ضُلم الرَوح السوداء

الحِلقه السِابعه .

رواية: ضُلم الرَوح السوداء

للكاتبه: نور اللهيب

تركض ايامك وانت واكف
ماتدري بس دمعات صارف
ليلك يجيك محمل هموم
تكضي تعب مثل اليشاگف
تتناسى كلشي تحاول تنام
تذكر الچانو يمك العام
الكالولك بكل عام وياك
كسرو گليبك كسرت الجام
شك الرسايل واچفي الهموم
محد يظل وياك للدوم
تاليتك بهاي السنه وحيد
دخانك يظل فوكك يحوم
كافي باساميهم تجي تصيح
تشتاك للمارايدك ليش؟
ياگلب بسك دومك تطيح

~~~~~~~~~~~~~~~~~~♡
جوليا:
_ ف مره من المرات طردنه وكال اخذ مرتك واطلع ف البس عباتي ونگعد اني وياه باب الشارع وين

_ نروح وذا رجعت لاهلي بعد ميرجعوني واني احبه
الحد مينام نرجع چانت مشاكل وي نسوان حمويني

_ والشغل عليه وممرتاحه وياهم تعبت نفسيتي ف رجعنا للبيت ونصدمت ب احمد گبالي خفت وتراجعت مُناف محچه شي

_گال احمد: شعدكم راجعين اني شگلت؟
_مُناف: خويه وين نروح حته ماعدنه واحد نروحله بهليل بروح ابيك خلنه نام بهني هليله

_هز راسه احمد وگال: يلا طبوا
رحت لغرفتي واني ميته نعاس اني وعباتي ؏ الفراش گبل غفيت مادري شصار مصار

_گعدت الصبح ب 10 غسلت وطلعت من الغرفه صبحت ؏ عمتي ورحت اسوي ريوك

_عنوز مسيره عدنه اجت تتريك ويانه گعدنه نتريك ونسولف اجت مرة حمايه احمد ساهره

_گالت ساهره: يي مهنايات گاعدات بالعشره ويعلفن برزق رجلي ورجولتهن مو بحالهن

_عنوز گامت گلتلها: اييي حبيبتي ناكل بخير اخوي مو رجلچ لا تنسين وهسه سنفري منا لا امرد ضلوعچ ومحمد ادبسزززز تعيرني بخير اخوي

_راحت ساهره وعيونها بگصتها ضحكنه اني وعنوز ؏ ردة فعلها وكملنه ريوك گمنه نضفنه كملنه تنضيف

_العصر اجت سنايبر تشوفني
مسيره عليه وگعدنه اني وسنايبر وعمتي وعنوز كعدنه نسولف وبقينه للعصر

_ سويت ال سنايبر غده
اجه مُناف من الشغل
جوليا: اگولك حبيبي نريد ندز موطه النه

_ گال مُناف: روحي للقمصله اخذي
رحت اخذت شفت فد الفين انصدمت!! گلت بيني

_ وبين نفسي هاي شنو فلوسه وين؟ معقوله فلوس شغله فد الفينن!!!!

_دزينه موطات بالف وگعدنه ناكُل ونسولف عمتي سئلت سنايبر:يمه انتِ شگد عمرچ؟
سنايبر بخجل: 12 سنه خاله

_ضحكت عمتي وگالت: العمر كله يمه يوم الاشوفج چنه اليه واعتبرچ مثل بنيتي
_رديت عليها وگتلها بحده