❤
🌹 رواية : مشاعر مبعثرة 🌹
🏵 الحلقة : السادسه و الثلاثون 🏵
" قراءه ممتعه للجميع 🎪
_________________
اني قتله ؛ طيب فيك جيتت !
قيس : تغديت عند امي !
اني سكتت ..✨
قيس ؛ عارفاتك بتنفجري لكن هيا يلي جت !
اني : مدخليش في حياتك ،، حر فيها !
قيس : اخي النكدد رااه نكره اممهه 😠
اني بديت نبكي : قوول قوول يلي في خاطرك قوول انك كرهتني واني فددتك في عيشتك 😭
قيس : استغفرلله فددتيني رااه علاش البكي !! 😠
اني قعدت نبكي ومارديتش .. ✨
قيس تلوح ع السرير .. اني نضت وطلعت من الدار ✨
قيس : استغغر الله يا ربي استغفر الله 😪
.
اني قعمزت ع الصالون وقعدت نبكي .. " ماست ما خاين ماست ما يتكلم .. 😭 "
.
قيس " كنت تعبان واول ماطلعت من الدار كان خاطري انوض نمشي وراها لكن قلت تهدا وانوضلها .. "
.
.
.
..
.
______________
عند شهد 💔
شهد كانت مقعمزه فجاءه يتصل بيها زياد .. ✨
شهد دمعتها جت في عينها .. " استاحشتته ياربي استااحشته 😢 "
.
.
وسكر وعاودلها شهد قعدت شويه وردت .. ✨
شهد : الو 💔
زياد غمض عيونه : اهلين كيف حالك ؟ 💔
شهد : كويس وانت ؟ 😢
زياد ؛ تعباان بدونك ؟ 😪
شهد تقوي في روحها ؛ تبي حاجه ؟ 😢
زياد : متسكريش محتاج نسمع صوتك 💔
شهد : اني مش محتاجه ! 😢
زياد : ربي خالقني ضعيف الله غالب !
شهد شهقت شهقت البكي : اني منسكر ! 😭
زياد ؛ حبيتي متبكيش ونبي 💔
شهد : علاش مقتلييش من لاول قبل لا نحبك ونتعلق بيك علاش 😭
زياد : شنن منقول انيي كنك شهد اني قتلك منبيعش في مخدرات افطني لي كلاامكك !!
شهد ؛ زيد سكر راسك منسكرر !
زياد ؛ ماكش مسكره ولا والله العظيم غدوا نجيك !!
الموضوعنا لازملهه حلل !
ونقاااش ،، غير هكي انتي مسبله !! 😠
شهد : كلامم شنوو يليي مزال بينحكا ؟ 😭
زياد ؛ اني والله ما نبيع والله العظيمم كيف مهبول لي من منخلي امي ناا معندهاش غيري لشكون ؟
وبعدين ما عمري نحط لقمه حرام في فمي ولا نوكل امي حرام يا شهد ارحميني خلااص !!!💔
شهد : به الكلام يلي قالوه لي بابا شنووو اااه شنووو 😭
زياد ؛ بش ان اني منكلمش في عمامي ؟
و بش نقولك حتعرفيه السبب مع الوقت !!
وهضاا السبب هضاا 💔 !!
شهد ساكته .. ✨
زياد ؛ حبيبي والله منغيرك منتهي مش قادرر ويلي واجعني لا انتي ولا اني ولا علاقتنا ولا حبنا ولا تي شي !!
يلي واجعني انك مصدقتينيش لا ومعش كلمتيني ولا رديتي علي مكالماتي هضا يلي قااهرنيي ليش ليش 💔
شهد تبكي : كيف منوضح لي بابا ولا لي خوتي كيف منقوله كييف 😭
زياد : جايك من الروشنن انيي من البااب جاي من وين ما حلل ربي يا بنت شاريك لو تقوليلي مووت نموت علي شاانكك 💔
شهد علي قد ماقوت روحها بس ماقدرتش : 😭😭
معقوله الفتره هادي كلها متكلمنيش نقعد طول الليل نستناا فيك تتتصل ... نشوف في الفايبر بش نطمن عليك 😭
وين كنتت ناسيني وينن ؟ 😭
زياد ؛ مرايفف عليك وعلي صوتك وحنيتك وشكلك وطبعك وكلك كلك منهبل من غيررك 💔
شهد تبكي ؛ زياد منسكر توا ! 😢
زياد : ردي بعدين 😞
شهد تمسح في دموعها وسكرت .. 💔
شهد " انهرت بي البكي .. رغم اني طبعي قوي ومنبكيش علي حد بس زياد 💔
حسيت من اول ما كلمته قلبي يضرب بسرعه وتقول انغرس فيه موس 💔
خديت نفس ومسحت دموعي ... وقلت منبيش نبكي 💔 .. نضت مسحت عيوني ونضت .. ✨ "
.
.
...
.
______________
هبه & محمد 💔
هبه اول ماركبت السياره .. محمد شافلها .. من المرايا .. ؛ تعالي جتبي قدام مفيش حد !
هبه ؛ منبيش ندوي معاك !
محمد ؛ شبح لي ماريا .. تعالي قعمزي اهني ماريا !
.
.
وفي الطريق يسوق وسارح .. ✨
محمد ؛ نادمم 💔
هبه : شن الفايده !!
محمد : ارجعيلي خلاص .. اني مدرتش حرام شرع ربي !
هبه ؛ تعرف ربي في الزواج بس وقت بوك قالك متاخدهاش عصيته ! 😏
محمد ماباش يدوي معاها .. ✨
.
..
.
.
___________________
اني وقيس ✨
.
.
قيس " شكلي غفيت .. ومنندريش .. شفت جنبي ملقيتهاش نضت من السرير شفت الحمام ، وسط الحوش الصالونات ، المطبخ .. وفي الحوش ملقيتهاش 😪 مسحت ايدي علي وجهي وتعفلقت كيف تطلع ومتقوليش ومشيت للمطبخ فتحت الكتل مندير شاهي كيس شفت من روشن المطبخ لقيتها مقعمزه في الجردينه متع الحوش .. " ✨
.
.
اني " يا ربي هنيني ياربي ريحلي خاطري تعبت 💔
قيس من جيهه و بهاء خشلي في الخريطه و سوسو وخيتي الغاليه 💔 ،، اااه ياربي دنيا مافيها حد متهني سبحان الله .. 😪
.
.
وسرحت وقعدت نفكر في قيس وكيف جابني النصيب ليه .. كان خاطري نعرف شعوره بجد اول ماشافني كان يستني فيا ولالا ؟!
.
فكرت في حلا وحاولت ندير نظره من جانب تاني بمش نصحح صورة حلا في راسي .. هل من حقها يلي دراته ؟
بس مقدرتش 💔
مش قادره نفكرلها سبب حتي لو كانت انها علي حق .. بس هو مش نصيبها علاش ادير هكي ؟!
شن دنبي اني !!
حتي لوو تحبهه 💔
.
.
خاطري نعرفف 💔
قيس يحبني بجد ولالا ؟
يعني حاببني لي سبب ولالا ؟
شن يلي خلاه يوافق عليا ؟
و كيف قدر يخوني ويحسسني بالامان بنفس الوقت ؟
لي وين يبي يوصل علاقتنا .. يبيها ترسي ولا تكمل ! 💔
علاش مايبيش مني بيبي علاش هدا يلي قااهرنيي اكترر 💔
وجو دموعي في عيني .. ✨ "
.
.
قيس " سخنت الكتل لقيت قهوه ع الغاز سخنتها وصبيتها في مق ومشيت للحمام وبدلت ولبست نيشرت وشورط وشبشبي ونزلت للجنان .. ✨
كانت عاطيتني بالظهر وساده شعرها قرن قربت منها ووقفت وراحها .. "
.
قيس حط ايده علي ظهري .. اني انخلعت .. : هىىىئ 😰
قيس : سوري ❤
اني : تلفتت قدامي ،، بحيت منشوفلاش : لا عادي !!
قيس حط المق وقعمز جنبي وقعدنا سلكتين جو 5 د .. ✨
قيس خدي نفس .. : اني انسان يحب يعيش حياته بالطول وبالعرض !
يدير في كل شي يلي يخطر ويلي مايخطرش .. اني قبل مانتزوجك كنت نشرب ونسهر وجو !
اني شخص يكره الروتين يكره التقيد يكره اي شي يدخل في حياته !
ولا كنت مفكر ولا متخيل يجي يوم ونتزوج !!
لحد ماجي يوم امي وبوي قالو منجوزوك !
وزي ما تعرفي الباقي !
كنت مع حلا علاقه ومعاها الف بنت !
ماعمريش حبيتها ولا فكرت فيها لغرض الزواج !
زواج ؟
مكنتش نعرف معناه اصلا غير ان هو درااه كبدد !!
لكن اريام خلينا صريحين !
اني لو انحب حلا كان صار يلي بينا كل يلي صاار ؟
وشدلي ايدي .. ❤
حبيبي انتي عرفتيني شن معناها كلمه نحبك من اول يوم عجبتيني قلبا وقالبا ❤
اني : يعني اني مفروضه عليك فرض توا ؟ .
عادي يعني اني منحبش لا نقيد حد ولا شي عيش حياتك !
قيس باس ايدي .. واحلى فرض ، نبيك تآسريني مش تقيديني بس ! ❤
اني بديت نبكي : لاوين تبي توصل علاقتنا ؟ 😢
قيس : لي وين ماتبي !
اني : اني نبيها زي الناس بس ! 😢
قيس : كيف يعني توا احني زي منو مثلا ؟
اني : مش عارفه شوف روحك !؟
قيس : اول شي وقفي دموع ،، وبعدين هدا كله ع الولاد ؟
اني مسحت دموعي : لاا باهي لاا مش علي خاطرهمم !
قيس بدي يتكلم بكل جديه ويحرك في ايديه : اممم به ،، شوفي يا اريام اني وقت قتلك منبيش صغار لا علي خاطرك ولا علي خاطر حلا ولا لي اي سبب الا ان اني حاليا منبيش صغار قاعد مش قد المسؤليه اقل شي نكون نفسي اني مانخلفش ونجيب بوي وامي يصرفوا عليه !
اني : مسؤليه شنو يلي ماعندكش وانت عمرك 29 وقريب 30 ؟
قيس : الله غالب ! 😏
اني : منقدرش نقولك حتي علاش متزوجني لان اني بروحي منعرفش علاش انفرضنا علي بعض فرض !
قيس قام حاجبه : يلي نفهمه ؟
اني : ولا شي !
قيس : وعلي فكره حلا بالنسبالي انتهت فنحي الافكار من راسك وبلا غيره زايده !
اني منغير الموضوع : ترفعني لي سوسن ؟
قيس ؛ نوضي وتي روحك !
اني نضت ومشيت ركبت وفي راسي هلبا اسئله نبي نسالهم لكن مش قادره " 💔 .. قيس تنهد وقعد يشوفلي ويشرب فقهوته ويحك فلحيته .. ✨
.
.
___________________
في المستشفي 🏩
سوسن : لا رقبتي توجع بس ! 😢
ماما ؛ يا بنتي معش تزعلي روحك خلي نطلعوا من اهني !😞
شهد ؛ توا تهدا سمعتي الدكتور قال بلاش ضغوطات نفسيه وجهد نفسي ! 😪
سوسن تمسح في دموعها : تعبانه 😞
ماما : والله حتي قعدت المستشفي ليها دور رااه !
سوسن مسحت دمعتها .. ✨
.
.
طقطقطق .. ✨
شموخ ؛ اهلين سوسو ❤
سوسن : اا اهلين شموخ 😞❤
شموخ : شن جوك شن حالك احسن 💔
سوسن ؛ ان شاء لله 😢
شموخ باستها وسلمت علي شهد وماما .. : شن قال الدكتور ؟
ماما ؛ قال اليوم تقعد وغدوا كان احسن تطلع ❤
.
.
________________
هيا و محمود ✨
هيا : غدوا منسافروا ؟ ❤
محمود : اي ان شاء لله ! 😪
هيا شدتله ايده : متزعلش روحك وسامحني علي يلي صار بكري .. ونعرف علاقتكم انت وحوش عمك زي الخوت ❤
محمود باسها : لا عادي .. اني اسف ع الموقف يلي حطيتك فيه امس في الصاله !
هيا : لا عادي ❤
شن رايك انوضوا نمشوا لي حوش عمك ونطمنوا عليها ؟
محمود شافلها بصدمه .. : اااا لالا مش لازم .. وتنهد جعتيي ؟!
هيا : اممم اي لكن مش حناكل لين تاكل معاي ❤
محمود ضحك : هههههـ حاضر يا روحي ❤
.
.
.
_________________
قيس و اني ✨
في السياره 🚙
.
" كنا في السياره وطول الطريق ساكتين والهدوء مسيطر صوت الاغاني واطي .. وكان كل واحد لاهي ويفكر ومهموم .. ✨ "
.
قيس درس : امتي نجيك ؟
اني ؛ علي راحتك !
قيس : تمام هي انزلي !
اني قعدت شويه ساكته ونشوفله .. نستني فيه يقول ردي بالك علي روحك !
قيس شافلي : اامم تبي حاجه ؟
تبي فلوس ؟
اني تنهدت : لا شكرا
واعطيته بالظهر ومنزل .. ✨
قيس ؛ ردي بالك من روحك تركبي ديريلي تشرينه !
اني هزيت راسي : ان شاء لله
قيس : ماشي للولاد اني !
اني : به
.
.
وركبت سلمت عليهم وقعمزت شويه وناضت ماما جاها بابا بتبدل وبتجي .. ✨
.
.
________________
قيس وصل للاستراحه .. ✨
.
" فرج و مراد صحابه ساكنين مع بعض في الاستراحه هدا علاش ديمه قعدين " ✨
.
قيس خش : السلام 😪
فرج ؛ اووهوو اهلا اهلا
مراد ؛ اا يا بردر شن جوك ؟
قيس لوح المفتاح ع الطاوله وجبد الكرسي .. وقعمز ومسح علي عيونه ووجه ونزل لي لحيته : تعبااااان تعباان للنم 😪
مراد : اووهوو خيرك نجيبلك طاسه ؟
قيس : لا وين مزال منروح بيها .. توا نجي اليومين الجايات نبات !
مراد ؛ خيرك عركه ؟
فرج ؛ واضح من شكله !
قيس : ع ام الصغاار تبي صغار الهم !
منبيش اني منبيش الززح !!
لا وشنو لا تبي تاخد حبوب لا شي قالت مدخليش فيك ! 😠
مراد : النساوين كلهم هكي وهدا طبيعي يعني تجي تقوللها منبيش صغار حتتعفلق طبيعي لان مفيش حد مايبيش صغار ! 😪
قيس : اني منبيش ! 😡
فرج ؛ علاش متبيش خلاص يلي صار صار خلاص متجيش توا تقول منبيش هدا زواج ؟
لي امتي بتسكت المرا ع الموضوع ؟
شي طبيعي هدا اليوم هيا غدوا بوك بيدرهلك كبدك !
مراد : راهي مرتك مش البنات يلي اهني كانكك ناسي هعهه !
قيس تنهد 😪
.
.
.
________________
هبه ومحمد ✨
هبه خشت الحوش لقت ابتسام تاكل في المطبخ .. خشت حطت شنطتها في الدار ولقتها مفضيتها .. ✨
ابتسام جتها .. : هبه !
هبه ؛ متقوليش اسمك علي لساني ! 😠
محمد جاها ؛ شن تبي ؟
ابتسام ؛ منكلمها !
هبه فتحت الدولاب وطلعت جابت فوطه وملمع .. ✨
ابتسام ؛ منكلمك !
هبه ؛ ميسا كراستك يلا وديري دوره علي شنتطك
ابتسام : مش انريحوا بعض وبما ان احني حنقعدوا مع بعض دوم مش يوم !
خلي نقعدوا زي الوخيات ❤
هبه شبحتلها : بتطلعي ولا انسمعك وسخ ودانك توا !
ابتسام شبحت لي محمد : شفتها مفيشش امللل !!
محمد : هبـ
هبه : تسكتت انتت !! 😡
محمد ؛ متكتريهاش !
هبه ؛ هدا حوشي كان مش عاجبك براا اجر مكان تاني !!
وانتي وياه تستنوش مني غير هكي !!
ابتسام ؛ اضربهاا شن قاعد تستناا !! 😠
محمد ؛ ضمي فمك انتي واطلعي ! 😡
ابتسام ؛ مافالح غر فيا ! 😠
هبه مدايره روحها مش معدله واضم .. ✨
محمد سكر الباب وقعمز ع السرير .. ✨
محمد ؛ بتقعدي اهني ؟
هبه : كان سحر ربي في اعتراض ؟
محمد ؛ اا لا !
هبه ؛ كنت نسحاب !
محمد : لي امتي هالوضع ؟
هبه اضم ؛ وضع شنوو ؟
محمد ؛ ااا اني وياك وو اا وانتي وابتسام !
هبه شبحتله وضحكت : مزال تتامل وطامع فيا انت ؟ 😏
اني وياك ممكن نرجعوا لو تتطلق !
غير هكي احلمم !!
محمد ناض وجي وراها .. ✨ : كيف نطلقها كيف شن منقول لي اماليها ؟
هبه ؛ شي يخصك وبعدين كانهم مقومين معطوكش بنتهم !
محمد : نادمم 💔
هبه : مانفعش الندم توا !!
محمد ؛ ربي يهديك وتحني !
وطلع وخلاها .. هبه سيبت يلي في ايدها وقعمزت ع السرير وقعدت تبكيي 💔
.
.
.
______________
احمد وماريا ✨
ماريا : هاضرر
ماما : هياا احمدد !
الياس يبكي : ممممم 😭
ماريا : اوووه بيبي ستووب بليز 😪
ديمه هكي ماااش يسكت !
ماما ؛ هكي كلهم الصغار ربي يصبركم !
احمد ؛ اني جيت هي جيبي الياس عليك !
ماريا الساعه 7.30 توا عادي زياره ؟
ماما : مش عارفه والله !
.
.
.
_______________
مروان و غاده ✨
غاده : مروان اليوم قول لي بوك عالسفرر !
مروان ؛ ان شاء لله
غاده : تمام ❤
منقوللهم حتي ع الحمل ❤
مروان : قولي يا حبيبي قولي ❤
عليوه ؛ امي راهو ولدك ميقراش !
غاده ؛ قوله قتلك ماما اقرا مش تنزل تتعشي معانا لوطه !
.
.
.
________________
قيس ✨
شاف الساعه لقاها ال7.30 .. خدي دخانه وفونه وسلم ع الولاد وطلع .. ✨
قيس ركب السياره وطلع .. ✨
.
.
.
اني ✨
سوسن : والله يلي واجعني اكترر مش كدبه عليا ولا خيانته !
يلي واجعني اني .. 💔
واجعتني رويحتي وعمري .. ربي يهنيه ! 😢
شهد : الله لا تربحه ولا تسامحه !
اني ؛ لو حتلومي مش حيتم الملام !
ولو تندمي مش حينفع الندم !
توكلي علي ربي وربي مايخلي حق حد عند حد ! 😪
شموخ : قعده مش مخطاطين موضوع الحمل ؟
اني : هه بالله ،، ميبيش صغار قالي !
شهد ؛ شنوو علاش ؟
شموخ شهقت : وعلاشش ؟
اني كيف منتكلم اتصل وقالي : قيس : شن جوك ؟
اني : باهي !
قيس ؛ اني لوطه هي انزي !
اني : به تمام !
وسكرت .. ✨
نضت نلبس في وشاحي ونساوي في مكياجي وخواتي ينصحوا فيا .. ❤
بخيت برفان وسلمت ونزلت .. ✨
اني ركبت السياره ؛ السلام !
قيس : وعليكم السلام
وسكت شويه .. شن مقايلك ع الصنه هادي ؟
اني : شنوو ؟
قيس ؛ معش نبييك تبخيهااا برا الحوش !
اني : اضني كنت عند حواتي ! 🙄
قيس : معش تبخيهاا وخلااص !!
اني : باهي اهدا خيرك منفعل ! 😑
قيس : مش منفعل لا شي !
بس ريحتها تلفت النظر ! 🙄
اني : تلفت في نظرك بس ! 😏
قيس : عندك خدمه غدوا الخميس ؟
اني : ايي
قيس ؛ ماشيه ؟
اني : وعلاش تسال ! 😏
قيس ؛ هكيي !
اني منتكلم تتصل بيه امه .. ✨
ام قيس ؛ الوو
قيس : ايوا يا ياام
ام قيس : ايوا كيف الحال ؟
قيس : كويس ان شاء لله خير في حلجه ؟
ام قيس : لا والله نطمن وبوك قالك تعالا تعشي انت ومرنك !
قيس : برا اني توا !
ام قيس ؛ باهي نستنوا احني !
قيس تنهد ؛ ان شاء لله به !
وسكر .. ✨
.
.
امه : اي جاين !
بوه : شنو مش ناوين ع الصغار هما !
امه ؛ مش عارفه والله !
بوه : كلميهم به !
امه : المرا كانت مطيحه راه !
بوه : ليهاا فترره !
.
.
.
وصلنا الحوش بعد جو ١٠ د ودخل السياره للقراج ونزلنا .. ✨
قيس : تعالي منمشوا حوش امي !
اني ؛ امبه !
قيس شدلي ايدي : تطريمه الشوارب ونقره الحواجب معش نبي نشوفهم !
و وطلعنا من الباب لقيناهم في الجنان مقعمزين ويستنوا فينا سلمنا وقعمزنا و بدينا نتعشوا .. ✨
.
.
___________
محمود وهيا :
محمود : ههههههه اي
هيا : هههههه هلبا انت رااه 😂
محمود : نعجبك 😂
هيا ؛ واخيرا خديناا بعض كان هدا هبلت ❤
.
.
___________
هبه ✨
هبه حاضنه بطانيتها وتبكي ومتبيش اطلع صوت مش بنتها متنوضش .. 💔
.
ابتسام تفكر كيف لتكسب محمد يلي راجع يميل لي نرته 💔
.
ومحمد حاير شن بيدير .. ✨
______________
حوش سيدي ✨
اني : ان شاء لله ❤
الاء : عندي امتحان السبت منجيك تقريني ؟
اني : تفضلي لولو عادي مدوريش ❤
قيس : ان شاء لله مش حتجي الجمعه بس !
اني :وعلاش شن عندنا الجمعه ما ورانا شي !
غاده ..: يا اللاي ❤
اللاي : انعم
غاده بصوت واطي : اني حامل ❤
اللاي قعدت تزغرط : مبروووك مبروووك ❤
ربي ينوضك بالسلامه !
سيدي كان يهدرز مع مروان : شن فيي ؟
اللاي ؛ جايك حفيد في الطريق ! ❤
سيدي شبحلي اني وقيس : واخيرااا ❤
اللاي : لالا مش اريام غاده حاممل !
قيس شبح لي امه وهيا تشبحله متع بتكلمه ووخر الكرسي وناض .. : مبروك عليكم وربي ينوضك بالسلامه !
تصبحو علي خير !
اني شبحتله وتحشمت من لقطته .. حطني غموقف تقول صاير طتش بينا .. ✨
اني : مبروك حبيبتي ربي ينوضك سالمه ياارب
غاده : سلمك نشوفهم عندك انتي وقيس
سيدي : عقبال عندك انتي وقيس !
اني ابتسمت : شكرا .. وقعدوا كلهم يقولولي عقبالك .. ✨
في هااللحظه حسيت بالنقص رغم ان ربي كارمني ومافياش لا اني ولا قيس شي بس هو كيف مسكر راسه .. 😪💔
وقعدت جو ١٠ د ومشيت لي حوشي .. ✨
وغاده طول الوقت تشوفلي .. ✨
اني خشيت ولقيت قيس متلوح ع السرير ويدخن ولابس شورت .. ✨
اني خديت قفطان من الدولاب وخشيت الحمام درت شاور سريع وطلعت .. سكرت الضي وجيت فتحت الشهاره ورقدت قيس حط ايده علي عيونه ؛ سكري الضي تعبان منرقد !
اني منبيش نقوله نخاف نبان ندحله .. سكرتها وسكتت .. ✨
اني كنت علطياته بظهري .. " كنت نقول علاش قيس مش زي خوه مروان ؟
علاش ميبينيش نحمل ! " ✨
وقعدت نبكي .. ✨
قيس " كنت عارفها متحبش الظلام قعدت شويه .. وقلتلها .. ✨ "
قيس بصوت هادي ؛ رورو !
اني مابيتش انرد .. قيس جي حط ايده علي خصري ولفني ليه .. ✨
قيس بصوت هادي وواطي ؛ اهو نايضه خيرك مترديش ؟
وباسلي خشمي .. ✨
اني مسحت دموعي ؛ كنت سرحانه مسمعنش !
قيس : تبكي ؟
اني ؛ اااااا ل لا لل غر هادا شعري م ماهو دوشت ووجهي قاعد اميه !
قيس حظني وقعد ساكت ويقكر .. ✨
اني كيف غمضت عيوني .... #يتبع ✨
________________
😘
#الادمونه ❤
