Ka zing thho chu thhofuh hle in ka in hria, Zomuana check ngailo tur mawlh chu ani ka hlimna thuruk. Dr. Robert a pawh chu a ngaihtha lo khawpin ka mood a in thlak a ni mahna, a office ah in check up turin min ti nghe nghe.
A sawi erawh lehlam ah a lut a lehlam ah a chhuak leh nghal, ka ward room ah chuan ka lut a, patient ho chu ka check hlawm leh, nimin khhan a chenve dawn chu an dam titih tawh avang chuan an chhuak hlawm ta a, Pathian zarah ka ward room ber kher hichu mithi an tlem ani. A malsawm bik ngawih ngawih in ka hria, ka lawm hle bawk.
Ka check zawh hnu chuan building chung lama canteen ah chuan kalin chow chu ka order ta a.
Kan hospital hi Government hospital niin, chhawng 4 a hran theuh in a awm a, a sei em em bawk, floor tin ah chuan a kil khhawr lai vel ah canteen a awm vek bawk. Pharmacy pawh awmin, a kim tha hle.
Chaw chu mi tihbuai loh na na na chu ka ei ta buan buan a, sahel in a chaw nithum ei lova sazuk sa engmah thlauh lova ei ang vel ka ni. Midang lo awm ve te pawh chuan min en hru hru in ma hria. Ka ngaihsak hman lo, ka riltam ve em ani.
“Good morning sir!” hawi chho ngalin ka han en chu, tlangval fai veng vawng tak ka bulah chuan lo dingin. “Enge ni ta?” ka chaw ei pawh chu ka tawp chuanglo ei mawlh mawlh pah chuan a thhusawi tur ka chang ani deuh tawp.
“Tuition tur kha ka nia..” ka meng phhawk chiang, vawiin friday ani tih ka hre chhuak chiah, ka phone chu phawrh chhuak sawk sawk in, ka plans lo siam lawk tawh zawng zawng chu ka cancel ta vek a, ka rilru ana thlawt. Chawlh ka tum ve teh reng nen.
“Coat var kha lo va ha rawh, chuan glove var pawh bun bawk ang che, chuan chu zawng chu ani mai” a nui suk, keipawh chu nui lui ve suk in, ka sa ruh khel chu ka khel zo ve thei hram.
Laboratory room ah chuan kalin, heart lam zir tur chuan kan in hruai lut ta a.
“Enge i hming?” mihring thhinlung tak tak anga an siam chu la chhuak in, amah pawh chu en lem lo chuan practical book te chu ka la chhuak a. “Lalmuanawma ka ni e, engtin nge ka koh ve ang che?”
Chu zawhna chu, kava han dawng khât tak em, “Nurse Bawiha” tiin min ko dawn nia, ka hlim ve thlawt. “Mahse Dr. nive tep tawh.” amah en pah chuan ka nui suk.
“Wow, ka lawmpui lutuk che.” Ka khi ve ver ver.
“Conclusion atan, Pulmonary veins leh superior and inferior vena cava te atang hian RV leh LV ah blood an dah lut ang.” tiin kan tuition chu darkar 3 hnu chuan kan ti tawp ta a.
“I chau em?” siam chawp thhinlung chu dah pah chuan ka han zawh chuan,“Aw, chau ve tho” tiin a nui lai suk, a han ding chu kei aiin ala sang zui, Nurse Bawihi ka hrilh loh ataka ani hian a star leh dawn chiang.
“Cafeteria ah kal ila, ka treat dawn che nia, first day te nisia, introduce pah ang che.” Laboratory chhuah san pah chuan ka ti lang lang a, min chhang lem lo chuan ka hnung ah chuan kal ve hnawk hnawk a, nurse awmna room kan thlen chuan,“Hei, kan cardiac surgeon thar tur Lalmuanawmkima anihhi” tiin ka nurse pui te chu ka kawh hmuh a.
“Lalmuanawma chauh alawm” tiin a lai lek lek, nurse dang te chuan an lawmpui thhu leh tha taka zir tur te chuan an fuih mawlh mawlh, ani lah a sek in a pa sia, a aw lah duhthhu sam in a pa bawk, lai tihvel chu a in hmeh lo ngawih ngawih.
“Nurse mampui, ilo kheuh vel ange, nuthlawi inih kha.” tiin nurse mampui lo thu khi kur chu ka kap zeuh a, Lalmuanawma chuan,“A hun ah chuan nuthlawi pawh hi antha.” a han ti zeuh chu nurse pui hmeichhia ho an rak ta chel chul mai.
Lalmuanawma chu kai in ka chhuahpui ta nghal a. Ka nuih pawh a za lek lek. Naupang fel lai leh inthlahrung tak emaw ka tih kha, ka ring sual chiang.
Table 3 chu la in, chow satui leih leh fried rice chu kan la a, a puartham ber kan ti pawh ni mahna. Kan ti ti pah mawlh mawlh a, heart lam chauh min zawh avang chuan, chhan loh ngaihna awm bawk silo,“Sawi tawh lovang” ka tih tak ringawt kha.
Ka nui suk, ani pawh chu rawn nui ve in, thil dang ah chuan kan pakai a kan ti ti leh mawlh mawlh a, a kar lakah chuan“ka lawm e” tih chu rawn zep leh zeuh mahse ka bengkhawn duh lo.
“Ka hawn a hun e” tiin bill pawh chu a pay ta vek a, a bike chu la chhuak in kan in vei liam ta a, hospital ah chuan lut leh in, nurse room ah chuan ka lut ta nghal a.
Rin ang ngeiin,“Ehem, kan thiana chu khawnge in va fawr a.” Nurse mampuii leh nurse bawihi te chuan min rawn chheih nghal. “Hla te khhuah ah mawle.” tiin chhang ve sak.
“Hmmh” eiloh hmel tak chuan Nurse mampuii chuan rawn ti deuh hmuk. A hmui pet chu pen sak in a na ti chu a khuh nghal suk. Nurse bawihi pawh chu a hmui khuh in a table lamah chuan a phei leh nghal.
Ka in thiamlo ta deuh chu,“Naktuk ah a rawn kal leh dawn.” tiin room chhuah san pah chuan ka sawi nghal.
Phone call ka dawn chuan ka phone ka silent lo ti ka hre chhuak chiang khawp mai. Rawn rik ring em avang chuan bathroom awm hnai berah chuan lut nghal in, no. chauh anih avang chuan ka bangbo hle.
“Aw hello!” ka aw pa tak chu ka hmang a, he ka pa tak aw hichu no. hriat ngailoh in a min rawn call changa ka hman chauh ani, mimal leh ka mi hriat te hnenah erawh ka aw a nem leh thlum lutuk chu diabetes anneih palh ka hlauh pui zawk.
“Aw hello.” lehlam in a, a rawn tih tak ah chuan, ka phhawk ve chiang, Zomuana lo niin, ka mood chu off nghal, “Enge i duh?” tiin ka zawt vat. Chhan awm lem lo chuan ka thinrim ve ringawt, nupui neih chu sawiloh fa annei tawh dawn a, min rawn la call.
“Eng nilo e, ka rawn be mai mai che, i hah em?” a aw chu an ti nem kher ah, kan ei lo mai mai. “Umm ka dah.” tiin ka off san hmak.
A bangbo ve ngawt ang, ka nui suk, ward ah chuan ka let leh nghal a, ka check chhunzawm leh nghal, ka zawh chuan office ah chuan kalin, naktuk ka chawlh ani bawk a ka phur hem hem hle.
Ka thil ho ka hui khhawm hnu chuan ka bag ah chuan khhung lut vat vat in, ka nurse pui leh doctor pui te chu kut vai pah chuan ka kal hnawk hnawk a, gate pawn ka chhuah chuan, Lalmuanawma chu a thiannu nen ni awm tak chuan coffee dawr bulah chuan an lo hlim dun hle.
Ngaihsak lem lo chuan in ka thlen huna ka khhum a ka mut hun tur ngawt chu ani ka ngaihtuah, ka khum pawn min ko in ka hre nghe nghe ni.
Kawng sirah chuan dingin taxi chu ka chang ta a, dar 10:00 p.m. a rik tawh avang pawh chu ani mahna an vang tha hem hem hle. Ka hnung lamatang chuan Lalmuanawma chuan min ko pah chuan ka lam chu a rawn pan a.
“U bawih, khawnge i kal dawn?” a kut khinghnih a coffee no keng chungin ka bulah chuan a rawn ding zui nghal a. “Ka haw dawn” tiin ka chhang bul hmuk, enge he tianga ka awm nachhan pawh ka hre bik lo, a nula awmpui a rawn kalsan vang pawh ani mahna.
“Kava thlah ang che.” chu thu mawlh chu ani ka hriat duh chu, a mawi mange tiin aw chu ka pawh ta nghal a. A coffee no khat chu min pe a, ka lawm e tih pah chuan nula nena an awm dun na ka zu en zeuh, nula chu alo la awm, tinge hepa hi a nula awmpui a kalsan dawn tihna mi tiin ka ngaihtuah neuh neuh, ka buaina tur chu nilo mahse, anilo mah mah tawh in ka hria.
A bike nena ka hma zawn a rawn thlen chuan, ka zawt ta tawp a, an dawr anih khu tiin min chhang ta, ka zah zia chu, ka ngaihtuah ve em em a, engmah lo mai alo nih dawn kha.
A hnung ah chuan chuangin, helmet var bunny lu ang chu min rawn pe a, mak ka ti thut, a chhan chu Hmingsanga nen a kan in di laia ka khum thin nen khhan a in ang chiah chiah ani. Mahse ka ngaihtuah na mai mai anihhi tiin ka ngaihtuah zui duh lem lo.
Reilo te hnuah chuan kan in chu kan thleng ve ta, kawngka chu hawngin ka lut ta nghal a, ka theihnghilh chiang lutuk, va dak chhuak leh in,“I rawn lut dawn em?” tiin lai ru tak chuan ka zawt leh, “Awle” tiin a bike chu stand a tum ta mai. Ka rilru thlak in.
“Naktuk ah ilo leng mai dawn mi? Ka chau tawh e” ka nui lui suk, chhungril tak chuan ka zak mahse mood off deuh chuan min kawm paih ka rinloh vang ani. Ani pawh chu, “Awle bye” tiin a tlan ta a, a helmet min khhum tir lah chu a theihnghilh leh nghal, huiham.
Eng pawh chu nise tiin khhum ah chuan ka thlu tawp, ava han nuam ping pang tak em. “Ka hmangaih che khuma” tiin ka phhun suk.
Ka muhil zui ngal. Message rawn thleng pawh chu ka reply paih tawh thlawt lo ani.
