Pawltlak thla chu kan chuangkai ve ta a, Lalmuanawma pawh chu a reh vang vang tamai, khatia khumbet a ka nat lai khhan vawi khat chu lo lang in mahsela a bialnu nen an ni.
An hlim ngei ka beisei bawk. Specialist hnuaiah Lalmuanawma pawh chu a zir ve tawh a, ka course ka zawh pui hman avang chuan ka lawm ve viau.
Nitin mai chuan dam lam chu Pathian zarin ka pan ve zel a, ka thhinlung ser erawh nawh reh ahar hle, ka rilru na te chuan van tawng in ka tawrh ve ngai loh tura ka rin ka tawrh takah chuan tumah dem thei ka ni lo ve.
Duhvang renga pawngsual chu an vâng ve viau ang. Nitin chuan dam lam pan e tilo chuan chunglam enin van lam pan mai te chu ka ngaihtuah chang atam narawh, ka hlimni te chu a tawi in ka tah ni te chu a tam sawt ta hle.
Ka rilru a dam ve maiang tiin hun lo her turah ka in nghat laiin, hun lo her zel chuan ka thhinlung chu a kher zel si a.
Ka suangtuahna mawlmang chu kawmin nitin chuan hun ka hmang ve beuh beuh a, hun leh ni, thla leh kum te hial veiin damdawi in atang pawh chuan ka chhuak ve thei ta hram a.
Ka in luahna ka hmuh duh tawh loh avang chuan ka thawmhnaw ho chu hnathhawk ruaiin kan lak tir ta a, Lalbuatsiaha in luahlai mek ah chuan ka lut ta rawih a.
Hospital ka thhawhna pawh chu resignation letter chu ka sign ta a, a tawp nan tiin ka office tur mahsela nithei leh talo chu ka va pan leh hna hna, room chu hawngin a mawi ka to hliah hliah.
Damdawina ka thian te chu mangtha luam luam in, a then an tap laiin a then in min hnem a, a then in duhsakna leh malsawmna te min hlan bawk.
Ka mittui chu dan rual loh chuan luang ve in mahsela nui chung zelin ka mangtha hlawm ta a.
Hospital a ka bungrua zawng zanwg nen chuan Lalbuatsaiha car ah chuan lut in car chhungah chuan a ri chuan ka tap ve ta a. Ka thhawl hawk in ka hre nghe nghe.
Restaurant ah te chuan min chawlh pui a, ka hlimna tur hlir chu ngaihtuah in, Book room, spa, park ah te chuan min kalpui luam a, ka thhinlung chu thar takin hlimni a rawn thleng leh a, ka characters kala hlauh lo tih ka hriat chuan ka hlim ve hle.
“Tawp teh, tawp teh ding lawk!!!” ka tih chuan Lalbuatsaiha pawh chu a break thut a, kan hnunga car pawh chuan horn a hmet ri nghal zat.
Lalbuatsaiha chuan lehpel turin side light chu a pe a, kan hnunga car pawh chu a tlan ve maia, keichu engmah ka hre chang tawh lo, car atang chuan ka rin ruk deuh chu hmu cuiang turin ka chhuak a.
“Haha”
Ka melhngai chu melh reng chung chuan ka nuih za lo pui chu ka nui chhuak huk. Ka kâ atang chuan eng dang reng a chhuak theilo, ni e, Lalmuanawma, ani ngei kha ani.
Nula, nula, nula, nula hleitling tak, an in fawh lai pawh a ka hai der ziah, ani Lalmuanawma'n min fawh lai pawha ani nula vanga inthlahrun na ka chunga lo awm.
Tinge tiang em em a ka nat tak mai le, kei ve mai mai, thhingtlang atanga lo kal, nu leh pa nei tawh lo, unau lawmpui tur neilo, chhungte belh tur neilo te chuan anni ang chu engtia chantheih nge ka in rin le.
Lalbuatsaiha chuan ka bân ah chuan min vuan in car lamah chuan min pan pui ta a, ka taksa reng a che thei tawh lo, thinrim vang nge lungnat vanga ka khurh pawh ka hre tawh lo, ni e thik turin enge kan inkar ah awm, tutor leh student mai alawm kan nih.
Tutor leh student duh huna in kiss, duh huna in rim, duh huna in flirt, wow kan nun kha alo van hlimawm em.
Lalbuatsaiha te nupa rel ang chuan Dubai lama hospital a thhawk tur chuan thlawhna chu ticket kan la ve ta a.Thlawhna ah chuan chuangin ka rirlu ngaihtuahna ka kawm nasat em avangin kan thlen tawh leh thlen tawh loh chu ka lo hai daih chu niin, Lalbuatsaiha'n min rawn nghawk chuan nui deuh suk in ka chhuk ve ta nghal a.
Ram changkang tih takah, ka ka chu ka chip theilo chauh, kawng fai vawr te leh building sang tak tak nalh tak tak te chu hmuhnawm tih tur khawp chuan tamin, naupan laia kan ngaihtuah phak bak aia ropui ani hial awm e.
Buatsaiha te chhungkaw in chu kan thlen chuan in dah fel sawk sawk in, mikhual room an tih ah chuan ka in dah fel ve ta a, an in a zau bawka pathum chauh awmna tur chuan a rapawm mah mah.
Ka in bual zawh hnu chuan choka lamah kalin eitur vel chu Lalbuatsaiha nupui chu ka tihpui mawp mawp a, awm ngailo ta na fam chu ka che ve hman lo, a mah pawn mi sawm ei a siam zawh vat theih a rinawm.
Thuthleng ah chuan ka thu ve ta a, engkim mai chu a fel fai in a ropui em em mai a, anuam hle.
“Naktuk ah i thawh na tur kan zawng dawn mi?” lalbuatsaiha chuan min en lem lo chuan a thil ziah lai chu a ziak mawp mawp a.
“Thawh pawh kalo tum lo asin, resignation letter ka thhawn khhan Sir Robert a khhan, a paih daih a, ‘I rawn thawh leh hun kan nghak maiang’ tiin min hnem lungawi a, keipawh chuan ka aw ta mai” tiin ka chhang a, Lalbuatsaiha chu in ngaihtuah vung vung in.
“Kir leh i ngam a, i hlim na tur anih te chuan i thu alawm, kum 18 i pel tawh a, in ngaihtuah chiang la.” tiin annu bulah chuan min thawh san ta a.
Keipawh chuan ka thuthlukna siam chu ngaihtuah tha leh in, reilo te hnuah chuan chaw chu kan ei ho ta a, chaw kan kil lai chuan pathum chauh e tilo chuan nuih na tur kan nghah.
Lalbuatsaiha nen chuan kan naupan atanga kan upat hun thleng chu sawi kim duak in, a nupui pawh chuan alo ngaithla uluk ve hle.
Ka room timai ila mikhual room ah chuan khum leh wardrobe hi lian tha ve tak, class tak chu awmin ka in thlep fel mawlh mawlh a, khumah chuan a zangthal zanwg chuan ka mu ta vel mai mai a.
Ka phone chu hawngin, missed calls leh messages te chu alo tam ve phian, Lalmuanawma leh ka thiante anni, Lalmuanawma message chu ngaihsak lovin, ka seen ta ringawt a.
Ngaihdam na thu ani, chutiang chhiar ka paih tawh lo pawh ani mahna, in hriatthiam na angai leh awm si a.
Ka tho tra tra a, ka thawmhnaw te chu bengchen hlau tak chuan ka thlep fel mawlh mawlh a, ka suitcase ah chuan dah in ka in khhung fel vek tawh maw tih a ka mu ve ta a.
Zing dar 7:00 a.m. alo rik chuan in peih tak chuan Mizorama kir leh tur chuan Lalbuatsaiha te nupa bulah ka sawi ta a, anni pawh chuan ka kalna tur chu min tum sak dawn avang chuan ka lawm hle.
Airport lam chu hlim leh phhur tak chuan ka pan hna hna a, ka khi ser reng mai.
Darkar 4 dawn kan thlawh hnu ah chuan Delhi ah chuan kan tum ve ta a, Delhi atang chuan thlawk chhuak leh nghal in, Aizawl ah chuan kan thleng leh ta a, hei bak bak hian kan ram hi kala ngai ngailo.
Taxi chuan hawng in chhun dar 2 a ri thhuak tawh bawk.
Aizawl kan thken chuan inluahna tur thar chu ka zawng a, ka hmu mai lo,ka thawh na Hospital lam chu ka pan ta rawih a, Sir Robert a chuan min lo buipui nghalin, ani chungah pawh hian lawm thu hi ka ba hnem tawh viau.
Nurse ho room ah chuan ka bag te chu dah in, ka thiante pawh chuan min hmuh veleh chuan min rawn kuah chung chung a, kut pawh ka in daih lo hle.
Ka mittui chu hnâm ve suk in ka hru zeuh zeuh, ka hospital khum ah ngei chuan ka mu leh a, ka hlim riau.
