Rishta Tera Mera ❤️

Chapter: 49

Sameer: Bhaiya.......yeh.......yeh aap kya keh rahe ho?

Devang: Haan Sameer! Main aur Pari kal wapas Udaipur ja rahe hai.

Naina: Par......

Devang showed his palm to stop Naina from speaking further. He detached Pari from himself a little and asked her to go to her room and grab all her belongings, Pari nodded and ran towards her room. Before Naina or anyone else could say something Poonam came in front of Devang with a mocking smile and clapped.

Poonam: Waah Devang! Waah! Kitni conveniently tum bechare bann gaye uss bacchi ke saamne. Haan!? 10 din already dur tha ab aur nahi! Huh! Kuch 10 din dur nahi the. Roz raat ko uske sirhane par baithe rehte the. Tumhe kya laga mujhe pata nahi chalega?

Devang: Haan! Baitha rehta tha apni beti ke sirhane. Kyunki baap hun uska. 7 saal se jisko ek minute ke liye khud se dur nahi kiya, usko tumhari shart ke liye khud se dur karna pad raha tha. Aur na jaane kitne samay tak karna padta.

Poonam: Tum jante ho na! Pari ke paas jaane ka matlab kya hai.

Devang: Pata hai mujhe! Tumhare saath zindagi bitane ka akhri mauka khona.

Prabha: Devang! Beta tu uss parayi ladki ke liye apni biwi ko tukra raha hai?

Devang: Parayi nahi hai woh! Meri beti hai. Devang Patel ki beti hai woh. Pari Devang Patel.

Kamlesh: Teri adopted beti hai woh. Khoon nahi woh tera beta. Tera apna ansh nahi hai. Agar aaj usse kisi anathashram mein chodega toh kal koi aur aake usse le jayega. Apna bana lega. Par Poonam! Dekh usse! 10 saal se apni maang mein tere naam ka sindoor lagati aur gale mein tere naam ka mangalsutra pehenti hai. Uska tujh par haq hai.

Devang: Main maanta hun ki Poonam meri biwi hai. Uska mujh par haq hai. Par haq meri beti ka bhi hai mujh par. Aur mujhe iss baat se koi farq nahi padta ki woh mera khoon nahi hai. Pichle 7 saal se maine uss paal poshkar bada kiya hai. Woh mujhe Papa kehti hai. Uski choti choti ungliyon ko pakad ke usko chalna maine sikhaya hai. Usko daudna maine sikhaya hai. Uss bacchi ne mujhe tab jeena sikhaya tha jab mere liye jeene ki koi wajah nahi thi. Jab maine bahut kamzor mehsoos kiya tha, tab woh meri takkat aur himmat bani thi. Uss din jab uss 6 mahine ke bacchi ne apni choti ungli se meri ungli ko kash kar pakda tha tab mujhe mehsoos hua ki mujhe jeena hai. Uss bacchi ke liye. Meri bacchi ke liye.

Poonam: Tum 10 din nahi reh paaye uske bina. Socho main 10 saal se kaise jee rahi hun. Tumhare bina. The soul reason behind my existence in this house.

Devang: Janta hun maine 10 saal pehle tumhe chod ke ja kar bahut badi galti ki. Aur mujhe yeh bhi pata hai ki wapas 7 saal pehle sab jaan lene ke baad maine woh hi galati dauharai. Par uss waqt ke Devang aur aaj ke Devang mein bahut farq hai Poonam!
Jo galti maine 10 saal pehle apni Bua ki baaton mein aake ki, woh aaj main tumhari ya kisi ki bhi baaton mein aake nahi karne wala.

Naina: Par bhaiya, Pari ko pure parivaar ki zaroorat hai. Usse Dada Dadi ka pyaar, Nana Nani ki dular, Chacha Chachi ke laad, aur Maa ke saaye ki zaroorat hai. Aap akele toh yeh sab nahi kar sakte na.

Devang: Naina! Usse Nana Nani ki dular, Chacha Chachi ke laad, aur apne V Dadu ka pyaar mila hai aur aage bhi milega. Par Maa ke pyaar ka kya?

Naina: Main hun na Bhaiya. Mere liye Pari meri hi bacchi hai.

Devang: Naina! Tumhe iss ghar mein aaye ek mahina bhi nahi hua hai. Tumne aur Sameer ne saath mein shanti se ek din nahi bitaya hai. Abhi abhi tum dono saath aaye ho, pati patni jaisa behave kar rahe ho. Uss par Pari ki zimmedaari. Nahi Naina! Main tum dono ke saath yeh nahi kar sakta. Maine kisiko Udaipur aane se maana nahi kiya hai. Jinhe meri bacchi se milna hai, woh Udaipur aa sakte hai. Aur hum log video calls par humesha connected rahenge hi na.