عسكري على البال(ليبية_منقولة)

الحلقة 13

#عسكري_على_البال
الحلقه :الثالث عشر
بقلم :فاطمه سالم الورفلي
..........................
..........
يغني بحرقه قلب والدموع في عيونه... قهرنيي... مش عارفه شن لي قاعد يصير بزبط؟... فتحت على تعليقات لقيت ايميل اسمه ميلود!!... فتحته لقيت صوره ميلود!!.. طلعت من الصفحه وجيت بنقرا الكومنت لقيته كاتب "يا خـيي كفانا من هلقطافات والحب لي ضيعنا في ما فات... يا خيي الدنيا ليها قلبات كيف الهواء النسيم تخلي بو ثروه شحات... يا خيي ليش تنبش في الماضي اللي ما صدقنا ارتدم.... يا خيي حط ايدك في ايدي يقعدن شيالات الهم....

........
قداش ما الكلام ليه معاني والباين قلبه شايل هلبا....بس ميلود وميلاد مش نفس الاسماء!...هدا ميلاد امبارك وهدا ميلود حمد!!!!....غريب يمكن اقارب !.....جيت بنطلع من البوست لقيت رد من ميلاد...فتحت على الرد لي على الكومنت لقيته كاتب :ياما حكينا لبعضنا اسرار... لكن المكنون عشق اعوام ماتقولش ليلتين ونهار وعاش الغلا بيناتنا بلقدار....ومهما نخبرك على كميته الحب والغرام ما نوفيش حتى لو كان الف عام.... ولي تقهر المرهون مش بعيد الدار وعزفت العشق على الاوتار ما نحساب يفارفني في اول المشـوار

بقلم فاطمه سالم الورفلي...
.....................
لي فهمته ان يقصدني... بس ما فهمتش ليش يحكي هك!.... وعلى كلمتي هدي تفكرت طول....

فلاش باك..

:لازم ننتقمو منها..

:بس هي ما دارت شي بوها هو لي رفض؟

:ولو لازم نحرقو قلبه عليها زي ما حرقنا... عندك حق انتي ما شفتيشي خوك لما رفضه بوها

:تي هي وافقت وتبيه

:كان هدا ليش وافقت على ميلود

:يعني كدابه

انتهى فلاش باك

......
من يوم صبحيتي كانت الحقيقه قدامي! ..... يعني زواجي كله مبني على انتقام!....معناها هدا بيش تهاني وكنز في عرسي ما كلمونيش لا شي!.... حقا تليفوني عند تهاني!.... ورقم ميلاد فيه!.... معناها هي راس الحكايه!.... وحتى ان يومها اعترفن مايحبنيش...

فلاش باك...

تهاني :ايي... تعرفي ما عمري حسيتها اختي!

كنز :حتى اني بيني وبينك نحس فيها خدامه...

تهاني :هي مش كيفنا ابدا تعرفي... بس حسيت زودناها امس معاها صح؟

كنز :لا مزودنهاش... لانه سلفه خالتي سعديه شافتها في خطبه بثينه... وقالت خالتي سعديه لي امي ان سلفتها عاجبتها اسراء وتبيها لي ولدها

تهاني :حيي ريتي ريتي والله حق حظ القبايح في السماء لايح

كنز :ههههه ما تصدقيش روحك هي احلى منه 😂

تهاني :خزي حقيره... بس سعدها قوي

كنز :يب بس احسن شي هي عبيطه