طبعاً طولت البارت تعويض الكم عن الايام الي فاتت 🥲💋
ــــــــــــــــــــــــــــــــــــــــــــــــــــــــــــــ
تعودنَه على اللچمات
صرنا بكل مره نگول هانت...
ـــــــــــــــــــــــــــــــــــــــــــــــــــــ
_ وصلنا لگبري اول يوم بتاريخ تعاستي
اباوع لأدريس وهو مبتهج مع اصدقائه واطلاقات العيارات الناريه وسط الهلاهل والطبل والزرنه وشادين الدبجه وهما مايدرون جاي يركصون على جراح گلبي على نار روحي على عمري الي انتهى وابراج احلامي الي نهدمت
جنت شارده بأفكاري ما شوف الا مرية تقربتلي رفعت راسي وتفاجئت من شفتها!!
خاله صبرية! مدري شنو شعوري من شفتها بس فرحت عالاقل شويه احس بالامان لان هين ماعرف ولا واحد واحس بالغربه وياهم
ترفه: خاله صبرية يمتى جيتي هنا؟
حجيت بتفاجئ
صبرية: شلون اعوفج ترفاوي؟ وخاصه هين كلت لازم اشجعج وماعوفج وحدج وهم عمج جمعه كال روحي وياها خطيه هسه اكيد خايفه
أبتسمتلها وحمدت ربي انها جت وگعدنا شويه نسولف واني احاول اخفي الخوف الي جوايا....
بعد 4 ساعات انتهت الحفله وجتي خاله صبرية ودخلوني لمهجع التعاسه، ابواب سجني الابدي
غرفتي عبارة عن خشب صاج فاخر والفرشه السوريه المسيمه بالفضه، جان لونها اصفر ستن بأختصار الغرفه كلش حلوه..
اثاثهم يختلف عن اثاثنا عادةً غرف العرايس عدنا عبارة عن صندليه الي هي تكون حجمها اصغر من الكنتور ومليانه ابواب وادراج وماكو تخت عبارة عن دوشك ابو النفرين ويكعدون العرسان عليه..... وبدت خالتي تنصحني لأخر مره قبل لتطلع
صبرية: حبيبتي ترفه هاي حياتج بدت من جديد مو لوحدج صار عندج شريك حياتج لازم تهتمين بحياته وسعادته وتهتمين بي وببيته لان هسه هذا صار بيتج.. وسرچ لاتطلعي خارج هاذي الغرفه، اهتمي بنفسج وانسي الراح
بعد ما انطتني خاله صبرية كل هالنصايح غطتني بالطرحه واني دموعي ماليه عيوني، جنت اتمنى ان هذا حلم لحد اخر لحظه..
دخل ادريس ووصته خاله صبرية عليا حرفيا احسها مثل امي
صبرية: ترفه بنتنا وانت ابنا، الله يهنيكم بهاي حياتكم وهي هسه صارت زوجتك عافت اهلها وجت عندك انت دنيتها كلها
ادريس: اخليها بعيوني والله شعندي غير ترفه.
حجاها وباوعلي هو ومبتسم تك خد
بعدين ترخصت خاله صبرية وطلعت من عدنا
اول من طلعت تقربلي وبدا گلبي يرجف ودموعي تنزل لا ارادي، كعد يمي ورفع الطرحه باوعلي حيل بنظرة ماعرفت شلون افسرها ونزل على جبهتي باسها بعدين نزل لوجنتي بعدها مسح بأبهامه على شفايفي بخفه وحجى:
ترفه ما اريدج تخافين مني، اني مو بس ابن خالتج الله ينطيني عمر واكونلچ سند وما اخليج تتندمين لان اختاريتيني
بعدين مسك ايديا واني صافنه ومتوترة افكر بكلامه.....
_ اني متعوده اگعد من الصبح
باوعت للساعه جانت ب7 صبح قررت اگوم اساعد خالتي اول ماتحركت من التخت جرني ادريس لصدره وگلي: لج وين رايحه؟
حجاها بصوت ناعس لان جان نايم وفز من تحركت
ترفه: رايحه اساعد خالتي
من جاوبته جرني اله اكثر وحجه: لج انتي عروس، عوفيها لخالتج تلحگين تساعديها
بعدين استسلمت ونمت وياه..
مر شهر على زواجي وبديت اتعود على ادريس، جان مدللني هواي عكس ماجنت اتوقع، بديت اهتم بي واتقبل الوضع الأني عايشه بيه، بس خالتي جانت دائماً تباوعلي بنظرة احتقار، جنت احسها تترصدني واكفتلي على الزله، جنت احس باحتقارها الي بكل حديث جانت تسمعني وتحسسني انو اني قرويه
ادريس جان يخزر بيها بس ميحجي شي وهم جنت اخاف اگله لان هو دائماً يمدح بيها كدامي
ادريس بيوم الجمعه طلب مني اطبخله حتى يضوگ اكلي
ــــــــــــــــــــــــــــــــــــــــــــــــــــــــــــــــ
ترفه:
اليوم امي راحت البيت خاله صبرية جان عدها مراجعة للدكتور والدكتور جان عنده عمليات فأتاخر وما اجه للعياده فاضطروا امي وابوي يكعدون هناك عند خالتي مؤقت
فبلغتني امي اذا عبرت الساعه 5 المغرب راح يجون يباتون هين
فأني حضرت وحسبت حسابي، خبزت على تنور الطين وطلعت البانيه والطماطه المجمده من المجمده وبديت اطبخ البانيه والتمن وسلگت اللحم فسويت بانيه تلوگ لحلگ اهلي
ضحكت من تذكرت اخوتي من جانوا يعيرون امي ويگلولها ترفه تطبخ احسن منج
شويه وحسيت حركه بالمطبخ
ادريس: ولج ترفه شهيتيني بالبانيه
ترفه: چنك على بانيه من عيوني اسويلك، بس ادريس اگلك خالتي اخاف لا تتحسس
ادريس: امي مسكينه افقر منها ماكو هسه تكيف على طبخج (حجاها بضحكه)
الفار يلعب بعبي ماجنت مرتاحه لأمه! بس طبيعي يوصف امه بالملاك
بعدين اجو اهلي ب5 وتعشوا عدنا وسألوني عن اوضاعي وبابا حسيته ارتاح من شافني هيج وهمين تطمنت على اخوتي الحمدلله كلهم بخير..
ثاني يوم كعدت بساعه 8 صبح وطلعت احضر الريوگ وهمين احضر شغلات تخص الغدا بطريقتي
بعدين دخلت للغرفه اكمل كم شغله واگعد ادريس
.. ادريس فز على صوت تغريل ترفه لميز التواليت
ادريس: صباح الخير الحلو كاعد من الصبح
ابتسمت بخجل وجاوبته
ترفه: من ترفه عيونك الحلوة صباح الورد يلا كوم خليت القوري عالنار حتى نتريگ سويه
بعدين نزل ادريس من التخت وتقرب لترفه حضنها من خصرها وافتر بيها بالغرفه.. هي ما متعوده على هالشي فبدت تصرخ وتضحك بعدها وگعوا على التخت وهما يضحكون.. جانت لحظه حلوة عليهم وترفه جانت حيل فرحانه باهتمامه وحبه الها
فجأه سمعنا صراخ ام ادريس من جوا وطلعنا نركض.!!
ــــــــــــــــــــــــــــــــــــ
يتبع ياحلوات...
شنو رأيكم بالاحداث؟+ لاتنسوا متابعه وتصويت يحلوين 🖤
