Shush Series (Book 1)

Gaano Kadalas Ang Minsan Finalé

Kabayaran ng Pagdurusa

Magdadalawang linggo na ang lumipas simula noong masunog ang aking bahay. Nagkaroon daw ng leak sa lpg namin, yun daw ang dahilan ng pagsabog. Ito ang sinabi ng nag imbestiga. Pero tandang tanda ko na hinde ko ginalaw ang stove. Imposible ding may sira yun dahil regular ko itong chinechek kapag ginagamit ko ito. Sinabi din ng nag imbestiga na nakabukas ang pinto sa likod kaya malaki ang duda ko na may nagsabotahe sa lpg tank.

May gusto bang pumaslang sakin at gustong ipalabas na aksidente ito? Pa ulit-ulit itong dumadaan sa isipan ko at iisang tao lang ang alam kong may motibo. Walang iba kundi si Simon.

Bumalik ako sa presinto para sabihin ang aking hinala. Pero sinabihan lang ako na isasama daw nila sa imbestigasyon ito dahil wala akong ebidensya o patunay sa aking mga hinala. Napapansin ko din na tila walang nangyayari sa reklamo ko.

Bakit ganito? Kapag ba kabaro ng parak, mahirap ireklamo? Sinubukan ko din humingi ng tulong saga social media personalities pero ni isa ay walang nag reply sa akin. Wala na rin akong pera para e forward ang reklamo ko dahil nasunog lahat ng ari-arian ko. Nakatira muna ako ngayon sa isang maliit na apartment na malapit lang sa bahay ng mga magulang ko dahil sa tingin ko ay hinde talaga ako ligtas lalo pa at may pagbabanta si Simon sa akin.

Nabalitaan ng mga kasamahan ko ang mga nangyari. Hinde na nagrereport si Simon bilang bodyguard ng governor. Marami ang nakiramay, marami ang nagbigay ng payo pero ni isa sa kanila ay walang tunay na tulong na maibibigay sakin.

----------

Natagpuan ko ang sarili kong pumasok sa isang mumurahing bar. Maliit lang ang pwesto pero makikita mo kaagad ang mga babaeng naka suot ng maiksing shorts at kita ang cleavage sa maninipis na sando na nakatambay sa labas ng pinto.

Pagpasok ko ay sumalubong sa akin ang amoy ng sigarilyo ng iilang parokyanong sa tingin ko ay hinde pa naliligo. At ang isa sa mga ito ay kumakanta sa videoke na basag ang sounds at bonus pa ang sintonadong boses ng lalake.

Umupo ako sa isang corner na medyo dim. Lumapit ang isang bading na nagbigay ng menu.

"anong order mo pogi?" tanong nito sakin.

"bigyan mo ako ng bucket ng beer, french fries at isang lomi."

Tumango ito at umalis kaagad. Tumambay lang ako at nag relax. Naka electric fan lang ang bar at talagang pang abot kaya lang ito. Mas malaki pa nga siguro ang sala ng nasunog kong bahay kesa sa buong bar na ito eh.

Dumating ang mga alak at hinde na ako nagsayang ng oras. Gusto ko lang talaga makalimot. Gusto ko lang magsarili. Ang pakiramdam ko ay napaka malas ko nang lalake. Iniwan at pinagpalit sa isang lalakeng walang kwenta. Hinde ko napansin na dalawang bote na kaagad ang aking na ubos.

"Hello." Isang babae ang lumapit sakin. Naka suot din ito ng maiiksing shorts at sando. Amoy ko kaagad ang cologne nya. Tinignan ko ang mukha nya. Hinde ko gaano maaninag pero mukhang maganda naman. Naka lipstick lang ito at naka ponytail ang buhok.

"Hi." Bati ko din sa kanya.

"Bakit nag iisa kalang dyan? Gusto mo ng kasama?"

"Ah eh, di ko alam magkano ang kalakaran ng table dito eh."

"Wag mo nang isipin yun. Bored lang ako. Walang bayad ito. Gusto ko lang ng me kausap." Umupo kaagad ang babae sa tabi ko.

"Bakit ako pa napili mo?"

"Tignan mo nga yun ibang mga costumers dito." Sabay turo nya sa mga lasenggero sa paligid.

"Mukha bang matino kausap ang mga yan?" tanong nya ulit na may ngiti. Mukhang matalas ang isipan ng babaeng ito. Praktikal sya at alam ang sitwasyon. Napa tango nalang ako sa kanya.