منقذي من الجحيم "الاصليه "

" الحـلـقـة 49 "

#منقذي_من_الجحيم

الكاتبة:- ايات رسول

تصويت وتعليق بين الفقرات+قراءة ممتعة!

رمـح:-يَم مرايَتچ يُگبر حدَيث الغَيض
لبُوة تعَاين لـ لبُوة

_______________________

سحبت البنيه من ايد ضرغام واردفت:-

- شنو تفسير تصرفك ضرغام شلون تدخل هيج مو عيب ؟؟

- ليان انتي مالج دخل

- ضرغام كافي عليك الله ما بيه حيل احجي خليها مو هسه من تمشي الناس سوي الي يعجبك

- يأبه لا دخلين نفسچ عوفيها عليه خلي اربيها من جديد

- ضرغام شسالفة شنو تربيها من جديد

- ليان لا دخليني نفسچ هدي البنيه

- وإذا ما هديتها شتسوي يعني

- ليان لا تخليني اتصرف وياج غير تصرف

- عليه ضرغام عليه هيج تحجي وياي

- كتلچ لا دخلين نفسچ

- يأبه النسوان والعالم والناس وعيب والامه العربيه كلها هنا عيب شبيك ضرغام اذكر الله

- أستغفر الله العظيم ربييي صبرنييي

عفته ودخلت للحديقه البنيه تمشي ورايه وما حجيت ولا كلمه وكفت كدام المخزن موجود بالحديقه فتحت الباب ودخلتها بي باوعت عليه وحجت:-

- وين جايبتني

- اشكري ربچ انتي هسه عايشه لو ما ضرغام واني جان هسه انتي بعداد الموت

- بس اني مالي ذنب

- اعرف حبيبتي اعرف انتي مالج ذنب بس منو أو ياهو يفهم محد من عدنه يفهم هل شي شوفي اني

جبتچ هنا حتى محد يتقربلچ لأن جدي وصه انو محد يتقربلچ أو يأذيچ تمام تكعدين هنا وتسكتين لحد ما تخلص الفاتحه يلاا اني اجي افتح الباب واي احد يجي يدك الباب لا تفتحين صار معلوم

- تمام بس ما اعغف اسمچ

- ولاا اني اعرف اسمچ بس بعدين تعرفين شنو اسمي مو هسه لان ما عندي وقت لهاي الاشياء التافهه

- تمام بغاحتج

- مثل ما كتلچ تكعدين وما تفتحين الباب لـ أي أحد خوش

- تمام خلص لا تخافين غوحي

عفتها وطلعت قفلت الباب وطلعت من الحديقه دخلت البيت وبعدني باب الحوش تلكني ميلا ولين يعيطن :-

- انتي منووووو سمحلچ هااا منووووو لجججج هاييي اخوهاااا قتل اخونههههه شبيججججج ويننن جان عقلچ