ضُلم الرَوح السوداء

الحِلقه الثِامنه .

رواية: ضُلم الرَوح السوداء
الكاتبه:_نور اللهيب_

إذا صدفة تلاگينا بيوم
لتتفاجئ گدرت شلون من دونك
بدايتها القصيدة تگول
گدرت أتجاوز عيونك .

__________________________________
جوليا:
گعدت لگيت نفسي بيت اهلي انصدمت شجابني بقه بالي يم مُناف شنو ممكن يصير وياه

گمت طلعت بره لگيت عمتي
گاعده التلفزون گلت بصوت تعبان: وين ابوي عمه

_اجت عمتي حضنتني وگالت: هلا ب بروح عمتها شخبارچ عماتي ابوچ هسه يجي اخذ سنايبر تشتري

_گتلها: عمه شنو صار ليش ابويه جابني مُناف وين؟
گالت عمتي: والله عمه علمي علمچ ماعرف

_تأخر ابويه واني بالي كوله يم مُناف شنو صار
واخيراً اندك الباب وطب ابويه وسنايبر

_سلمت ع سنايبر وابويه وگعد ابويه وصاحني اگعد يمه گال ابويه: ها بويه شلونچ هسه

_هزيت راسي وگتله: زينه بابا زينه
شنو صار ليش جبتني مُناف وين؟

_گال ابويه: بويه سولفيلي شكو؟
احمد ميريدچ تبقين بيتهم طردني انا وياچ تقبلينها بويه؟ هزيت راسي بصدمه: لا بويه اكيد ماقبلها

_وثاني شي اني ممسويه شي غلط كل السويته رحت وي عمتي ورجلي للخياطه

_ولانو احمد الخط مالته مغلق منطيناه خبر
بابا اني مسويت شي غلط اني تربيتك ماسوي غلط مُناف وعمتي وين بابا كسر ايدها گدامي

_گمت ابچي وابويه حضني
وگال:هاهيه بويه مالچ رجعه اله دامني عايش هذا لورجال ميقبل امه تنضرب ويسكت

_مرت الايام واني بالي وي مُناف شنو صار وياه اجت حماتي تقنعني ارجعله
جوليا:اعذرني حَبيبه نفسي طابت منه وتعبت نفسيتي هد حَيلي هد

_راحت حماتي اتصلت خالتي
گلتلها ببچي: هها خاله شسويتي بيهه مو گلتتي هذهه ابن حماچ وانتِ تعرفيه شنو؟؟

_ردت خالتي: والله خاله ماچنت اعرفهم زين من اروح يفرشولي الگاع ورد شعرفني ب ذولي الناس والله العظيم ماهدالي بال رحت تعاركت وياهم

_واحمد بكل عين صلفه طردني ومُناف يگول جوليا لحت عليه گتلها ماريد اطلع خبصتني

_انصدمتتت شلون يگدر يحچي عليه واصل ال يا مرحله من النذاله هالحقير كرهته اضعاف كرهي اله ماشفت منه غير الوجع وكسران الگلب