Thla khat chawlh ka neih zawh hnu chuan november thla ten tan ve tawh in, ni khua pawh a nuam sawt hle, winter phei chu ka ngainat season ber ani bawk a, hlim reng bak tih tur a awm dawn lo a nihhi tiin ka in chawk phur tawh hle.
Ka birthday december 10 pawh chu a hnai ta vang vang mai, ka lawm dân tur ka ngaihtuah mek lai chuan ka lu ah chuan tu emaw ni chuan min rawn nghawk zeuh a.
Ka han en nak chuan Lalmuanawma lek lo niin ka kiu chuan a ban chu ka nghawk ve zawk, a rem aniang chu ka kiu khera ka nghawk.
Tuai vut vut in laboratory lamah chuan kan kal dûn ta nghal a, cardiac cycle (thhinlung phut na chhan) chu kan zir leh ta a, ka zirtir lai te chuan min en reng angin ka hriat avang chuan amah chu ka en zeuh zeuh a, ka en apianga min lo melh ve zel chuan ka thhinlung phhu chu a rang tih ka tukhhum awmna ka hriat chiang ang chuan ka hre chiang.
A phhu chuak maiang tih chu ka in hlauh pui hle. A ni atan kan zo chu ni leh maiin pawna ka thlah lai te chuan ka thhinlung phhu chu la pangai thei lovin ka in haw tawh hle.
Bah deuh nuah a kan han in byebye tak kha, Lamuanawma chu thlir vawng vawng in gate a tlan liam thleng chuan ka thlir ta a, “Thlir anuam em?” tia Dr. Robert a, ka hnung a lo tawng thut chu ka phu nasa lutuk chu ka hnek thleh lo chauh.
‘Ka tihpalh, a hrim hrim in enge?’ tiin zawtin, ani lah pek chuan ka en thla reng che u min la tizui, ava hahthlak tak, “Ex te nau tu in nge duh anga?” tiin ka chhang let mahsela ka awm dan chu ka in hrethiam lem ta chuang hlei lova.
Nitin deuh thhaw a lo kal ta chu kar lovah kan in hmel duh tan a, mahse chutiang lam erawh sawi em em chu kan nei lem chuang lo.
Zan ka mut hnu chuan ka message chu rawn lut ve in video hi ani, chu pawh Lalmuanawma min rawn thhawn ngei niin, amah Lalmuanawma leh hmeichhia chhelo deuh in haw lo taka mu dûn ani.
A vawi khat nan ka na ve det Lalmuanawma vangin, mahse ni e ka hrethiam ani chu mi hausa fa niin zantin an duh duh an thleng a an mutpui thei alawm, chu thu chu ani ka in hnem na, mahsela ka thhinlung chhungril in hnem na tak tak tur chuan a ho leh lawi si a, huiham.
“Heihi enge, i zak lo mi?” ka type lai chuan ka thhinlung hi huai in a kaih mawlh mawlh ang mai chuan na in, ka thhaw te chu pik vekin, send chu a tawp ah chuan ka hmet ve thei ta hram.
“Zanin mi nihkha” nui chunga a rawn la tih chuan ka thinrim sauh, ni e in ngaizawng in ni lo mah ila ka thinrim ve tlat ani. Ka theih ang ang chuan hau in,“Ila naupang si, tiang kha a thalo sin” ti a ka zilh na te pawh chu emoji nui chunga a rawn reply te chuan min ti na sauh.
Ka thhinlung chu hriau in a chhun ut ut ang chuan awmin, ka chhungril ngaihtuah na pawh ana, chu erawh ka thu ngei ani bawk si lova, khuanu hian a ala phal lo anih dawn hi tiin in ngaihtuah vung vung chung chuan ka muhil ta daih a.
A tuk chu tuk dang ang bawk chuan mood swing nen chuan tho chhuak in, coffee chu ka kut ah chuan dawm reng chung chuan mit bui luk nen pawn lam chu ka thlir vawng vawng ta a, ka eye bags pawh chu a lian dûn hle, ding ang pawn ka awm lo ve tiin ka phhun nuah nuah a.
“Hi, Bawiha.” Lalbuatsaiha chuan ka hnunglam tang chuan min lo kovin, min koh na lam ni a ka hriat na lamah chuan hawi in khi ver ver chung chuan a rawn kal a, amah pawh chu nui ve suk in.
A hnung lama lo kal ka hmuh erawh chuan ka nui lai chu ka tawp chiang hle, mood swing nei nen mi ka that thei hial tih tur khawpa ka han thinrim tak mai chu, mahni leh mahni pawh kan intrih deuh alawm le.
Lalmuanawma leh Lalbuatsaiha te pahnih chu lo kal dunin, Lalmuanawma'n ka mit ah min en chuan inthiamlo tak chuan hnuai lam a en nghal a, a hria pawh ani mahna nizana a thil min rawn thhawn kha.
“Enge in rawn tih a?” ti a, hmaikawr lem vuah thut ang chuan ka nui sâr a, nurse leh doctor te thiam zawng tak ani bawk, “Hei i student ani tih min hrilh a, chuan vawiin ah ka kir leh tawh dawn, operation tur an tam deuh tawh a, Dubai lamah." Lalbuatsaiha chuan aw zângkhai tak chuan tiin, keipawh chuan ka ngaih tur thu chu ka hrilh ve nghal a.
Kan pahnih chuan inkuah chûng chûng in ka biang ah chuan a rawn fawp a, kei erawh a biang chu ka beng ve thung, kan thiandun tihdan ve thin ania.
“Tlai lamah flight dawn a, chhuak ila, in director pawh ka dil tawh kha, e chuan ila hriatloh takin, Lalmuanawma hi ka tupa ani, lo zirtir tha rawh ka ring che ania.” Lalbuatsaiha rawn tawng chhuah ber kher chu ka beng chauh nilo ka thluak pawh a verh vek in ka hria.
Dr. Robert a pawh chuan leave chu min pe a nileng chuan Lalbuatsaiha leh Lalmuanawma te nen chuan kan chhuak ho ta a, Falkland ah te chuan kalin Restaurant changkang ber ber ah te chuan kan lut a, anuam phian.
Tlai lam dar 3:00 p.m. alo rik chuan airport lamah chuan Lalbuatsaiha thlah tur chuan kan kal ta a, airport ah te chuan in fiam bawrh bawrh in Lalmuanawma'n min en ngun deuh thân in ka hre bawk.
Dar 5:00 p.m. vel chuan kan in thlah fel thei ta a, Lalmuanawma nen chauh chuan Hospital lam chu panin a car chhunga chuan tawngtur kan vai dun ngang mai, Hospital thleng chuan in belo chuan kan awm ta a.
Leave nei mah ila ka tuition pek ka ngaih pawimawh pui avang chuan dar 7:00 p.m. a lo kal leh tur chuan ka ti ta a, ani pawh chu pawm in a haw ve ta mai a, keipawh chu ka ward vel chu ka check ve ta nghal a, ka check zawh hnu chuan nurse room lam chu panin ka mutna ah chuan ka thlu hnawp a, ka chau ve takzet.
Dar 7:30 p.m. ah pawh chuan Lalmuanawma chu a rawn la lan loh avang chuan ka call ta a, ring quit thak in ka thinrim ve tep mahse thinrim nachhan tur ka nei bawk silo, huiham.
Car tlan ri hre thut in ka dak chhuak nghal, Lalmuanawma ngei niin, laboratory ah chuan kan lut dun leh a, ka bula a rawn kal lai chuan zu rim nam deuha ka hriat avang chuan hnar a na duh veng veng hle.
Kan in zirtir laia alo muthlu chu ko harh in, a mit te chu chawke ni rui ang mai chuan senin, a rim lah chu ala nam ta deuh deuh, huiii, “Haw mai rawh” tiin ka mit a a en lai chuan ka hrilh ta a, min en vawng vawng in ka tukhhum nem deuh pah chuan min rawn fawp ta a, ni e ka hlim, mahse ka thinlung erawh na tiin a rum ve vawng vawng.
A ruih vang chauha min fawp anih vang te pawh ani mahna, naktuk ah chuan a theihnghilh leh awm si a. Ka nam sawn ta a, ani pawh chuan min nawrlui ta lem lo, car a khalh laia a tluk ka hlauh em avang chuan ka scooty chuan ka phur ta a, car khalh ka la thiam lo bawk nen buaithlak ve tak chu ania.
Kawng lai ah te chuan kan tlan thul, in chu kan thleng ve thei ta hram, a pa lian si nen a rit viau tho, harsa tak chuan in chu hawng in bathroom ah chuan ka luh pui ta a, ka thlan te chu luang zawih zawih in min bual ani ber tawh mai.
A thawmhnaw te hlip sakin a boxer a wee wee khuh na erawh ka phelh sak talo, en chak viau mah ila insum angai, ka bawlh zawh hnu chuan a harh ve ta deuh a, a boxer a huh avang chuan ka boxer chu ka hak tir ta a, ha ve maiin, kitchen ah chuan ka kalsan ta a, eitur vel chu ei in, a ei tur keng chunga room ka luh chuan, zangthal zawnga lo mu in, ka boxer chu atan chuan a tight ani mahna a englo thla chu a lang chiang hle.
Ka khum ah chuan mut that tir in, keipawh chu ka chauh tawh em avang chuan in tleuh zuaiin ka mu ve ta nghal a.
