ضُلم الرَوح السوداء

الحِلقه العَاشِره .

الكاتبه: نور اللهيب

رواية: ضُلم الروحَ السوداء

_تحت ضوء غرفتي وبين رشفات الشاي المر اشعر بالضياع قلبي يحدثني بشيء وعقلي يحدثني بشيء اخر اشعر كأن قلبي سيخرج من شدة الالم اختنق بشدة وكأن جميع الاوكسيجين نفذ من حولي ولا استطيع التنفس اشعر بضيقة في صدري اتسأل ايمكن للانسان ان ينتزع قلبه ؟
اصبحت باردة من الداخل وكأنني صخرة
بكل مرة كذبت على من حولي انني بخير
وبداخلي تقام حروباََ اتمنى ان ترحل روحي للابد ويرتاح بداخلي اريد النوم وتغلق عيناي للابد فأنني تعبت من كل شيء

______________________♡
جوليا:
_گعدت ب ملل واني اتثاوب شفت سنايبر وهيه تباوعلي بعلامات استفهام ليش هالصوت

_جوليا بضحكه: لچ باباغير عدهم عرس گومي ترا احنه مو بيتنه وعيب عمتي هسه تموتنه

_سنايبر بنعاس: يمعوده اريد ارجع لبيتنه مداشبع نوم هنا اوففف لا هنا ولاهناك شبعت نوم

_ضحكت وگمت غسلت وفرشت الحمدالله الحمام داخل الغرفه عدلت شعري ولبست حجابي

_وسنايبر راحت تغسل واجت طلعنه صبحنه عليهم بصوت واحد ردوا علينه

_الكُل بصوت واحد: صباح النور والعافيه
_ام ياسين: تعالن تريگن يمه برانهيوم طويل

_گعدت يم عمتي اني وسنايبر تريگنه وكملنه وگمنه نجهز روحنه هوسة العرس وكُل وحده بمكان

_اجتنه مرت اخوهم مروه گالت: تعالن يبنات ويانه نبدل ونعدل روحتنه ضحكت ورحت وياها

_گعدت تعدل ب وجهن مكيجتهن وهنه عليها سره كامل ضحكت وباوعتلي رحتلها گالت: تعالي خ امكيجچ مع انو انتِ معايزه گمر ماشاءلله

_ابتسمت وگلتلها: فدوه لا عمتي متقبل
ضحكت گالت: شويه والله ماخليلچ هواي

_وافقتها مكيجتلي مكياج خفيف واحس شكلي فعلاً تغير طلعت احلا واجذب بحيث گامن يصلن ع نبي وهنه يشوفني گالت مروه: ياصلاوات گمر مو بنيه

_ابتسمت بخجل اجتني سنايبر: فدوههه شهجمال مروه انيهم مكيجيني مثلها حبابه

_ضحكت وگعدت تمكيجها رحت لبست فُستاني لون ماروني بينصل بيهه فتحه من جوه ومن وره خيوط
تصميمه كُلش حلو تعجبن ع فُستاني والكُل

_سئلني عليه جاوبتهن واني اگولهن ب ضحكه: حقطعه وصله وصله وانطيچنياه ضحكن بصوت

_گالت مروه: لا حبيبه ميلوك بس عليچ
اتفقن البنات وياها واني اضحك

_طلعت بره واشوف عمتي گبالي
_گالت عمتي وهيه تقرأ المعوذات: ماشاءلله يمه شهجمال ليطگنچ عين مالنه خلك امراض ياحبيبتي

_ضحكت وگلتلها: عمه ترا مو انجالي جولي شحالني
_ابتسمت وگالت: تروحلچ فدوه انجالي وعشيرتها