“Lalmuanawm i rawn kal dawn em?” Dr. Robert an atih lang lang chuan a bul lawkah thu in ka beng ka chhi kur, Lalmuanawma'n aw a rawn tih chu ka hre phak ruai, rawn kallo tura ka dah rawn kal leh tur si chu ka huphurh tan der.
Ka hua chu a ni miahlo, hmaizah vanga hmu ngam lo ka ni zawk mah, a u nen kan lo in kurung karang nasa ve bawk sia, Lalmuanawma leh ka chungah em chuan khuanu pawh in a phal em nâng, chu tiang thleng tur chuan ka tuar hnem tawh mah mah bawk.
“Tihpalh lutuk ka bike ka keng peih lova, bus an lo vâng phian a, ka tlai phah ta anihhi, ka tihpalh” thli te chu ui tak chuan ata chauh niawm a mawiin a hip kawk kawk a, a thhaw leh kawk kawk a, ka lainat tep nahsela ka nihna anilo, a phhu tawk tiin ka nui duh chauh.
“I hmui kha tiangkhhan lo siam suh, ka kiss palh ang che, ka hah teh mai ania” thhaw reng chunga min rawn en chuan ka bo huk a, a hnu lawkah chuan a thu sawi chu hrechhuak in ka chhang let dawn tih ah ‘class tan ang’ tiin min rawn la tawng khalh zui. Hepa tak hichu khhawn kava han chak tak.
Chocolate ₹50 man vel chu rawn phawrh chhuak in, kan class lak lai chuan ka kut ah chuan min rawm vawn tir thut chu mak ka ti viau, ka chocolate duh leh ka duhber rawn lei chauh nilo, min en dan te chu ngaihdam min dil ang mai a ka hriat chu le.
Ka ngaihtuah thui mah mah, ka lawm e tiin a thutna kawk in thu turin mitmeng in ka ti ta a, thuawih tak chuan a thu ve maia, kan in zirtir chhun zawm leh mawlh mawlh a.
Ka phone ri chu la vat in,“Aw Dr. enge nita?”
“Awle ka rawn hruai ang.”
Dr. Robert a chuan heart transplant aneih dawn avang chuan Lalmuanawma rawn en tir ve tura min duh avang chuan Lalmuanawma chu kovin E.R. lam chu kan pan ta a, a first time pawh nilo mahse a nervous hmel chu ka tân mit lawmna a thham ngei mai.
Hlauh nei ang mai chuan a en kual a mahsela phhurna tlem inzep chu ka hmuh hmaih hauh lo, chu chu ani tih phhhur chhuah ka tum ber chu. A tum ah a chiang bawka ka thil tih pui naah a hlawhtling ngei tur ani tih chu ani ber in ka hria ka thupui pui kha.
“U bawih, ka kut hi min lo vawn” ka lai thelh lo chauh, mahsela ka haw thar leh,“Kan la thlen em loh hi...” tiin chhangin ka in thlahrung ve tep mahsela Zomuana nau ani tih ka hre chhuak leh zel si.
E.R. chu lutin Patient thutawh pakhat chu patient coma a awm mithi nge muhil tihpawh hriat loh bulah chuan an muta a awm chu zei kak in a thhinlung chu an la a, thih hnu a a thin a la phu te chu mak a ti ngang mai. A hmel ka en nak chuan ka nui chhuak lo chauh, mithi dar ri ngaithla ang maia a han ang chu ka nui nghek.
Kan chhuah chuan Lalmuanawma rap hmel chu kala nuih nghek, reilo te chu cashier bulah chuan inkawm in a haw ve ta a, nui chunga ka thlir reng chu ka thawhpui te bawk chuan minlo fiam leh tawh, huiham ka nuih ka tawp chiang khawp mai.
Thla chu tawp leh tawh in, keipawh chu thla thar zawng ka chawlh dawn avang chuan ka hlim sar sar hle, ka hlawh chu la in khi ver ver chung chuan ka haw ve ta a, Lalbuatsaihan min lo nghak chu ka hlim leh zual tak zet, a car ah chuan lut in a nupui pawh chu ka chibai ta nghal a.
An in hmeh hi ka ti hlawih hlawih, a hnung seat ah chuan nui ver ver chung chuan thu reng in ka ngawi reng a, an fa lo piangtur pawh chu ka phhur pui hle,“A middle name i phhuah duh em?” Lalbuatsaiha'n a rawn tih chuan ka meng phhawk chiang khawp mai.
“Hey iti tak tak em?” ka mit meng chu artui bial bialin a lian in ka hria, “Umm” tia Lalbuatsaiha nupui in min rawn chhan chuan ka lawm lutuk chu Pathian hnenah lawmthu ka sawi pah nghal bawk.
In thleng chuan min thlah haw ta a, kawngka chu hawng in, inchhung chu ka tifai ta a, tihfai zawh hnu chuan dar 10:00 p.m. lo ri thhuak in, nung ve lo zawng zawng a ka hmangaih ber khum chu a tawp a tawp ah chuan ka pan leh nal nal ta.
He lai te hi ka thil tawn tak tak niin, ani ka duh em avanga ziak ka ni, tih zak emaw ka tum lo, ani pawn min hrethiam mai aniang chu. A kum leh a hming erawh ka thup sak dawn ani.
Ka mu ta tih ah chuan insta ah chuan lut vel mai mai in, account pakhat chuan min rawn follow a, follow back hma in ka stalk ta a, a dp ah chuan hoddie pawl ha in, a hmel erawh ka hmu theilo, a profile chu check leh in a thlalak chu alo awm nual.
A thlalak post te chu en kual in a t-shirt branded leh a kekawr dum smart pants te chuan a ti lang chhelo hle, a hmel chu tha phian in, swimming pool a tarmit dum nena a thlalak mawlh chuan ani ka mit la chu.
A highlights vel check in thlalak nuam alo ti viau, kan in an viau dawn hi tiin ka khi ver ver, mahsela hmeichhia a kuah lai a post chuan minti hnul ve deuh, enge ka chungah thleng le in biak pawh kan la in be em lova, chutiang duhthu lo sam kan tih nghal rik ngawt chu le.
Keimah te chuan khumah chuan bei in ka nui ver ver a, a tawp a tawp ah chuan follow back in ka hlim ve ver ver, a chhan pawh hrelo a ani ka han stalk tak mai le, ka zak ru ve rem rem mahse tu pawn an ti ve tho ang, dem theih ka ni bik lo ve.
