The Scent of You [Under Revision]

Kabanata 11

Kabanata 11

Mainit ang panahon.

Problemado pa parehas ang magkaibigang Rosie at Fran. Sabi tuloy ng mga ito na deserve nila ang kahit na anong mahal at malamig na inuming p'wedeng pumawi sa kanilang uhaw. 'Yon nga't nagkayayaan ang dalawang ubusin ang kanilang breaktime sa isang coffee shop.

Pumwesto ang mga ito sa table na nakaharap sa bintana. Nagpapaligsahan kung sino ang may pinakamalalim na buntong-hininga sa kanilang dalawa.

"Rosas?"

"Umm?"

"Why do our minds speak without control?" Si Fran sipsip ang straw ng kaniyang caramel frappe.

Si Rosie naman ay pinaiikot-ikot ang straw sa iniinom na iced coffee. "Why do our body move without thinking straight?"

Again, they sighed.

"I confessed my feelings to Zayn, their two other friends were present like it was an open confession, girl..." pag-amin ni Fran.

"Sir Echarri and Chairman Avanzado are looking for me. Para akong wanted na pinaghahanap tapos may reward na nakapatong sa ulo ko..." siya rin na pag-amin ni Rosie.

Both exhaled air when they realized what each other just said.

"Huh?" Napaupo nang diretso si Fran.

Ganoon din si Rosie. "Huh? Umamin ka kahit hindi mo naman sure na gusto mo si Sir Zayn?" usisa niya.

Kung sa bagay... walang magiging problema si Fran kahit magkagusto ito kay Zayn. May kaya sa buhay ang kaibigan, kaya nitong lumibel at makipagsabayan kay Zayn.

Sadya lang matigas ang ulo ng kaibigan. Ayaw nitong magpasakop sa buhay na planado na ng kaniyang magulang. Kaya siya napunta sa Avanzado Corp. ay upang bumukod at hindi umasa sa pera ng magulang niya.

"What's there not to? His clean look and peachy butt are enough for me to like him. It's love at tenth sight," she giggled. "E, ikaw? Hinahanap ka ng mag-ama? Kay Echarri maiintindihan ko pa kasi ikaw ang sumira ng 'no pure woman' streak niya. Pero si Chairman? Like whyyy is that?"

Bilang nag-iisang matalik na kaibigan ni Rosie si Fran, lahat ng bagay ay pinapaalam niya rito. Nagkagulatan pa nga sila sa nalamang prinsipyo sa buhay ni Echarri. May ganoon din pala, anila.

"Baka raw ako rin ang maging daan para tuluyang tumino si Sir."

She was just wondering about the steamy night they had shared together in Echarri's bed. Kung sumadlak man siya sa libangan... bakit mayroon itong gana noong gabi? Dahil ba sa kalasingan niya? Dahil alak ang dumadaloy sa dugo niya?

Fran rubs her back. "Ito na ang pagkakataon mo para yumaman, Rosas," sambit nito sa seryosong boses.

May pagtataka sa mukha siyang sinulyapan ni Rosie. "Ano'ng ibig mong sabihin?"

"What if umamin ka kay Chairman? Tapos 'di ba sa teleserye, lalapagan ka ng cheque with 6 zeros o higit pa layuan mo lang ang anak nila? What if ito na 'yong solusyon para 'di ka na tumandang secretary forever—"

Sinalpak ni Rosie ang straw ng frappe sa bibig ni Fran upang tumigil ang kaibigan sa walang kwenta nitong imahinasyon.

"Mga biro mo hindi nakakatuwa, Fran."

Pinunasan ni Fran ang bibig dahil lumabas ang frappe sa gilid ng kaniyang labi. "Genuine what if 'yon, Rosas. Hindi malabo na mang—" she stopped midway and gestured a zipped mouth when Rosie gives her a dagger look.

Kinalog-kalog ni Rosie ang cup ng iced coffee. "Dagdag pa sa problema ko si Monica. Gusto niyang patunayan na mayroon akong gusto kay Sir Echarri."

Hindi na bago kay Fran iyon dahil nakuwento na iyon ng kaibigan. Sa katunayan nga ay kamuntik na niyang sugurin si Monica kung hindi lang siya pinigilan ni Rosie.