Zing ka tho chu hma ka tih em avang chuan ka mu tha leh a ka inchhir ve ngawt mai ka mu tha chu, dar zat ka en nak chuan dar 8:00 a.m. lo ri der tawh in, ka tlai dawn tih ka hrechiang tawh lutuk chu in hak pawh in ha tha hman lovin in atang chuan ka tlan chhuak ta a.
In li nga ka pel tih ka hriat hnu ah chuan ka hre chhuak, thla khat off ka nei tih, huiham, ka lu chu na lo te chuan khhawng in ka thmawhnaw ken ho nen chuan in lam chu ka pan leh hnak hnak a, ka zak ve det.
In kawngka chu hawngin ka thawmhnaw ho chu washing machine ah chuan dah in tui chu ka herh haw ta nghal a, breakfast atan chuan artui leh bread chu kang ve ve in, coffee pawh chu ka chhuang pah reng a, ka zawh meuh chuan ka tui herh haw pawh ka off ve ta nghal a.
Ka ei tui lutuk chu chaw ka chhum leh nghal, breakfast mai mai chuan ka pum chu alo fast lo nasa, ka riltam chu a ri a ri tawh mai si a, chaw lah chuan ka hmin dawn e tih reng reng va nei suh, huiham, bathroom lam bawk chu panin ka insu zo ve thei ta hram a.
Chaw pawh chu eizui nghal in, kham ve ta nghal bawka, peih leh peihlo chuan seng fel ve in, thawmhnaw ho chu inchhung tlangban ah chuan bang vel mai mai in, khum lam bawk chu ka pan leh hna hna a, inthlahrung tak chuan ka khumah chuan ka mu leh ta nghe nghe e.
Ka whatsapp chu hmeichhe thi hul thak ang mai hi ani, Insta ah chuan lut ve ringawt in, hmanzan a minlo follow tu chu stalk leh nghal, alo online ve thlap, tih tur awmoh em avang chuan ka zahna zawng zawng chu paih in ka zah loh na zawng zawng chu sawm khawmin kava be ve ta rawih a.
“Hi” tih te chu va thhawn in, ka nui ru ver ver, a thhawntu hi min hmu se chuan min rap ve tho ang ka ring.
“Hi, enge nita?” tia min rawn thhawn kir chuan ka lai chhe vek chu ka in zahpui hle, a thlalak en reng reng pawh a 18 pel chauh tih hriat lutuk, kei lah, sawi lo zawk maiang.
Chutia tih tur vak awm talo chu kan in nileng biak ta a, kan nihna te chu in hrilh in, bisexual alo ni ve reng a ka lawm ru hle, mahse ka feelings erawh tih pun ka tum lo nasa, mahse ni e keini ang overthinker tan chuan ka ngaihtuah na ah erawh chuan mipa ve ve nimah ila kan in neih hun tur chu ka duan lawk ta vel mai mai.
A hming mawi tak chu Thomas a niin a hming nen pawh chuan a mawi pui hluah hluah, a hming chu ama ta tur bik a Pathian in a sak hi ani hial awm e. Khawvel lei rap tura a pian ni te chuan thangvan sâng a vantirhkoh te chuan a hmelthat na chu an thîkrawn ngei ang.
Chutia nitin zantin a in be ta chu kan lo in hmel duh ta a, khuanuruat angah ngaiin min try ta a, keipawh a rei ve tawh e tiin tiam e tiin ka pawm ve ta a, ani chu collage kal lai ni mahse a hun awl neih te chu kei biak nan min hmang a keipawh chuan ka awl lai lai chu biak nan hmang ve in kan bul tan na chu kan hlim dûn ve hle.
Kan bul tan ang khhan nitin zantin thla tin kum tin han ni dûn in han hlim dûn thei ila chuan khhuanu leh lasi, si-ar te pawh chuan min thîk ve ngei in ka ring, di nei lo thla pawh khian min hlimpui luatah a eng mawi zantin ve ngei ang.
Chuti karah êng ve miah lo tur ka chhungte thlarau leh ani ka di lai chhungte ka dâwn chang in, hnung tawlh a ani then leh mai ani ka duh thin. Mahsela mihring mihrin naah hichuan min duh em em tu te thlah hi ani lo har ber pakhat chu. Ka dem lo'ng in duh em avanga mahni nunna hial la te hi. An hmangaihte tan an rinawm tih a lang tlat si a.
Chutia thla chenve kan han nih ve tâkah chuan rose par sen mawi tak nisa sat luat avanga chuai ta ang maia kan han chuai telh telh chuan ka thla chu phhang in thlah chu ka phal hlawl lo ani e.
Ka hmangaih reng tur tia ka lo duan chu nitin mai chuan a mizia chu in thlak in, a hun awl ah te pawh chuan kei nilo biak dang nei ta fovin, a tan chauh tia ka hun hman te chu ani chuan hmang tangkaiin midang tân a hlan leh si a, ka thhinlung chu hria se inchhir in a rawn let leh ngei ang.
A tawp a tawp ah chuan kan inkar chu chelh dan rual lovin a lo tawp chu a ngai ta si a, hun her kir leh thei chu ni ila kan zan khat naah khhan lo biak loh mai ka duh a sin, min ngai ve hian ka ring thin a mahsela midang karah a hlim tawh si.
Thla khat chu mumal lo chuan kan ni hman, hun chu her leh thei ila ka siam rem ngei ang kan inkar, a lungdum nan ka landan thlak in ka mizia pawh ka thlak ngei ang.
Arsi chu niin chang ila ka tling zo mahna a lungdum tu turin, mawi takin eng in ka thlir reng ngei ang ani ka duh ber kha.
Thil tam tak ngaihtuah in sawi dun mah ila, liam tawh chu liam tawh iangin engmah siam that theih ani tawh si lo, hlim na ni hi a tawi lua mahsela ka tana khuanu ruat anilo ani mahna, tianga ka nat tak.
Hlimin chuai thei lo tura ka ngaih kan inkar chu beisei na nen nghak mah ila a reh vang vang ta si.
In tawn leh ni reng awm tawh lovin kan inthen ta si a.
