عسكري على البال(ليبية_منقولة)

الحلقة 5

#عسكري_على_البال "حُماتي "
الحلقه :الخامسه
بقلم:فاطمه سالم الورفلي
.............
.....
اني نحرجت :احمم ااا شكرا بس ما كانش في داعي و... وفي لحظه هادي شفت تهاني جايه...ارتبكت.. وخديت الشكاره حطيتها تحت الطاوله... وهوب لقيتها قدامي...

تهاني قرنت حواجبها :شن منوضك!

اني تخزرطت وقعدت نرصرص في التليفون ... وسمعت صوت عالي ميلاد يقول :الوو الوو

تهاني فنصت عيونها :منووو هدا

اني ارتبكت...شكلي فتحت المايك بغلط:ااا

تهاني شبحتلي بتركيز ورفعت حواجبها :يا عيني ياعيني ما يطلع منك!

اني زمطت ريقي ومعاش عرفت ما ندير...

تهاني قدمتلي وفكت مني التليفون...وقالت بصوت دلع : ايوه

ميلاد :من معاي!...عطيني اسراء

تهاني عرفت مش ح ياخد ويعطي معاها قرنت حواجبها وشبحتلي شبحه تخوف :اسمع الجو لي ادير فيه هدا ما يمشيش معانا سامع ولا!

ميلاد :تي مني انتي !...قتلك عطيني اسراء

تهاني عصبت :اسراء شني هدي!.... شن تحسابها سايبه امالا؟... اسراء عندها اهل وبنت بيتيه تبيها تعال قابل بوها غيرها لا.... وصكرت الخط وشبحتلي وشدتني من شعري... :بتخلينا ملطومات يا فاسده!... شن تحسابيه بياخدك امالا!... هدا بيضحك عليك ويلوحك يا للا شن تحسابيها امالا!... و تليفونك هدا انسيييه سامعه ولا!

قعدت نشبحلها بس ونبيها تفك شعري لي يتقطع بين ايديها... وهزتني بقوه وقتلي: نكلم فيك اني!... تعرفي نلقاك متواصله معاه دابني مخبره بوي وح تشوفي بعدين حسابك شنو.......

ولوحتني على الوطا وطلعت... اني راسي من مبكري يوجع فيا وهي زادتني... تلمست شعري لقيته طايب طياب عيش...شكله شداته من جذوره بقوه...نهمرت دموع... بجد تعلقت بيه ميلاد صح ملياش الا تلاته ايام بس نحكي معاه و في شي ربطني بيه... يمكن من كثر تفكيري فيه!.... مش عارفه بس لي نعرفه ان اني نبيه وخلاص....كريت الشكاره من تحت الطاوله وخديت منها حبه بنادول... و وقفت خديت طاسه عبيتها مايه من الشيشمه... وحطيت الحبه في فمي وشربت المايه... وخديت الشكاره... و حطيتها وراء الانتري في الممر.. وخشيت للدار لقيت تهاني تفتش في تليفوني... خشيت لي فراشي ومش قادره نكلمها... رقدت... وفات اسبوع واني تحت طوع تهاني ومش قادره نتكلم لا شي.... لين في يوم جت بثينه.. وسلمت علينا وشي تهاني ما بت تنوض لا حاجه... لين نضت مشيت للكوجينه وشوية وبثينه لحقتني...

بثينه بهمس :شن لي صاير!

اني خنقتني العبره:تهاني كشفتني نحكي و تليفوني عندها وقتلي معاش تكلميه... وحتى هزباته وما خلت ما قالت

بثينه :اففف به باه خلاص خلاص...المهم توا ميلاد يبي يخطبك

اني :تبصري؟