#بيت_آيل_للسقوط.
#إسراء_خضر.
______________________
كيف يتعافى الإنسان ؟
وكيف يدفن أحزانه ، ويُتابع حياته وكأن جرح قلبه طاب وهو ينزف بداخله ، يُحطم أحلامه ويستنفذ طاقته فيصبح لا يبالي ولا يفهم ولا يريد أن يعيش من الأساس .
___________________________
_هو ايه اللى يبقى يحصل ده يا كامل ؟!!
أنت هتقتل أبوك ؟!!
هتف سعيد يسأل بتعجب ليُجيب كامل بجمود
_أنت لسه بتقول يمكن ربنا يفتكره يا سعيد !
_ أنا قصدى إن ممكن الواحد يموت فى ثانيه ويمكن أنا أموت كمان والدنيا مش مستاهله نتخانق على الفلوس والكلام ده ، مش نقتل أبونا يا كامل !!
لا ، نعيش فى رضاه علينا مش غضبه مننا !
" إهدوا شويه علشان إنتو بدأتو تخبطوا فى بعض ."
صاح "عابد" ليهدأو قليلًا ثم تابع
_ الكلام إللى إتقال دلوقت يتنسي تمامًا وإللى مش عاوز ينساه يقولى وأنا هساعده .
رمق كامل بتحذير ثم تابع
_ مفيش حاجه من شغل الدراوشه ده هيحصل والكلام ليك أنت وهو ،
أبونا معاه حق وكامل ناسي نفسه وبيجرى ورا الفلوس وعاوز ياخد حق يحيي ولو طال حقنا هياخده معاه مش مستبعدها عنه .
توسعت عيناي كامل يغمغم يإستنكار
_ ولازمته إيه الكلام ده يا عابد !
أنا هاخد حقك ليه ؟
_ طمع ،
هو طمع فيك زى ما انت عايز تاخد حق يحيي طمع برضو .
رد عابد ليسأله سعيد
_ والحل إيه يا عابد ؟
_ الحل إنك تعقل يا كامل وبلاش تتحدى أبوك علشان هتخسر وكلنا هنخسر بسببك ، إرضى بنصيبك وتيجى تقول لأبوك أنا موافق يحيي يورث زيي زيه لأن دا حقه وتطلب منه السماح وترجع أنت وعيالك بيت العيله .
_ بس كده هو دا الحل ؟
ياه يا عابد مش عارف من غيرك كنت هوصل للحل ده إزاى !
أنقذتنى بصراحة .
نظر له عابد بجمود يتابع إستهزائه ليهتف سعيد بغضب من أسلوبه
_ إسمع بقا يا كامل أنت بتتريق على إيه ؟!
أومئ له عابد يهتف
_ خلاص يا سعيد سيبه ، بكرا يرجع يقول يا ريت اللى جرىٰ ما كان ،
أنا قولتلك الحل إللى قدامك وإللى واجب عليك تعمله وتبطل عِند مع أبوك ،
إحنا السكينة كانت سرقانا يا كامل كنا بندور غلط وبنجرى وراه كمان بس ربك سترها علينا ..
أنت تقرأ
بيت آيل للسقوط _مُكتملة .
Diversosفى مكان مُعتم يشبه الصحراء في خلوها تقف سيارة سوداء اللون مُصدره صوت عالى نتيجة إحتكاكها بالأرض تليها أخرى وبعد مرور دقيقة إنضمت إليهم الثالثه . تَجمع ثلاث رجال ملامح وجوههم غاضبه . تَحدث واحد منهم " هنعمل إيه فى المُصيبة دى" ليرد ثانى "إهدى يا كا...
