تكن الحياه مثل الامواج تاره معك وتاره ضدك. تحارب جاهدا ان تكون مثلما اردت ولكن تاتي هيا بما لا تتوقع......
في بيت دافي في القاهره في الصباح في تمام الساعه السابعه صباحا استيقظت "ملك" وهي غير قادره علي فتح عيناها نتيجه لسهرها طوال الليل نظرت في الهاتف لتري الساعه فشهقت مسرعه الي الحمام وهي تقول "يا مصيبتي هتاخر علي الامتحان " بعد ربع ساعه خرجت وغيرت ثيابها لبلوفر من اللون الرمادي وبنطال اسود فخرجت وجدت مائده معده وعليها طعام الفطار فقالت امها "مها" "يلا يا ملك يا حبيبتي تعالي افطري قبل الامتحان " فقالت ملك وهي تضع قطعه من الخيار الموضوع علي المائده في فمها "لا يا ماما مش هلحق يا دوب انزل بسرعه لان لو اتاخرت مش هيدخلوني " فقالت "مها " بنبره حب لابنتها "ماشي يا حبيبتي ربنا معاكي خلي بالك من نفسك "فردت عليها ملك وهيا تغلق الباب خلفها "حاضر يا حبيبتي "
نزلت درجات السلم مسرعه متجهه الي الشارع الرئيسي لكي تاخد تاكسي فوجدت هاتفها يرن فردت قائله "ايوه يا شيرين جايه اهوه هركب تاكسي ومسافه السكه. انتي هناك؟"
فردت شيرين "ايوه هناك متتاخريش بقا عشان تلحقي"
فردت ملك"تمام مسافه السكه"........
في غضون ساعه الا ربع وصلت امام كليه طب اسنان هرولت الي امام باب الجامعه لكي تدخل ولكن منعها هذا فرد الامن الي يقف علي باب الجامعه وهو يقول "اسف يا انسه مش هتدخلي" فردت عليه بنبره مندفعه "ليه بقا انشاء الله "وبعد ثواني غيرت نبره صوتها الي نبره مستعطفه قائله "ياعم حامد عشان خطري دخلني انا كده هتعطل اكتر " فرد عليها بنبره حاسمه "والله دي اوامر وانا مقدرش اخالفها هتاذي في شغلي" فنظرت له بعيون دامعه فقال بنبره حنونه " والله يا بنتي انا مينفعش ادخلك لو عليا هدخلك عادي بس انا معايا اوامر وبنفذها بس "
ظلت واقفه ربع ساعه اخري وبدا دموعها تزداد شيئا فشيئا وتزداد معها شهقاتها وظلت تحادث نفسها قائله "يعني خلاص كده هشيل الماده! " وتحادث ربها قائله " ليه بس كده يا رب دا انا قعدت اذاكر طول الليل كل ده يروح علي الفاضي ؟" ... حتي سمعت صوت تالفه جيدا يقول " موقف الدكتوره ليه يا عم حامد كده. مش هيا عندها امتحان دلوقت.." فرد حامد " والله يا دكتور هيا جايه متاخر وانا عندي اوامر مدخلش حد متاخر " فقال خالد بنبره حاسمه "وانا بقول تدخل ودلوقتي " فقال حامد " بس يا دكتور انت كده هتاذيني في اكل عيشي "
-انا قولت تدخل يبقا تدخل وسيب الموضوع دا عليا انا المسؤول اي حد يكلمك قولهم دكتور خالد هو الي قال.
_ففتح الباب لها وقال "اتفضلي يا انسه "
اما هي فنظرت لهو نظره شكر وبابتسامه ثم هرولت داخل الجامعه متجهه الي لجنتها....
**************************************************
في احد البيوت الاخري في حي في القاهره في تمام الساعه التاسعه صباحا. هرولت "هاديه" متجهه الي غرفه ابنها "حمزه" قائله
_يلا بقا يا حمزه اصحي. دي المره ال3000 الي اصحيك فيها قووم بقا.
فرد عليها بنبره ناعسه..
_يا ماما سبيني خمس دقايق بس خمسه بس.
_ بقالك ساعه بتقولي سبيني خمس دقايق ايه الخمس دقايق بتوعك دول مبيخلصوش.
رد عليها بهمهمات فهمت انه قد غفا مره اخري فخطر علي بالها فكره في اعتقادها انها ماكره. وذهبت الي المطبخ وجلبت زجاجه مياه بارده.وقالت بنبره ماكره.
_ متاكد يا حمزه انك مش عاوز تصحي.
فرد عليها بضحكه وعينيه مغلقه تماما..
_ سيبي يا ماما ازازه المايه دي وروحي شوفي رفيده..
فقالت لهو بنبره متفاجئه..
_ولا انت عرفت منين..
فقال لها بفخر " دا انا حمزه لو انا معرفتش مين الي هيعرف "
فنظر لها ولاحظ علامات الضيق علي وجهها وقام وقبل وجنتها قائلا..
_خلاص والله متزعليش مقدرش علي زعلك بجد. اصل بصراحه يا ماما الحركه دي مفقوسه اووي...
فقالت له.. _مفقوسه تمام ماشي. اهم حاجه انك صحيت عشان تفطر ومتتاخرش علي الشغل..
فرد _حاضر يا حبيبتي هغير بس وهاجي...
فتركته وخرجت... اما هو فنظر الي هاتفه فوجد العديد من الرسائل من خطيبته "هدير" ولكنه نظر لها بملل ثم اغلق الهاتف دون الرد.... ثم غير ثيابه وخرح لتناول الفطار....
خرج الي الصاله فوجد امه واخته الوحيده "رفيده" يجلوس علي المائده وينتظرونه...فجلس علي كرسي وهو يقول بنبره مرحه " مسا مسا علي الناس الكويسه "
فضحكوا جمعا فردت رفيده قائله " هو انت يا بني هتفضل سرسجي كده لحد امتي "
فنظر لها وقال بنبره دراميه "علي فكره انا مبردش علي الحاقدين الي زيك بس هرد اقول حاجه واحده بس غيري مني وولعي "
فقهقهوا عاليا.ثم بداوا في تناول الطعام..........
قطع الصمت "حمزه" وهو يوجه الكلام الي "رفيده" قائلا "دكتورتنا بقا مش بتروح الجامعه ليه بقا "
فردت "روفيده " قائله " مانت عارف يا حمزه اننا لسه ناقلين وموت بابا الله يرحمه والمشاكل الي حصلت ولا انا الي هحكيلك "
فقال "لا منستش بس الي حصل حصل مش هنوقف حياتنا بقا الدنيا بتمشي مش هنفضل واقفين عند كل الي حصل "
فقالت " عندك حق بس عشان لسه ناقلين فورقي لسه متحولش واصلا الامتحانات بدات وانا مش عارفه هعمل ايه "
فرد عليها "ولا يهمك من الموضوع دا بكره يكون الورق اتحول وتقدري تمتحني بكره لو عاوزه "
فقالت بفرح " بجد بس في مادتين كده امتحانتهم فاتوني "
فقال لها " عادي كملي الي جاي والمادتين امرهم سهل خوديهم في الصيف "
فاكمل قائلا " انتي دخلتي طب اسنان بمجهودك ودا اصلا كان حلمك فمينفعش تتخلي عنه لاي سبب لو حتي ايه الي حصل "
فقالت له بنبره امتنان وحب " شكرا اووي اووي يا حمزه علي كل حاجه "
فقال بنبره دراميه " مش عارف منغيري كنتي هتعملي ايه بجد "
فضحكت وقالت " تصدق انا غلطانه هسحب كلامي "
فضحكوا جميعا ونهض حمزه الي شغله وتبقا الام وابنتها علي طاوله الطعام.... فقالت" روفيده بنبره حزينه" "هتقولي لحمزه امتي "
فتوترت هاديه وقالت " هو احنا مش قفلنا الموضوع دا بتفتحيه تاني ليه... "
فقالت " بفتحه وهفضل افتحه لان حمزه لازم يعرف كل حاجه ولو مقولتيش انا هقول هو من حقه عليكي تقويليه الحقيقه..."
فقالت هاديه " هشوف ولحد اما افكر اوعي تقولي ولا تفتحي بوقك باي حرف فاهماني يا رفيده "
فنظرت لها روفيده وقامت وذهبت الي غرفتها....
**************************************************
خرجت ملك وشيرين من الامتحان فقالت شيرين " انتي يا بنتي ايه الي اخرك جامد كده اصلا ودخلتي ازاي!؟"
فقالت " متفكرينيش بجد دا انا كنت هشيل الماده وقعدت اعيط قدام الباب الصبح زي المطلقه...."
فقالتت شيرين " طيب عملتي ايه ودخلتي ازاي " فروت لها عن ما حدث وعن مساعده دكتور خالد..
فقالت شيرين " ملك انتي مش حاسه انه بيحاول يتقرب منك وكده "
ردت ملك بحيره " اه واخده بالي بس مش عارفه اعمل ايه دا الدكتور بتاعنا "
فقالت شيرين "اصل تقريبا الجامعه كلها خدت بالها وهو ساعات بيلمح قدام العيال في المحاضره. " فردت " مهو انا بضايق اصلا من كده " فقالت شيرين " طب يلا ياختي نروح نفطر " ......وذهبوا الي الكافتيريا.........
في مكان اخر في الجامعه كان يقف دكتور خالد في مكان ما ينظر الي هاتفه.... وفاجاه ظهر امامه حامد وهو يقول" بقا يا دكتور تقولي لما تيجي الانسه ملك مدخلهاش هيا بالذات وتزعقلي قدامها وتخليني ادخلها.... "
فقال خالد بنبره عصبيه " لا كده مينفعش سيحلي في الجامعه كلها يا حامد.. "
فرد" طيب طلاما هتدخلها يا دكتور بتقولي مدخلهاش ليه..."
فقال خالد " ميخصكش تمام " فنظر له حامد وقال بانكسار " حاضر يا بيه "
ثم تركه حامد وذهب وتركه شارد في افكاره الماكره يفكر دون توقف.........
والي اللقاء في الفصل التاني.........
انتظروني.. انا مش جاي 😂😂
عاوزه تفاعل علي الروايه لو عجبتكوا عشان انزل الفصل التاني..
أنت تقرأ
الي ان نلتقي..
Comédieاحيانا يرسل الله لنا تعويضات علي هيئه اشخاص... يدخلون حياتنا في التوقيت المناسب لتضميد جروحنا من التجارب السيئه والاشخاص السامه التي دخلت حياتنا... يصبحون بالنسبه لنا كل شئ ونظل نشكر الله عن هذا التعويض دائما وابدا.......
