عسكري على البال(ليبية_منقولة)

الحلقة 10

#عسكري_على_البال "حُماتي"
الحلقه :العاشـرةه
بقلم :فاطمه سالم الورفلي
.....................
................
اهـدائي...
وبـي الروقـان الفيـروزي  :كتابـاتي اكسجينـي...واهدي لكم جرعات من كتـاباتـي مثل :الامـل بالله 🌸🍃
ــــــــــــــــــــ
لين لما قربت من باب سمعت صوت انين وضرب ولما زدت قربت منه لقيت الباب مردود ...وكان في شق قربت منه ..  شفت ميلود يضرب في ميلاد..ويقول له بنبره تهديد... و وجهه احمر ومعصب لين عروقه بارزات... وميلاد يتوجع وكـارس في تركينه وحاط ايديه على وجهه وخايف ومنذلول...

ميلود شاد طوبو ppr ويضرب:لازم تسمع كلامي لازم اول ما تجيب هي ح ناخدو عيلها ونحرقو قلبها زي ما حرقو قلبك

ميلاد فنص عيونه والتفت لي ميلود :هي ما رفضتنيش بوها رفضني... تي هي قبلها بيوم كلمتها وقالت موافقه وما عندهاش مانع ولا شي ولا حتى تأثرت على رجلي..تي فوتها يا اما كمل معاها يا طلقها

......
اني شهقت وحطيت ايدي على فمي... التفتو طول لي جيهتي... قعدت نجري ونسمع في خطوات وراي... ونزيد نسرع في خطواتي ونجري لعند خشيت لي دار لقيتها مفتوحه وجيت وراء الباب...وقعدت نكتم في انفاسي... حطيت ايدي على فمي ونحاول ننتظم انفاسـي... شوي سمعت صوت ميلود داهش..

ميلود بدهشه :في حد سمعنا!...

:مرات ساندرا!..

ميلود :يمكن!... ترا بري انزلي شوفيها..

:اوك...

........
سمعت خطوات تبعدو وتخبيط على الدروج!... الباين في ريفيدجو!.. شوي سمعت انفاس بقوه وبعدين خطوات تبعدو والباب اصكر!.. الباين ميلود خش!... مالا خلي نطلع عن يفقدوني... كهبت من الباب مالقيتش حد.. طلعت من وراء الباب وسرعت في خطواتي وخشيت لي داري ... وصكرت الباب ولوحت روحي على السرير وتنهدت براحه... بس معقوله ميلاد يحكي عليا!...الباين يحكي عليا عشان قال قبلها بيومها قالت.... لانه فعلا ميلاد بعد يوم شفته وقبلها بيوم قال لي بنجي!..

فلاش باك..

ميلاد تنهد :استغفر الله وخلاص... شي شي.. ما غر ردي بالك... المهم قتلك اني نبي نخطبك ما غر في شي نبي نقوله ليك بس خايف

اني عقدت حواجبي:ليش خايف!

ميلاد :من رده فعلك..

اني عقلي قعد ياخد ويجيب :ليش شن في!... انت متزوج زمان!.. ولا شني؟...

ميلاد ضحك :تي لالا ضحكتيني ومش وقت ضحك

اني تريحت :ها مالا شن في؟

ميلاد متردد :امممم رجلي.."سكت شوي وتنهد وقال ".... مبثوره..

اني ابتسمت:ميلاد اسمعني..

ميلاد :نعم

اني :يا ميلاد شوف صح مليناش مع بعض الا كم يوم... بس يا ميلاد نحب نقولك اني ما تهمنيش الشكليات اني لي يهمني الروح.. الاصل من حد داته... هدا لي ح نعيش ونتعايش معاه.. هدا لي ح يفيدني فهمت..