس: ترفه سكتي لاتحجين هيج كلام، انتي راح تصيرين ام
اول من حجى هيج دارت وجها وبقت تبجي
الدكتور المقيم: ترفه عبدالله المرهون منو وياها؟
ادريس: انا زوجها دكتور
الدكتور: تعال كمل اجرائات الطبلة، المريضه حالتها مستقرة وماعدها الا العافيه
اندار ادريس على امه وكللها
ادريس: يمه جهزي ترفه ولمي الغراض حتى نطلع ليما اكمل الطبلة واخلص الاجرائات
ــــــــــــــــــــــــــــــــ
ترفه::-
من هاي اللحظه رفعت رايه الاستسلام بداخلي
بديت افكر بعقل.. بحياه ومستقبل الطفل الي راح يجي بيوم من الايام
ـــــــــــــــــــــــــ
رجعنا للبيت وطول الطريق جنا ساكتين محد حجى شي.. فمن وصلنا دخلوني عمتي وادريس للغرفه لان ضغطي جان نازل ومبية حيل امشي
استقبلني هناء ورجاء وهنا خايفات ويبچن عليا
ادريس: يمه عينج عليها اروح اجيبلها معلاگ ومشاوي
الام: اي وليدي شكو بيها.. اول من طلع ادريس اسمعها بدت تدردم عليا
چناين اخر وكت شو الحجي جنت اشتغل واحبل واجيب ومشفت من عنده راس بصل وابنه الطلي راح يجيب مشاوي للخاتون
سكتت ولادرت بال لكلامها وغطيت راسي باللحاف وغفيت
ورا ساعه جابلها المشاوي وشواها بأيده
اجا ادريس وكعد يم ترفه وحجى
ادريس: كومي يلا ترفاوي شويتها بأيدي وانا خوش شواي اعجبج
ترفه: ماليا نفس اكلها انت بالعافيه
ادريس مد ايده ومسك ترفه من معصمها ونظرلها نظرة كلها حزن وندم وحجى
ادريس: جاي اكلج انا شويتهن الج مخصوص
تعاطفت وياه وبگلب مكسور وغضب مخنوگ انجبرت اكعد لان احساسي بالمسؤوليه تجاهه جان خانگني
ادريس بدا يحجي كلام لأول مره اسمعه
ادريس: ترفه حياتي كبلچ جانت عبارة عن ضياع، سكر،عربدة، نسوان، ملاهي، بس من شفتج قررت استقر وابدي حياه جديده، اريد تساعديني وتسانديني
بعد ماكمل حضن ايدي بقبضه ايده ورجع حضني حيل وعينه دمعت.. حسيت دمعتين نزلت على اكتافي بعدين مسح عيونه بسرعه وكمل حجي
ادريس: اوعديني ماتعوفيني
هزيت راسي بقبول وجاوبته: اوعدك
انطته وعد تسنده لنهايه العمر.. اعتراف ادريس والندم غسل گلب ترفه
بدو ثنينهم ياكلون المشاوي ويضحكون ومداعبه وكلام حلو وغزل ادريس لترفه
خلاها تنسى عمتها وكلامها المؤذي وضربت ادريس الها
ياترى راح تبقى حياتهم هيج.؟
انطوا رأيكم بالتعليقات ✨
يتبع...
ـــــــــــــــــــــــــــــــ
يلا صوتوو 😾💜
