منقذي من الجحيم "الاصليه "

" الـــحـلقـة 42 "

#منقذي_من_الجحيم

#الكاتبه:- ايات رسول

تصويت وتعليق بين الفقرات + قراءة ممتعة!

يكول رائب :-هنيال ذيج المنطقه
وهنيال اهلها ! .

_______________________

دخلت ميلا تحجي وتعيط وتريد تعرف منو رائب
واني ما حجيت اي شي لان لي
هسه على صدمتي وما مستوعبه الي صار :-

- لججج لين احجي منو هذه؟؟

- اشوو كلش ماخذه الدور انتي ياهو الاكبر اني لو انتي

- شدخل هاي بهاي

- ميلا ما اسمحلج تعلين صوتج عليه فهمتيي

- لججج شبيج اني اريد اعرف هذه منو الي اجه خطبج؟؟

- زين شمعرفنييي بيه اني ليش دتسئليني

- الله شكددد شريفه انتي

- ممييلاااااا احترمييي نفسججج

- لااا تعلينننن صوتججج

- راح يجيج راشدي يعدل ديكور وجهج

- اريد اشوف منو تكدر تمد ايدها عليه

- المطلوب مني شنو؟؟

- تكليلي منو هذه الي خطبج؟؟

نفخت بضجر رحت كعدت على الجرباية واردفت -  يشتغل وياي

- وين يشتعل وياج

- وين يعني بالمستشفى

- اهاااا وهناك هوه شافج وانعجب بيج موو

- لااا تألفين مسلسلات وفلام واكشن ولقطات من يمج رجاءا

- اييي غير ديحجي الصدك اني

- منيلج اصلا كل كلامج جذب بجذب

- تشكين بيه

- خيتي من زمان اني اشك بيج

- همدانييي خلي اروح اكمل قرايه احسن

- اييي، دروحي لزكه

- اخلص واجي واضل كاعده على كلبج

- عوذه ما اريدجج

- نجبي وغصبا ما عليج تريديني

- ممميييلاااااااااا

طفرت من الغرفه وطلعت تركض وكفت ورحت سديت الباب ضليت افتر بالغرفه واضرب خماسيّ بسداسي هسه شنوو شراح يصير شوو صارت هدوء صارلهم ساعه هنا وماكو اي شي اني من خجلي ما اكدرت انزل جوه فـ ضليت كاعده بغرفتي.

وكفت على حيلي من سمعت صوت السيارات فتحت البرده على كيفي وشفتهم يصعدون السيارات ويسلمون على بابا ويضحكون بوجهه ياربي سترك ما اعرف شسوي دوت بعيني على رائب ولكيته يباوع