🌹 رواية : مشاعر مبعثرة 🌹
🏵 الحلقة : الثانية و الثلاثون 🏵
" قراءه ممتعه 🌷 "
______________
اني فتحت الباب وطلعتلها .. ✨
تفضلي !
حلا : قيس تحلمي بيهه فااهمه وله !
اني حبيبته قبلك وكان ليا قبلك وانتي يلي اخديتيه مني فرقتي بينا انتيي !
هو كان يحبني ونحبه وكنا مناخدوا بعض وجيتي انتي وخربتي كل شي يا وجهه الشيطان 😠
بس والله انشوفوا اني ولا انتي يلي بتاخده بااهي 😠
اني استفزتني بس مبيتش انبينلها : كان يبيك راهو اليوم منهاش علاقته بيك حبيبتي !
حلا انصدمت اني نعرف بالموضوع .. وقعدت تشبحلي .. ✨
حلا ؛ يليي فيي بطننك هدا مش هتتهني بيه !
وقيس حنرجعه ليا وحتشوفي اني ولا انتيي !
اني ؛ ههه ياناري سخفتيني ربي يشفيك !
ويلي عندك ديريه علي قولتهم اعلي مافي خيلك اركبيه !
حلا تعفلقت ودفتني ع الدروج .. اني كنت عاطيه الدروج بظهري .. فلمي طحت انضربت ع القراقطون ورجلي اتلوت وطحت علي بطني .. وقعدت نتكركب من بدايه الدروج لي نهايته .. ؛ قيسس لياا فااهمهه ولهه !! 😠
اني شديت راسي بالقوه ؛ ااااااه 😭
حلا : كلهه منكك خرببتي بينا وخشيتي مابيناا !
حسبي ربي فيك مش حنسامحك 😠
ربي يكسرلك قلبك كيف ماكسرتيلي قلبي واخديتي مني يلي نحبه !! 😔💔
تسحابيه يموت عليك ويحبك لاا قيس بطبيعته يحب جنس حواء ! 😏
اني دايخه ونبكي وحاسه روحي ننزف 💔.. ؛ حلا ش ن در تي كلمـ ي ق يس يجـ ي راني منموت ! 💔
حلا نزلتلي وعيونها كلهم شر ؛ وهدا يلي نبيه تموتي انتي ويلي في بطنك .. وعفست علي بطني وقعدت ترفس فيا 😠
اني اهني وين معش شفت شي الدنيا بدت سوداء بديت ننزف اكتر والدنيا ظلمت عليا وشفت الدنيا سوداء خلاص والااام يلي فيا تقول من شادلي موس ويجرح فيا ، مش يجرح يقطع ويممزق فياا .. 💔
حلا بتردد ؛ اااا اريااام اريااام 😥
ومشت طلعت من الحوش بسرعه وسكرت الباب يلي بيني وبين حوش اللاي .. ✨
.
.
.
.
قيس " ياربيي احترتت شنن مندير معاهااا ياربي 💔
احترتت ومشاعري متلخبطهه نبيها لما تكون معاي وقدامي نعشقها ونموت فيها وبمجرد مانشوف غيرها خلاص ! 😣
اايي قيس خلاص لازم تصحي لي عمرك وتعقل وترضي بي يلي انت فيه وانك مش في لعبه وهدا زواج يعني اني متقيد وعندي ومرا و بيبي في الطريق !
خلااص لازم نعقل وتوا خلي ننزل وندير يلي قالي عليه مراد ! "
قيس وصل قدام الحوش هكي بعد 10 دقايق من اغمائي ، رص البطمه وانفتحله القراج ودخل السياره .. ✨
ونزل وفتح الكوفينو ونزل الكيسات .. وهو يقرب من جيهه الدروج ويلقاني طايحه .. وحوليا كله دم .. 💔
قيس طاحوا منه الاكياس .. وجاني وهو متردد ويقولي بكل خوف : ارياام اريااام 😨
خ خخيرك شن فيي ارياام ردي عليااا اريااامم 😰
معش عرف شن يددير مشي يجي ركب للحوش وجاب زهر وخش للدار وجاب عبايه ووشاح جي قرب مني وقاملي راسي وحطه علي رجله وصب شيشه الزهر علي وجهي وبدي يغسلي في قيس قعد يتلمس في شعري ويفيق فيا شويا لقي شعري خاش بعضه ويابس من الدم قعد يشوف في راسي و لقاه مفتوح .. ✨
فتح السياره ولبسني وشاحي .. وقامني وحطني في السياره وحط العبايه عليا .. ✨
ومشي .. ✨
.
.
.
.
..
_____________
حوش اللاي .. ✨
الاء ؛ خيرك انتي مش علي بعضك ؟ 😕
حلا بتوتر ؛ ااا اه خيرني ؟
لالا شي غر انكلم في قيس ميردش !! 😥
سراج : يااام !
اللاي تشرب في الشاهي : انهم !
سراج ؛ ديرينلنا عصبان غدوا !
اللاي : والله ماعندي جهد !
سراج ؛ به زوجيني اللزح ع الاقل مرتي توكلني 🐸
الاء : انت غر جيبها 😂
سراج ؛ عندك وحده طرف 😌؟
الاء : ههههه توا اندورلك !
سراج ؛ لاااا مدوريلش خلاص 🙄
اللاي ؛ انت دير مشروعك وبعدين نزوجك طوول باهي !
سراج توا مشروعي بعد اسبوعين 😌
اللاي : علي خير ربي يوفقك يااربب ❤👐
سراج : ان شاء الله ❤
سيدي خش ؛ السلام !
اللاي : نضت ؟
الكل ؛ وعليكم السلام ❤
سيدي : ايه !
اللاي ؛ حقاا بالله نبي مكتب شغالات والله ظهري خلاص معاد متحمله انطبس الغضروف نايض عليا !
الاء : حلا مش حوش عمك جايبين اندونسيات اسآليهم باللهي !
حلا : اوك حاضر توا غدوا انكلمهم !
اللاي : نبيها تبات عندي سنويا نبيها مش تروح كل خميس ولا جمعه !
حلا ؛ لالا هديكه تبات عندهم اصلا !
اللاي : اوك اماله بالله كلميهم !
حلا ؛ تمام !
سيدي ؛ قيس مجاش اليوم للشركه !
اللاي ؛ عاد حتي انتت ضاغط ع الولد مشيتله امبكري لقيته مريض مسيكين وليدي!
سيدي : خلي يلحلح عاد مش ديمه دلعع !
اللاي ؛ ايي اترس ع الولد وقول مش ديمه دلع !
.
.
.
______________
شموخ و جهاد ✨
شموخ : جهاد !
جهاد بصوت ناعس ؛ هممم 😣
شموخ ؛ رقدت ؟
جهاد : شبهه شن تبي ؟
شموخ حطت راسها علي علي كتفه ؛ انحبك ❤
جهاد لف ايده علي خصرها وحضنها ؛ انموت في دباديبك ❤
شموخ ؛ هههه شن هيا هادي دباديبك 😂
جهاد ؛ ههههههه اوس خلاص خليني منرقد ❤
شموخ ؛ به خلاص سكتت كنت حنحكيلك علي موضزع بس حنآجله !
جهاد باسها ؛ اصلا اني مش قادر انركز !
.
.
.
..
______________
في المستشفي 🏩
قيس : دكتور شن صاار بالله ! 😰
الدكتور ؛ خيطنا راسها و كان ناقصها دم ومن حسن حظها عندنا وزدناها !
طبعا هيا عندها انيميا حاده !
ان شاء لله بعد ماتشداز هالمرحله وتنوض بخير لازم علاج !
هدا اول شي تاتي شي !
احتمال حنجهضوا البيبي هيا بتقعد من اهني لي غدوا تحت المراقبه !
طبعا هيا متعرضه لي ضربب !
قيس خاف ؛ ش ششنو ضرب شنوو ؟
الدكتور : بعد ماتفيق تقدر تخش تشوف جسمها !
قيس ؛ اا ان شاء لله !
الدكتور ؛ نستادن !
ومشي .. ✨
الممرضه جت .. : تفضل معانا للريسبشن في شويه حاجات نبوك اديرهم !
قيس : هي هي !
ومشي .. 🚶
.
.
.
.
.
.
جي الصبح .. ✨
ماما ؛ ميسا ينتي هي نوضي بري اغسلي وجهك هي ❤
ميسا : نبيشش نمشيي نبييش 😭
ماما : ليش متبيش !
ميسا : صاحباتي كلهم امهم وبوهم يجيبوا فيهم الا اني 😭
ماما سخفتها ووجعتها .. قربت منها وحضنتها : خلاص عاد سلم بنتي اهو اهني مرا يرفعك عمك يزن ومره احمد ومره جدك ومره اني ❤
ميسا : 😢
ماما : يلا خشي الحمام وتعالي انلبسك هي ❤
ميسا ناضت .. ✨
.
.
.
.
___________
حوش سيدي ✨
سيدي : نوضت عمك ؟
عمر : لالا !
سيدي : شن قاعد اديرر براا 😠
عمر : بااه هي !
مروان ؛ هيا بسرعه وقت علي مدرستككم
عمر : باهي شن منطيروا ! ..
ومشي خدي مفاتيح سيدي وفتح الحوش واول ماخش يقابله الدروج .. عمر : اااا بابااااا !
مروان ؛ هيااا !
عمر : تعاالوو بسرعهه !!
سيدي ومروان جو : شنن فيي ؟
سيدي : وين سياره قيس ؟
مروان قرب من الدروج ومصدوم ولقي دم .. وباب الحوش مفتوح خاف ويسحاب كانت صايره حاجه ركب يجري للحوش ويفتش ويدور .. ✨
.
سيدي يطلع في فونه منجيبه ويرعش .. ويشوف للدم : لا اله الا الله لا اله الا الله
عمر مشي قال لي اللاي واللاي جت تججري خايفه : شنن فيي نهاري الاحرف 😰
اللاي شهقت .. شششن هدا ؟؟
سيدي ؛ ولدك ميردش !
مروان طلع من الحوش : مفيشي حد !!
اللاي : جيبلي فونه تلقاهه في الشحن في المطبخ !
بنت مروان ؛ حاضر !!
اللاي ؛ كلم مرته ! 😰
سيدي اتصل : متردش 😰
ااا اهو قيس يتصل !
سيدي : الووو يا ولدد ويننكك شنن فيي 😰
قيس مستغرب وقال ماعتدي علاش منرعشهم : شن في ان شاء لله خير !
سيدي : حوشكك مفتوح وفاضي والدروج دمم شن فيي انتم وين ؟
قيس؛ في المستشفي !
سيدي ؛ شنووو 😓 شن في ؟
قيس ؛ اريام لقيتها طايحه من الدروج راسها مفتوح و ونازفه !!
اللاي : شنن في يرزيني في شياطينكمم شن في ،😢
سيدي ياشر بي ايده متع اسكتي؛ به وشن حالها توا ؟
قيس : مخلونيش نخشلها قالوا تحت الملاحظه احتمال تجهض !
سدي : لا حول ولا قوه الا بالله في اي عياده انتم ؟
قيس ؛ #####
سيدي : باهي اماله شوبه ونخطموا عليك !
قيس : لا مفيش داعي بس غر جيبولي فلوس احتياط للعمليه كان صارت !
سيدي ؛ تمام ان شاء لله سلام !
قيس : سلام
اللاي : شنووو فيي 😱
سيدي : مرتهه طاحت من الدروج !
اللاي : لا حول ولا قوه الا بالله ياربييي والبيبيي شنن بيصير فيهه 😰
سيدي : قالك احتمال يجهضوه !
مروات : لا حول ولا قوه الا بالله !
نوض يا عمر انت واختك خلي نرفعكم للمدرسه بسرعه !
سيدي : ارفعهم بعدها برا الشركه اني منمشي نرفعله فلوس وشويه ونجيكم !
مروان ؛ تمام !
ومشي .. ✨
اللاي : استناني انسيقق وبعدهاا نمشي معاك !
سيدي : هما 10 دقايق !
اللاي : تمام !
وركبت جبدت الباب وسيقت الدروج ولقت الشكاير والحاجات يلي جايبهم قيس القتوسه لاعبه فيه قامت الكويس ولوحت الباقي و المهم سيقت الجيهه المقابله ع السريع وهكي جو تلت ساعه وطلعوا .. ✨
.
.
.
.
.
.
الدكتور ؛ ياولدي المدام حالته خطره واحني اتجنبنا العمليه لانها فاقده دم بس توا مطرين ! 😔
قيس ؛ علااش علااش ؟
الدكتور ؛ الجنين ماات !
قيس ؛ م ممات ؟ 😨
الدكتور ؛ للاسف .. وياريت توا توقعلنا مش نخشاشوها لان الوقت الضايع فيه خساره !
قيس : به نقدر نخشلها ؟
اادكتور ؛ لا توا اعطيناها مخدر مش اندخلوها للعمليه !
الممرضه : دكتور ميقدرش يدخلها للعمليه لين يدفع عربون !
قيس شبحلها ؛ وانتيي شنن دخلل عمكك ؟ 😠
الممرضه ؛ ااا قلتلك قوانين المصحه بس !
قيس ؛ دخلها دكتور واني شويه ونجبب الفلوس !
الممرضه ؛ منقدروش يا خوي !
قيس ؛ تيي شمن متقدرووش جيبها جيبهاا طلعهاا خلي منرفعهها مكاان تاانيي !! 😠
الممرضه سكتت .. ✨
الدكتور قاعد ساكت وميبيش يدخل في المواضيع .. ✨
الممرضه ؛ تفضل للي الريسبشن وتفاهم معاه !
قيس : وانتم قريب تموتواا عليهمم يلي يقول يقول مليوون الززح 😠
ومشي .. عطاهم بطاقته الشخصيه و شويه وجاه سيدي وهو قاعد ع الريسبشن خدي الفلوس ودفعهم ومشي .. ✨
اللاي : شنن يعني توا ؟ 😢
قيس : خلاص خشت العمليه !
اللاي ؛ كيف صار به عترت ولا شنو ؟
قيس ؛ مش عارف جيت لقيتها طايحه اهو انروح وانشوف الكاميرات ! 😪
اللاي : امتي به ؟
قيس ؛ مع الساعه 8 و 48 د روحت لقيتها طايحه
اللاي : ااااه اااه روح يا وليدي براا توا اني نقعد بدل وشوف الكاميرات بالك حتي خنااب خش لان الباب كان مفتوح ! 😓
قيس : اي اي هدا يلي بيصير !
سيدي ؛ اماله حتي اني ماشي للشركه !
قيس ؛ اوك
اللاي : بسلامه !
.
.
.
___________
في حوش اللاي ✨
حلا ؛ لالا منروح خلاص 😅
الاء : به اماله حطيني في الجامعه !
حلا : به هي بسرعه وتي روحك !
الاء : هي !
سراج ناض ؛ صباح الخير
حلا والاء : صباح النور !
سراج ؛ وين امي ؟
الاء ؛ مش عارفه حتي تلفونها ع المدخل !
سراج ؛ ايح !
تعالي حداديلي سوريتي به !
الاء : حلا حداديله منبدل !
حلا : به هي جيب هي !
.
.
.
..
_______________
في حوشنا ✨
ماما خدت فونها واتصلت بي محمد .. ✨
محمد : الو السلام عليكم
ماما ؛ وعليكم السلام ولدي شن جوك !
محمد ؛ الحمد الله شن جوك انتي ؟
ماما : بخير شن وينك ؟
محمد ؛ مقعمز في الحوش !
ماما ؛ به يا ولدي لي امتي هالحال ؟
محمد ؛ حال شنو يا يما اني نبي نتزوج ومعش نبيها هبه !
وامبكري مشيت كلمت بو البنت وخوها قالي تفضلوا في اي وقت !
ماما ؛ والله يا ولدي بوك يوريني كان نجي ونخطبلك والله !
محمد ؛ قلت لي بوها كلام رجاله واصلا هما عندهم حاله وفاه بيديروه صغير وخلاص !
ومش لازم حتي تجي تخطبيلي خلاص !
ماما ؛ يا وليدي شن تقوول معقوولهه 😔
محمد ؛ يام البنت عجبتني ونبيها بالحلال والشرع محللي 4 يعني ليش التعقيد اني ماقلت منجيبها من الشارع البنت محترمه وهدا يكفي !
ماما ؛ وشن عرفك محترمه !!
محمد ؛ شن شنوو عرفني هادي !! 😠
ماما : خلاص محمد دير يلي يريحك !
محمد ؛ وموضوعي الاسبوع الجاي منتم فيه وخلاص !
ماما : ربي يهديك يا ولدي ربي يهديك ! 💔
محمد ؛ بعدين توا انجي نخطم عليك كان فضيت هي تبي حاجه ؟
ماما ؛ سلامتك !
وسكرت .. ماما ؛ والله ماشغلي بالي غير هالولد ربي يهديه شكله ناوي خراب عشه 💔😔
خنمشي انوض يزن .. خلي يمشي يعاون بوه في الشركه !
ومشتله .. ؛ ✨
ماما : يزن يا يززن !
يزن ؛ امممم 😣
ماما فتحت الضي والروشن ونحت البطانيه من عليه ؛ نوض سادك نوم برا لي بوك وشويه وجيب خواتك من الجامعه !
يزن حاط ايده علي وجهه ؛ ووووك منرقددد الزفتت 😣
ماما ؛ يلا سلم وليدي نووض !
يزن مسح علي وجهه ؛ ان شاء لله هي 😣 .. وجو دقيقتين وقال .. ✨
حقا يام غدوا مسافر المانيا اني راااه 😪
ماما ؛ شنوو علي خير ان شاء الله لييش ؟
يزن ؛ هكي ماشي مع الولاد ليا هلبا مقدم !
ماما ؛ ان شاء الله يصير خير غر برا لي بوك وحتي قوله !
يزن ؛ تمام !
وناض .. ماما فتحت الضي وطلعت .. ✨
يزن خدي فونه ولقي مكالمات من نادين وصاحباته .. ✨
حط الفون وناض للحمام ✨
وطلع وصلي و جي شد فونه .. ✨
يزن وكيف بيتصل بي نادين اتصلت بيه .. ✨
يزن ؛ الو
نادين ؛ صباح الورد ❤
يزن : صباح النور 😄
نادين ؛ كيف نايض شورك ؟
يزن ؛ اي والله كيف نضت 😅
نادين ؛ اي زبط من صوتك ههه شن عندك مشاوير ؟
يزن ؛ والله منمشي لي بوي شويه ومنجي للجامعه !
نادين ؛ يعني منشوفك 🙈
يزن ؛ اممم انتي وين في الجامعه ؟
نادين ؛ اي بتجي ❤
يزن ؛ اييه !
نادين ؛ استاحشتك ❤
يزن ضحك ؛ ههه حتي اني ❤
نادين ؛ يزن ❤
يزن ؛ انعم ❤
نادين ؛ نحبكك ❤
يزن ؛ شنوو تحبيني 😍
هلبا ولا شويه ؟
نادين ؛ هلباا ❤
يزن ؛ به اماله اليوم روحي عندنا مش نشبع بشوفتك لاني غدوا مسافر !
نادين ؛ تبصرر 😣
يزن ؛ ايه
نادين ؛ وين ؟
يزن ؛ المانيا !
نادين ؛ شن عندك غادي ؟ 🙈
يزن ؛ هكي ماشي مع الولاد !
تادين ؛ امم توصل بي السلانه 💔
يزن ؛ ان شاء لله ❤
وقعدوا شويه وسكر وكلم باقي صاحباته .. وناض يلبس ✨
.
.
.
_____________
قيس ✨
روح للحوش درس السياره ونزل ملقاش مكان الدم .. ركب وولقي الشكاير يلي جايبهم قدام الباب .. طبس قامهم و خششهم الحوش .. ✨
ودخلهم المطبخ .. ✨
وخش للدار النوم يلي كانت مردوده .. ✨
لوح روحه ع السرير وغمض عيونه .. وقعد يستنشق في ريحتي يلي عالقه ع الوساده ❤
قيس قام الوساده وقعد يشم فيها ❤
قيس " اااه يا رورو شن درتي فيا لا خليتي يومي يوم ولا نهاري نهار 😪❤ "
وناض وخش للحمام دوش وطلع وهو لاف الفوطه علي خسره طلع سوريه سوده و سروال بيج .. ✨
وقعد يلبس .. ✨
وبخ برفان ودار شعره ومشي لي دار الغفير .. " كان الحوش فيه دار غفير بس مفيشي غفير .. ودار الغفير فيها دار للكاميرات .. ✨
خش و قعد يشوف شن صار .. ✨
.
.
قيس ؛ يعني انتيي ياا حلاا انتي .. 😠
وقعد يشوف فيها كيف قعد تعفس علي بطني .. ✨
قيس : والله لماا تشوفيي !! 😠
واني يلي نسحاب حد خش للحوش طلعتي انتي ااااخ ااخ !!
قام فونه وطلع وكلمها .. قعد ينادي ينادي وهي متردش .. ✨
.
.
.
.
.
🍃
ابتسام و حلا 🍂
حلا ؛ قيس قيس حي علياا شنن نديرر 😱
ابتسام ؛ ردي كآنه شي لم يحدت !
حلا ؛ اكيد فاقت الشبطانه وقالتله كلل شيي ! 😨
ابتسام : تي كدبيهاا الزفتت !
حلا : خايفهه اووف !
ابتسام ؛ متكبريش الموضوع خلاص !
حلا : يووه امبه !
وكيف بترد سكر .. ✨
حلا ؛ اصلا سكر !
ابتسام : اي المهم كان اتصل تاني انكـ
اهو اهو يتصل علي فوني هاك انكري !
حلا : ردي وقولي مش جنبي توا يسحابني خايفه 😰
ابتسام ؛ اا امبه !
وردت .. ✨
ابتسام ؛ الو
قيس : حلاا خيرهاا متردش ؟ 😠
ابتسام بخوف ؛ ادوش ! 😰
قيس : اااه بهه ارفعي لي عمهاا الفون وقوليلها #+#+ قيس يبييكك 😠
ابتسام ؛ اا اسمع هيا قريب تطلع من الدوش 5 دقايق وكلمها !!
قيس ؛ هيا في الحوش يعني 5 د ونكون عندكم !
ابتسام ؛ اااه لالا اهو حس الحمام انفتح ها .. حلاا ياا حلااا !
وحطت الفون في ودن اختها .. ✨
حلا فنصت فيها ؛ الو 😥
قيس ؛ انتتيي شنن درتيي انتيي شنن درتيي فهميني 😠
حلا ؛ اني شن درت 😰
قيس : يليي درتيهه انتي عارفتييه و اني جايكك لي امم حوشكم وتوا نوريي عمكك 😠
حلا ؛ ااا شن في خيرك مش عارفه اني مادرت شي راه !
تدوي علي شنو انت 😰
قيس : ااه يلي ندوي عليه ارياام وطيحتها من الدروج اكيد عرفتيي الباقي مش لازم انقوله !! 😠
حلا ؛ اااه شنوو طاحتت قصدكك تبصرر مع ان نكرها بس وجعتني علاش هيا وين تواا 😱
قيس : حللاااا انتتي عللاش مطيحه ارياام من الدرووج !
حلا ؛ طيحتت ؟
شن اتقول انتت من طيحهاا ارياام ؟
قيس :ةانتيي انتييي طيحتيهاا !
حلا بدت تبكي : لالاا لي اهنييي وبسس اني معش قادره نتحمل بجد مصدومه ومش قادره انصدق انك تشك فياا 😢
قيس اني حلا منديرش هكي علاش منطيحها علااش تظلمم كل شي توقعته الا يجي يوم وتظلمني وتشك فيا !! 😭
قيس ضحك باستهزاء ؛ هههههههه خافظه درسك كويس ماشاء لله بس للاسف يلي صار شفته بي عيوني !
اااه وشكلك نسيتي ان الحوش فيه كاميرات !
لالالا معرفتيش تلعبيها هالمره للاسف :|
حلا انصدمت ومعش عرفت شن اتقول تقول جتها صعقه من السمي ⚡: اااقيس ااا ني مش قصديي والله واني نشتها كنت نهدرز معاها طااحتت 😰
قيس ؛ ههههههه وبرضوا قاعد نقولك في كاميرات ومعرفتيش تكدبي !
حلا قعدت تبكي ؛ قيس والله والله ماقصديي ساامحنيي ونبيي متقوولشش لي حدد ونبيي والله بابا يوورينيي ويحرمني من حوششكم 😭
قيس : انتي خليتي اريام تجهض بيلي درتيه ارياام طيحتت البيبيي فااهمهه شنن يعني طيحتت هدا من غير ان راسها يلي انفتح وظهرها ورقبتهاا !! 😡
والله لماا اندممكك ياا خلاا ومش بوك بس وخووك وامك وكان مادارولك حاجه اني نديررلكك ! 😡
حلا ؛ قيس والله لوو اديرر انقول انك انتت كنتت اطلعع فياا في السياره معااك والله قيس متلعبش لعبه مش قددك !! 😰
قيس : امم اظني اظني قبل هكي اني قلت مش اني يلي يتهدد وله !
وقوليي يا حبيبتي الراجل ميعيبه شي !
وبعدين !
انتي عندك عقل وكنتي تقدري مترركبيش معاي !!
واااه نسيت انقولك اني متزوج توا يعني عادي انتي يلي بتتشوه سمعتك !
وبعدين شي تاني !
مش اني يلي نجي نقولك تعالي لا انتي !
اني كنت نشوف فيك زي اختي !!
بس اني مننساش يوم عرس رتاج !
نسيتي ولا انفكرك ؟
حلا ؛ كان حبك عامييني 😭
قيس سكر علي وجهها .. ✨
.
.
.
.
حلا : حي عليااا حيي 😭😭
والله بابا لما يوريني !
ابتسام تشبحلها وساكته .. ✨
حلا : خيركك حتي انتي ؟ 😭
ابتسام ؛ شنن هو موضوع السياره وعرس رتاج !
يا بنت قيس مداير فيك حاجه ؟ 😱
حلا ؛ شنن اتقوليي انتي مصح وجههك رااني نحبه منيش وحده صايعه !
لاا ارتاحي حبيبتي ونظفي عقلك مش زي متسحابي نعرفف ربي وقبلتي وصلاتي الحمد الله 😠
وطلعت وخلتها .. ✨
ابتسام ؛ الصبرر !! 😪
غررر تعالي قوولييليي شنن صاار !!
حلا : خلينيي فحالي 😠
.
.
.
____________
في المستشفي 🏩
اني فتحت عيوني والرؤيه قعده مش واضحه ومضببه وحاسه وكلي الاام حاسه روحي مدقده ادقديق .. ✨
اني نتالم ؛ اممم 😣
اللاي : ااا بسم الله عليك فتحتي عيونك الحمد الله شن حالك يا بنيتي وشدتلي ايدي .. ✨
اني بصوت يادوب طالع : اااه كيف حالك 😣
اللاي ؛ االحمد الله يا بنتي شن انتي حاسه روحك احسن ؟
اني قعده دايخه ؛ اللاام الاام اني شن ندير في المستشفي 😣
اللاي : مش طحتي امس !!
اني جاني مغص ؛ اااههممم .. 😣
وين قيس ؟
اللاي ؛ روح بي بدل وبيجي !
اني ؛ اوك !
اللاي ؛ اني طالعه للمرضه انقوللها انك فقتي !
اني ؛ اوك 😣
وطلعت .. ✨
اللاي طلعت وكلمت ثيس قتله تعالا مرتك ناضت وكلمت اللممرضه وخشتلي وخشت وراها اللاي .. ✨
الممرضه ؛ السلام ❤
اني بصوت واطي : وعليكم السلام ..
الممرضه ؛ شن تحسي بي الم تحسي بي حاجه ؟
اني ؛ ايي مش عارفه نحدد
حتي وين مكان الالم !
الممرضه ؛ من الطبيعي هدا طيحتك كانت قويه ومتنسيش انك حتي اجهضي !
اني شبحتلها بصدمه وفتحت عيوني يلي كانوا يادوبهم مفتوحات .. وعليت صوتي ؛ شنوو 😨
الممرضه شبحت لي اللاي .. اشرتلها وقتلها اطلعي والممرضه طلعت ✨
اللاي : ااا اريام !
اني ؛ تبصر وله ! 😨
اللاي ؛ الله غالب يا بنتي قضاء وقدر الله غالب !
اني بديت نبكي ؛ لا لاا مستحيل مش قادره نصدق !
علاش بهه علااش 😭 ؟
اللاي : حالتك كانت خطر عليها لو قعد !!
اني : عاادي عاادي خلي تكوون خطر مش حراام قتلواا روح ربيي خالقهاا مش حراام 😭
اللاي مبتش تقولي ان الجنين مات .. ؛ خلاص وراس بنيتي !! 😢
اني ؛ وينن قيس وينن 😭
اللاي ؛ اهو في الطريق !
يا بنتي مش كويس عليك العياط و البكي !
اني : 😭
اللاي طلعت واتصلت بي قيس وقتله وين قاللها عالق في الزحمه .. قريب يوصل .. ✨
وسكرت .. ✨
.
.
.
___________
في الشركه .. ✨
احمد : اليوم حتي قيس مختفي مش محمد بس !
بابا : هههه اي شوره بالواحد بالواحد 😂
سيدي ؛ اي والله مرته في المستشفي !
بابا شافله ؛ شنوو 😳
سيدي ؛ والله طاحت من الدروج امس !
بابا : لالا وتوا وينهاا هياا ؟
سيدي في مصحه ******
بابا ؛ لاا حول ولا قوه الا بي الله !
احمد ؛ تلفونها متردش عليه !
سيدي ؛ مش معاها اكيد !
بابا ؛ شن صارلها باهي .. باهي قيس في المستشفي وله !
سيدي : اي اكيد !
باب اتصل بي قيس .. ✨
بابا ؛ الو
قيس : الو عمي صباح الخير
بابا ؛ صباح النور كيف حالك !
قيس ؛ الحمد الله شن حالك انت !
بابا ؛ ااحمد الله الحمد الله
بالله يا قيس اريام شن صاير معاها !
قيس : والله طاحت من الدروج ياعمي !
بابا ؛ كيف طاحت عترت ولا شنو به شن صارلها !
قيس : راسها انفتح و ايديها انفدعت وظهرها و رقبتها قالولها يبوا رواحه !!
بابا : لا حول ولا قوه الا بالله به حملها !
قيس ؛ للاسف الجنين مات !
بابا ؛ لا حول ولا قوه الا بالله ربي يعوضكم خير ان شاء لله !
قيس ؛ ان شاء لله بارك الله فيك عمي !
بابا : مع العشيه توا نخطم اني !
قيس ؛ تمام علي خير يا عمي هي سلام توا !
بابا سلام !
قيس سكر وخش .. سال الريسبشن وين حطوني وركبلي ✨
وصل قدام باب الدار سمعني نبكي وامه تصبر فيا خدي نفس وطقطق وخش .. ✨
قيس : السلام ❤
امه ؛ جيت واخيرا تعالا تفاهم معاها من بكري تبكي !
قيس قرب مني وشاف لي امه بيقوللها اطلعي معرفش كيف .. ✨
اني لما قرب مني تلفتت من الجيهه التانيه منبيش انشوفله .. ✨
قيس شدلي ايدي وقعد يمشي في صبعه عليها ؛ حبيبي ❤
اني غمضت عيوني و دمعتي نزلت مسحتها بي ايدي .. ✨
قيس شاف لي امه ؛ شن قال الدكتور ؟
امه ؛ تبي رااحه هلبا !
اني : نبي نطلع منبيش نقعد امتي نطلع ؟
اللي : والله ماعارفه !
قيس : به بري ترا اساليه ياام !
اللاي شبحتله ؛ زعما ؟
لالا مستحيل يخليها تطلع راه !
قيس ؛ غر بريي ياام !
الاي : باهي توا نمشي نساله .. هي هي !
قيس جبد الكرسي وحطه جنب السرير .. ✨ : سكري الباب !!
وطللعت وسكرت الباب .. ✨
قيس قرب مني وشدلي ايدي .. ✨
اني سحبتها بصوتي يلي يادوب طالع ؛ قيس لو سمحت متمسنيش ! 😢
قيس : حبيبي خيرك ؟
اني : هكي هكي !
قيس والله ما قادره نتكلم راه ، اههممم 😣
قيس : شنهو ييلي هككي اااه 😠
اني بديت نبكي ؛ معش تعيط عليا معش تعيط عليا اني عارفاتك انت يلي قلتلهم يطيحوا لانك متبينيش نحمل عارفه وماصدقت فرصه وجت وخشيت للمستشفي وقلتلهم يطيحوووه 😭
قيس ؛ والله مصارت والله علاش متلا منقوله يطيحه ااه 😠
اني ؛ لانك متبيشي من الاساس ! 😭
مش حرام تخليهم يقتلوا نفس ربي خلقها المشكله ان من لحمك ودمك بيكون ولدك مش حرام 😭
قيس : لاا جهضوا البيبي لان ماات في بطنك بااهي 😠
اني انصدمت وحطيت ايدي علي بطني ؛ شنوو 😢
قيس : ايي !
اني قعدت نبكي ؛ علاش علاش 😭
نبيه اني نبيه 😭💔
قيس باسلي ايدي : خلاص حبيبي بلا دموع 💔
اني ؛ قيس حلا هيـ
قيس حط صبعه علي فمي : اووش خلاص اني عرفت كل شي وتوا نعرف كيف نتفاهم معاها !!
اني قعدت نبكي وخلاص .. ✨
قيس : في شي يزجع فيك ؟
اني ؛ كلي نتوجع كلي 😭
حتي من قلبي يوجع فيا 😭
قيس : ماعاش من يوجعلك قلبي يا قلبي ❤
اني ؛ 😭😭
قيس باسلي خدي وقعد يمسحلي في دموعي .. : اووش خلاص حبيبي !
اني ؛ قيس انت مشفتهاش شن دارتلي قعدت تعفس علي بطني وتقولي نبيك تموتي انتي ويلي في بطنك هادي مجرمهه يا قيس مجرمه 😭💔
قيس حظني : خلاص حبيبي خلاص توا نعرف تصرفي معاها !
اني ؛ 😭😭
.
.
.
.
.
.
بعد مرور اسبوع .. ✨
اني قعدت تلاته ايام في المستشفي وطلعت .. ✨
.
.
اني : اممم مغص اهني 😣
ماما ؛ باه المخده كويسه هكي مرتاحه ؟
اني ؛ اي مرتاحه !
شهد ؛ اني نازله منفتح لي هبه !
ماما ؛ هبه اللطف شن جيبها ؟ 😐
سوسن ؛ شنو شن جيبها اكيد بتتطمن عليها ! 😳
ماما : مش قصدي هكي قصدي شن جابها من حوشهم وشن عرفها !
سوسن ؛ اكيد بنتها !
ماما ؛ به توا قلتي لي راجلك علي ااحقيره هديكه !
اني ؛ ايي قتله 😪
ماما : اليوم احني مروحين مش حنقعدوا !
سوسن ؛ اني منقعد عندها !
ماما ؛ لا علاش بتقعدي ؟
سوسن ؛ هكي نعاونها!
اني ؛ اي خليها ماما !
ماما ؛ توا انشوف !
به وشن قالك عليها ؟
لان والله بوك يسال فيا كيف طاحت خفت منه قتله عترت !
اني ؛ اي لا متقوليلاش فكنا من المشاكل ! 😪
ماما : حسبي الله ونعم الوكيل فيها ربي ينتقم منها ! 👐
اني وسوسن ؛ يارب 👐
شهد ؛ خشي اي خشي اهني فدارها ❤
طقطقطق
هبه ؛ السلام ❤
اني واسيت تقعميزتي وتالمت .. : ااه 😣
وحضنتها ؛ كيف حاللك ❤
هبه ؛ ارتاحي ارتاحي ❤
الحمد الله ❤
وانتي؟
اني ؛ اهو بشوفت عينك !
هبه تسلم علي ماما : كيف حالك اللاي ❤
ماما ؛ الحمد الله ❤
سوسن سلمت ؛ اهلين كيف حالك ❤
هبه ؛ تمام الحمد الله ❤
وتلفتتلي : كيف صار هكي ؟
اني ؛ اتكردست في الدروج !
هبه ؛ لا حول ولا قوه الا بالله 💔
ربي يعوضك خير وخدت سوها الف حمد الله علي سلامتك يارب ❤
هبه مدتلي الباقه وصونيه الحلويات .. ✨ : هي سامحوني منقدرش انعطل خوي يستنا لوطه !
اني ؛ علاش متعبه روحكك ، زيدي اقعديي ❤
هبه ؛ مره تانيه كان لقيت من يجيبني توا نجيك!
هي بسلامه ❤
احني ؛ بسلامه
وطلعت .. وطلعت وراها ماما .. ✨
ماما : هبه !
هبه تلفتتلها ؛ انعم !
ماما : شن حالك يا بنتي !
هبه ؛ الحمد الله
ماما ؛ هبه مش حنلف وندور روحي يابنتي اعقلي وولي لي حوشك ماليك الا هو والله !
هبه : سامحيني اني معش نوليله تلحوش ولو ميديرليش ورقه طلاقي حنقول لي بابا يدخل في الموضوع !
ماما : يا هبه غر وحدي الله فكري في بنتك قبلل نفسك !!
هبه ؛ ااه ليش ؟
علاش ولدك فكر في بنته قبل نفسه ؟
قبل لا يتبع شهوته ؟
ققبل مايمشي لي مرته خرابه البيوت هه مش حنقول صاحبته لان علي حسب علمي امس انقرت الفاتحه وله ؟
ماما تحشمت .. ؛ والله حاولت معاه يابنتي هو سكر راسه ! 😔
هبه ؛ وحتي اني منسكر راسي !
ماما : والبنت ليش تتضلموا فيها ؟
هبه ؛ مضلمتهاش بنتي حتقعد عندي !
ماما : لاا لاا عمك مش حيخليها !
هبه شافت الساعه ؛ اللاي عطلت هلبا اني هي بسلامه توا !
ماما : تمام بسلامه !
وطلعت .. ✨
...
اني : ايي ضااعفهه !😳
سوسن ؛ الرجاله مايجي من وراهم الا الهم ! 😷
شهد ؛ حاشا البعض 🐸
اني : ايح ههه واله صدقتي سوسن سوا متزوج ولا لا حتي راجلك تخافي منه !!
سوسن : اي والله علي قد ما نقوللكم مسخفتني مسخفتني !
اني : ايي والله مسكينه خززي ع الرجاله !! 💔
ماما خشت .. : معش تسبواا خووكمم !
سوسن ؛ مسبينااشي احني !
شهد ؛ ماما !
ماما ؛ شنو ؟
شهد ؛ زدتي كلمتي بابا ؟
ماما ؛ علي شنو منكلمه ؟
شهد ؛ علي موضوع الناس يلي بيجواا !
ماما : مايليش يعطي لي شراقه بووك !
شهد ؛ وعلاش ان شاء لله !
ماما ؛ هكي وهي طلعي الموضوع من راسك !
شهد بتبكي : بلاا جوو !
اني : كلميه يا ماما مدامه هما يبوا بعض علاش الفساد ؟
سوسن : اييه !
ماما : بوكمم ميبيشش يعطيي ميبيشش !!
شهد : علااش ؟؟
ماما تعفلقت ؛ لان هالعيله مشش مزبوطه تجار مخدراات 😠
احني : شنووو !!
شهد ؛ شش شننوو تقوليي تجاار شنوو ؟
ماما : يلا خلاص سكرواا الموضووع !! 😠
شهد طلعت من الدار تبكي سوسن لحقتها .. ✨
اني : ماما حق يلي فلتيه ؟
ماما ؛ اي !
بوك مش كان فاتح فرع فالشرق ؟
يعرفها العيله !
اني : راه الولد ماعندا كان امه راه
ماما : بوك قال لا اصلا خلاص سكري الموضوع !
امبكري فوزيه كلمتني تعزم علي عرس فطيم !
اني : حقا امتي ؟
ماما ؛ مع نهاية الشهر
..
.
.
.
__________
في حوش خالت قيس ✨
قيس : اايي بنتت دارتتهاا !!
خالته ؛ لا اله اللاا الله خلاص به وراس ولدي ماتقول لي بوها وانيتوا نتفاهم معاها !
قيس ؛ قوللها تمش في طريقها ومعش تقربنيي خيرلهاا ونبيي !
خالته ؛ بس هيا تحبك يا قيس متنسوش انكم بعد ما عشمتوها لوحتوها !
قيس وقف ؛ نصيبب الله غالب!
واهو يا خالتي علي خاطرط وعليخاطر سكرك وضغطك مكبؤاش الموضوع و اني حنوتق فيك وعلي قولتك حنخليك تتفاهمي معاها !
خالته ؛ تمام يا وليدي مدورش !
قيس ؛ تمام هي تصبحي علي خير ❤
وطلع .. ✨
.
.
.
____________
حوش عمي .. ✨
مرت عمي ؛ شن يا محمود شن صار في البيان خالتك كل يوم تنشد فيا !!
محمود : اليومين الجايات توا نتفاهموا !
مرت عمي ؛ باهي !
نادين : يعني بتتزوجها خلاص ؟
محمود ؛ مدخلكش انتي !!
وناض .. ✨
نادين ؛ من اول ماقال بياخدها واني كارهاته !!
واهو قوليوقالتها نادين كان شفتي فيها الخير بنت اختك تعالي ديريلي وشمه وناضت .. ✨
اامها ؛ تحشمي هاديي بنت الغاليهه اختي و بينتت خالتتك يلي تربيتي معاها !! 😠
.
نادين خشت دارها وسكرتها .. ✨
نادين : زعما نكلمه توا ؟
ولا لا لا مع الولاد !
كلميه كلميه نادين .. ❤
وفتحت النت لقاته فاتح اتصلت .. ✨
طوووط طوووط
يزن ؛ الوو ❤
نادين : يا اهلاا شن جووك ❤
يزن : الحمد الله وانتي ❤
نادين : بخيرر ❤
.
.
.
____________
شموخ وجهاد ✨
شموخ تكلم فيا ؛ يعني تواا احسنن ❤
اني : اي الحمد الله حتي الالم قل يجيني مغص مره مره وخلاص !
شموخ ؛ به الحمد االله ❤
اني مرات غدوا انجيك !
اني ؛ تمام ❤
شموخ ؛ جهاد يسلم عليك ❤
اني : سلمه بوسيلي البنات ❤
شموخ ؛ يوصل .. تمام ❤
وسكرت .. ✨
جهاد ؛ امك روحت من عندها ؟
شموخ ؛ اي قعدت سوسن عندها !
جهاد ؛ ااه باهي كويس احسن تعاونها !
شموخ : اي ❤
جهاد طبس راسه علي رقبتها وقعد يشم فيها : لياا هلبااا عليكك ❤
شموخ بساته ✨ : نشوف البنات ونجيك ❤
جهاد ؛ هههه به نستنا ❤
.
.
.
.
___________
اني وقيس ✨
اني : هههه نقص صوتك توا تسمعك سوسن 🙈
قيس : شن مندير نحبك ❤
اني : تحبني حق ولا لا ؟
قيس حط راسه علي رجليا وشدلي ايدي وباسها .. ✨
قيس : يكفي ان وقت نشوف لي عيونك نمشي لي عالم اخر ❤
تي لما شفتك طايحه ومغمي عليك خفت نسحابه حد هاجم ع الحوش خفت نخسررك ❤
وباسلي راحه ايدي .. ورغم هدا كله منرتاحش الا لما نكون معاك ❤
نحس براحه .. نحب كلامك وانتي تهدرزي عليا ضحكتك وعيوونك اااه اول حاجه كبدت عليها فيك ❤
اني طبست عليه وبسته علي جبهته .. : ااااهههمم 😣
قيس ؛ هني روحك اني نركبلك !
اني ؛ تعرف مش حنسامحها علي يلي داراته متوحشه هادي مريضه نفسيا لازم تتعالج ! 😭💔
كل مانتفكر كانت تشوفلي بكلل شر وحقد وكره وحقد حسيتها تكرهنيي تكرهنيي مش طبيعيه لانها كيف مدارتلي يا مريضه يا ملبوسه والله ! 💔
وانصدم والله قيس قالت كلام مش حلو بكل .. 💔
ان اني فرقك بينكم وان انت وياها كنتوا تحبوا بعض حق قيس !
قتلي قيس محبكش ولا عمره حبك وان انت تبيها !
قيس : شوفي حنكون واضح وصريح !
اني لو نحبها راهوا اول يوم في زواجنا !!
مصارش يلي صار !
صح وله !
اني : هيا قتلي انك تحب جنس حواء !
قيس يحك فلحيته وضحك بهزوه ؛ ههه في راجل ميحبش جنس حواء هو ؟ 😏
اني : لا غر بالحقق !
قيس ؛ اي الله غالب بالفطره الشي هدا ربي خالقنا هكي !
لكن يلي هيا قلاته لاوين تبي توصل بيه !
تعرفي وين ؟
تبيك انتي ترقدي اهني واني في الصالون !
اني : يعني تبي تفرقنا ؟ 😔
قيس : ايي !
اليوم مشيت لي حوشهم وقلتلها ... وقعد يحكيلي وهو متكي عليا واني نديرله في شعره ونبكي .. ✨
قيس ؛ كان نندري عليك بتبكي راه مقلتش !
اني ؛ والله يوجعع حرامم والله 😭
قيس : ربي مش مسخرله حال في الدنيا ، الله غالب ❤
وبعدين يا حبيبتي انتي شاكه فقدراتي 😜
متخافيش انتي غير ابري بس ونعوضك 😂
اني تحشمت وضربته علي كتفه : سخيف راهه 🙈
قيس جي مقابلني وكيف بي بوسني فوني شرين .. ✨
قيس : ايح علينا خلع عمي 😂
اني : هههه ورديت ..
الو بشوره شن جوك ؟
الحمد الله وانتي ؟
لالا بخير ❤
اي تفضلوو عاادي يا عمري !
قيس اشرلي متع اني في الحمام .. وناض ✨
اني : شنووو قولي لا مش جنبي هههه ... اااه بهااء !
تبصريي شنوو ؟
امتيي به !
اني عدلت تقعميزتي ونكلم فيها بصدمه .. متاكده قصدي بهاء بهاااء ؟؟ 😳 ...#يتبع ✨
.
.
_____________
سوسن ✨
سوسن كانت مقعمزه في الصالون .. ✨
سوسن تبكي .. وتشوف لي الساعه.. ووتفرج علي صوره ع الفون .. نكلمه ؟
لا سوسن متخليش شيطانك يغلبك 💔
سوسن هزت راسها بنفي .. استاحشت صوته منكلمهه مش قادره بعاده والله 😢💔
لالا سوسن بلا غباء !! 💔
وطلعت من الفيسبوك خشت الفايبر وقعدت تقرا في محادتتهم .. وقعدت تبكي ومنهاره .. لين معش شافت وعيونها ضببوا وناشت الاتصال واتصلت مسحت عيونها وسكرت بخوف .. ✨
مافاتوش 5 د ورجع اتصل مكالمه رصيد .. ✨
سوسن قعد ترعش مع بعضها وخايفه ترد .. ✨
عقلها يقوللها لا وقلبها يقوللها اي 💔
وقعدت في صراع مابينهم لين قريب تمت المكالمه .. وعرفتوا اكيد من هو يلي غلب !
اكيد زبطوه هداكا يلي ديمه ياخد في اختيارات غبيه هداكا يلي مافي من وراه الا الوجع هداكا يلي ميعرفش مصلحتك 💔
.
.
الانسان احيانا يكون غبي .. وغبي هلبا في طبعه بس مش زي الغباء الاكبر الغباء العظيم يلي هو #غباء_القلب 💔
يلي ياخد في قرارت غير ناضجه تقللمن التقه والكرامه .. ✨✋
.
.
سوسن ردت .. ✨
محمود بصوت هادي : سوسن ❤
سوسن وهيا تبكي .. : حنيت .. ✨#يتبع 🙈
.
.
______________
❤
#الادمونه 🌷
