رجعت ملك ونور ومريم الي البيت في تمام الساعه التاسعه مساءا.. صعدوا الي السلم بسرعه فنظرت ملك الي هاتفها فشهقت وهيا تقول " يا نهار اسود بابا رن عليا 20 مره. "
فردت نور "شكلها هتبقا ليله سوده "
ونظروا الي مريم نظره عتاب فلاحظت مريم ثم قالت " ابقوا قبلوني لو عبرتكوا تاني "
ثم وصلوا الي باب الشقه فاخرجت ملك المفاتيح من حقيبتها وقالت "يارب بابا يكون نام "
وفتحت الباب وترقبوا الوضع فلم يجدوا احد في الصاله فتسللوا الي داخل غرفتهم بهدوء...
القت نور بنفسها علي الفراش وقالت " يااه كان يوم متعب"
وفجأه انفتح الباب وظهر ابيهم " احمد" وهو يقول بغضب "ولسه "
فنظروا اليه بتفاجؤ فقال بانفعال "انتو استأذنتوا مني انكوا تخرجوا وترجعوا قبل 8 لانكوا خارجين بدري.. "
واكمل " دا غير اني رنيت عليكوا اكتر من تلاتين مره ومحدش فيكوا كان بيرد... مش مقدرين اننا كنا قلقانين عليكوا.؟ "
فردت مريم بخجل " والله يا بابا حصل معانا مشاكل كتير بره.. ومردناش نتصل علي حضرتك عشان متزعقش "
فرد بسرعه "مشاكل ايه ؟!"
فردت نور مانعه مريم من الكلام " عيال بيعاكسوا بس عادي يعني "
فقال " برده دا مش مبرر انكوا تتاخروا كده ومتردوش علي الموبايل. "
فقالت ملك " احنا اسفين يا بابا اوعدك مش هتتكرر تاني.. احنا اصلا مش خارجين تاني مع بعض بالذاات.. "
فرد " انا عارف انكوا اسفين.. بس مفيش خروج من البيت لمده شهر غير للجامعه بس.. تمام..!؟
وخرج احمد واغلق الباب خلفه...
ثم نظروا الي بعضهم وانفجروا ضاحكين علي كل ما حدث في اليوم.....
فقالت ملك " بصراحه اليوم دا حصل فيه الي محصلش بقاله سنه... "
فردت نور "هموووت بجد كل ما افتكر الي حصل "
فقالت مريم " هو انتي ليه مكنتش عاوزاني اقول لبابا علي الي حصل.. "
فردت نور " عشان يا بنتي دي غلطتنا احنا ومش هنشيل بابا هم الفلوس لانه اكيد مش معاه.. "
فردت ملك مستفهمه " امال هندفعها منين؟"
فقالت نور "مش عارفه بس هنحوش بقا "
فقالت مريم بضحك "يا بنتي نحوش ايه انتي عبيطه.. دول هنحوش فيهم اقل حاجه 5 شهور ولا حاجه "
فردت نور "مش عارفه بقا بس هنبقا نشوف. "
واكملت "صح مين بقا الولد الي كلمك هناك "
فقالت ملك بتهته " مييين دا! "
فردت مريم " بت متستهبليش.. "
فلم تجد ملك مخرج من حديثهم غير ان تقول لهم ما حدث...
أنت تقرأ
الي ان نلتقي..
Umorاحيانا يرسل الله لنا تعويضات علي هيئه اشخاص... يدخلون حياتنا في التوقيت المناسب لتضميد جروحنا من التجارب السيئه والاشخاص السامه التي دخلت حياتنا... يصبحون بالنسبه لنا كل شئ ونظل نشكر الله عن هذا التعويض دائما وابدا.......
