نبي تفاعل زي يلي قبلها واكتر 😘❤
لايك قبل لاتقروها وكومنت بعد ماتقروها 😂
🌹 رواية : مشاعر مبعثرة 🌹
🏵 الحلقة : الثالث عشر 🏵
" قراءه ممتعه🌚 "
__________________
عند شموخ .. ✨
شموخ : ياربيي وينهه هااداا السااعه ١٠ مش منن عواايده 😓
ان شاء لله خيرر ياربيي 😢
وناضت غطت بناتها وكان الجو صقع وريح وممطر .. ✨
ورجعت للصالون وقعدت تتصل بيه وهو مايردش .. شويه .. وتجيها بنتها .. ✨
الين : ماما ابي مياا !
شموخ ؛ به ياحبيلتي بري سريرك وتوا انجيبلك !
..
ورفعت لي بنتها اميه وغطتها .. وطلعت تتصل بي جهاد وهو شي ماقال انرد .. ✨
انشغلت عليه .. وزاد الحمل علي فلبها اكتر .. وقعدت هكي لين رقدت ع الصالون .. ✨
_____________
في فـرنسـ🇫🇷ـا .. ✨.
قيس فتح عيونه وشاف لي الساعه المعلقه قدامه .. لقاها 9 .. ✨
قيس شبحلي لقاني في حضنه وراقده في سابع حلمه ❤
قعد يمشي في ايده علي شعري .. ✨
قيس : حبيبتي ❤
اني راقده .. ✨
يحك في لحيته ع خدي : يا حبيبي ! ❤
اني فتحت عيوني ؛ اممم 😖
قيس : نوضي ياروحي هي ساد نوم !
اني ؛ تعبانه راسي بيتفجر 😣
قيس : اني جعان نضت من جوعي نبي ناكل 🙄
اني ومغمضه عيوني : اطلب به خلي يجيبوه اهني 😩
قيس : امبه ❤
حولي شويه ترا !
اني نحيت راسي من عليه وحطيته ع المخده وكملت نومي .. ✨
.
.
.
قيس : هيا نوضي ❤
اني : نبي نرقد 😖
قيس : يا سلملي الكسول ياربي 😘😘
اني قعمزت ع السرير : اهو نضت 😔
قيس : افتحي عيونك باهي هههه 😂
اني فتحت عيوني ونضت : اممم ممرقد وحق ربي 😣
قيس حط ايده علي خدي ؛ كولي وبعدين ارقدي 😘
اني نضت ومشيت قعمزت ع الصالون قيس بدي ياكل واني ناكل فم شويه و ونغمض عيوني ..✨
قيس باسني ولف ايده عليا ؛ افتحي عيونك اشربي عصير صحصحي شويه !
اني خديت منه وبديت نشرب .. ✨
قيس ياكل ويحطلي في فمي .. واني نحرك في فكي ومغمضه عيوني .. ✨
قيس : رورو !
اني ؛ امم
قيس ؛ تعالي اغسلي يديك !
اني فتحت عيوني وغسلت يديا ومشيت للسرير ورقدت طوول .. ✨
..
قيس مجاشي نوم لبس ونزل عنده فلوس دارهم .. وقعد يلود في الهوتيل .. و مشي خدي دخان .. وكلم حلا .. بحكم لقاها باعتتله عرم مسجات ✨
حلا ؛ حياتي ❤
قيس : ايوا بيبي ❤
حلا : وصلت ؟
قيس : اي ودوشت ورقدت وتوا طالع !
حلا ؛ مرتك وين ؟
قيس : منزلتش راقده !
حلا : احسن جعلها ما ناضت 🙄
افتح الكاميرا ترا استاحشتك ❤!
قيس : عيب ياروحي معش تقولي هكي !!
حلا فتحت شعرها وادير فروج : به به 🙄
وفتحت الكاميرا .. ✨
الله حبيبي محلااك طاللع جنتتل 😍
استااحشتك امووه امووه امووه 😘😘
قيس : ههههه حبيبتي ترا وريني شن لابسه انتي ؟
حلا : حااضر هااا ياعمري 🙈
"وكانت لابسه كت احمر وشورت اسود .. "
قيس : ياعيني😍
حلا : عجبتك 🙈
قيس : هلبااا 💗
حلا : اي هدرز عليا !
حقاا هادم صور تنزلهم ع السناب ؟
قيس : عادي وشن فيها ؟!
وبعدين منحبش من يدخل فتفاصيل حيااتي عارفتيني !!
حلا : لكن ياقيس !
قيس : خلينا حلوين متنكديش عليا 🙄
حلا : امبه امبه 🙄
وقعدوا يهدرزوا شويه ومع جو الساعه واحد ركب .. ✨
بدل ولقاني قعده راقده فتح البلاسنيشن وقعد يستني فيه .. وهو فتح السناب .. ✨
لقي صحابه خاشين كلهم مقايلينه ربي يهنيك ووو الخ ✨
الا حلا قالتله .. " شنن قصددك ييهاا ؟!
شنن يعنيي موتي تقصد بالصور يلي منزلهم !
لا وشاد ايدها لي وين تبي توصلل 😠
شافها وماردش .. ✨
.
.
قيس ماردش وطلع و سكر السناب وخش ع الفيس هدرز شويه .. وقعمز يلعب بي البلايستشن .. ✨
_____________
في حوشنا .. ✨
يزن ؛ ياام وين سوريتي السوده ؟
ماما : في النشير !
يزن ؛ نبيهاا .. منلبسها غدوا في المطار !
ماما ؛ به توا انقول لي وحده من خواتك تحددهالك !
يزن ؛ امبه !
ماما : نوضي يا شهد جيبيها !
شهد : بعدين توا انحددها
بابا : امتي ناويه ترووح يا فرخ ؟ 😠
يزن ؛ اسبوع اسبوعين منعرفش !
بابا : انت ومنوو ؟
يزن ؛ اني ومحمود ولد عمي و ولاد !
سوسن كانت متكيه ع الصالون قعمزت .. شهد شبحتلها ..✨
بابا : بضيع حتي الولد في جرايرك 🙄
يزن ؛ ع الاساس 🙄
سوسن شاده دموعها : هي منرقد تصبحوا علي خير ! 😔
بابا وماما : وانتي بخير !
وخطمت من جنب يزن ضربها علي يدها .. سوسن : اااييييي 😭😭
يزن : شووفي الكداابه 😬
شهد ؛ ماك تعرفهاا 😂
بابا : عيبب علييك يا ولدد !
ماما : نوضي يا شهد حدادي لي خوك !
شهد ؛ باهي نضنا 😪
وناضت ... ✨
شهد خدت السوريه ومشت الدار .. لقت سوسن تبكي ✨
شهد : خيرك سمله هدا كله من ضربه بلا كدب ساهله 😐
سوسن ؛ مقاليشش مساافرر تخيليي مقالليشش 😭
شهد : يملح !
خزي عليه ! 😦
سوسن : لي توا متصلش بياا من الصبح تخيليي 😭
شهد : اكيده مش حتراضيه زي ديما وله ! 😕
سوسن : هو متصلشش 😭
شهد ؛ سوسن خلي عندك كرامه شويه مش ديما تتصلي قيسي غلاك عنده ! 😏
سوسن ؛ الحب مفيشي كرامه 😭
شهد : وهو مداير كرامه !
سوسن ؛ شهد خليني في حالي 😭
شهد : ملحي 🙄
وقعمزت تحدد .. ✨
سوسن شدت فونها واتصلت .. قعد ينادي وماردش.. ✨
سوسن : ياربيي علاش ميردش هاداا 😢
وخذت ع الفايبر لقاته فاتح بعتتله .. ✨
سوسن " حبيبي رد عليا لو سمحت 💔 ”
وجاها مرئي وماردش .. ✨
سوسن قعدت تشوف للفون ومصدومه .. : ماردشش علياا 😭
واتصلت بيه .. قعد ينادي وعطل مش رد ✨
سوسن : الوو 😭
محمود : نكدد تاني ؟!!
سوسن ؛ من النكد توا اني 😭 ؟
محمود : ايي !!😏
سوسن : حبيبي وققفف 😭
علاش هكيي اديرر انتت الغالط مش انيي 😭
محمود ؛ به شن تبي توا ؟! 😒
سوسن : مسافر من غير ماتقولي معقوله !😭
محمود : عارف يزن بوصل المعلومه ! 😏
سوسن : اني مفروض نعرف قبل الكلل 😭
محمود : كمم مره نقولك متكلمينيش بدموع ، امسحي دموعكك الزح ! 😠
انسكر !!
سوسن : لا خلاص سكتت 😢
محمود تنهد : ياربي صبرني !
انتي مش ناويه تبطلي الدلع ؟
سوسن : انتت هداا ، واالله اني نكلم فيك وانت تقولي تتدلعي 😭
محمود : ياربي كم عمرك ونبي 🙄
سوسن : حبيبي وققفف 😭
محمود ؛ ايح ، متنفخيليش راسي اكتر ماهو منفخ غدوا وراي سفره !
سوسن : توصل بي السلامه 😢
محمود ؛ سلمك
سوسن : انحبك 😢
مش حتستاحشني ؟!
محمود ؛ كان بتقعدي بنكدك لا 😁
سوسن بدت تبكي : شن قصددكك 😭😭
محمود : هههه والله انبصر غرر اووس 🙄
.
.
زياد ؛ اخبطيها يلي جنبك هادي مش ناويه تسكت 🙄
شهد ؛ مااك حفظتها 😂
زياد ؛ والله متآتر اكتر منها 😂
شهد : هههههه
زياد : وووو نفختهم بجد راا منسكر !
شهد ؛ لالا خلاص هاد توا نعلي صوتي 🙈
زياد ؛ لا نبي صوت الحنين مش نرقد 😌
شهد ؛ ااامم ياعمري انتت 💓
زياد : ناعلياا 😍😍
.
.
___________________
حوش عمي علي ✨
حلا والاء في الدار ✨
الاء : حرام تخربي بينهم كيوت والله 😍
حلا : الاء ممكن متتدخليش ؟ 🙄
الاء : شن حكيتي انتي وقيس سكرتي الباب ومخليتينيش نخش ! 😁
حلا : هدرزناا 😏
الاء تتفرج ع السناب : محلاها صورتهم هادي 😍
ودرتلها سكرين شوت .. ✨
حلا شبحتلها : تغيضي فيا توا انتي ؟! 😕
الاء : علاش !؟😅
حلا : منعرفش بس كانك كل شويه تجيبيلي سيره البليده ؟ 😐
الاء : لا والله ما قصدي .. 😓
لكن حرام البنت شن دخلها .. وبعدين قيس خوي وو ! 😔
حلا طبست راسها وقطعت عليها : عارفاتك تقولي شن صارلها حلا ! 💔
الاء اني وقيس كنا علي علاقه !
يحبني ونحبه ! 💔
صح عارفاته يكلم في بنات ! 😔
لكن عارفاته من داخل يحبني ! 💔
ونصبر في روحي ونقول توا يعقل ويجيني !
خليته علي راحته وكل يلي يبيه درتهوله ! 😢
حطي روحك مكاني يلي تحبيه يتزوج !
الاء اني نصعقت يوم عرفت .. اني مكسوره من داخل ونبين في نفسي قويه ! 💔
والشر يلي طلعلي .. يطلع لي اي حد يدافع علي حبها !
تخيلي نحبه ونعيش معاه قصه حب !
ونبني في مخيلتي معاه احلام يمشي كله هكي في لمح البصر 😔
اتزوجج اتزوج ! 😭
تسحابيني مش عارفاته ان راقد جنبها ؟
تسحابيني مش عارفه ان يضحك ، فرحان ، ياكل ويشرب معاها ! 😭
عارفه كله عارفاته بس اني كرامتي متسماحليش ان انخليه بعد كل شي صار بينه !
وحناخده ونرده ليا لو ندير مانديرر 😭
اني قيس بس فقلبي ! 😭
الاء تشبحلها ومصدومه .. قربت حضنتها : و و الله ما قصدي اووس خلاص بلا دموع 💔
حلا ضمتها : نحبه والله نحبه من الثانوي !
حبنا مش سنه ولا سنتين 💔
لاا ، اكثرر اكثرر 💔,😭
الاء : خلاص اسكتي بلا دموع ! 💔😢
حلا تنهدت .. وتنهيده وراها معاناه ومسحت دموعها : مهما الحب خلاني ضعيفه حنقوا !!
انحبهه ومش حنخليه ! 💔
وايه اني نكره مرته ونشوف فيها زي الشيطان 😢
الاء لو متبيش تخشي معاي فيلي بديت فيه مش لازم منجبركش !
بس اني خلاص ارسخت الفكره في دماغي !
ويا ناخده يا ناخده !
الاء سكتت .. : شن منقولك !
مدامه تحبيه هكي خلاص !
.
.
----------
.
.
جي الصبح 🌅
في فرنسا 🇫🇷
اني نضت فتحت عيوني كانت الدار مضلمه والضي خاش من الروشن شويه من لوطه ومن بين طرف الستار والستار .. كانت الدار ريحتها كلها ريحه برفان قيس تلفتله وشفتله .. وكان جنبي راقد في سابع حلمه .. ✨
" وكان راقد علي جنب وحاط ايده تحت المخده شادها وايده التانيه علي وجهه 💓 "
اني شبحتله وابتسمت .. قرب منه وبسته ونضت .. قمت شعري ونحيت السلبر ولبست الشبشب خديت الغسول الوجه من الشنطه ✨
خشيت الحمام غسلت وجههي وسنوني وتوضيت .. ✨
لكن معرفتش مواقيت الصلاه .. ✨
فتحت النت .. و شفت .. وصليت وتفائلت ان اليوم حيكون حلو لان حتي جوي حلو 💓✨
مشيت فتحت التلاجه وكانت صغيره جايه في الزاويه .. لقيت فيها شرب و فواكه .. و شكاليط و عصير .. ✨
خديت الشكلاته وقريت عليها خفت تطلعلي فيها حاجه محرمه يا كبدي 😂
وملقيت فيها شي كليتها .. معرفتش شن ندير قلت نرتب الحوايج .. 🙈 وكان في دولاب وين مافي الصالون فتحت السهاره الطويله يلي كانت في الزاويه .. وبديت نرتب فيه .. شبحت حوايج قيس ملوحات ع الصالون زبطه طلع .. مبيتش نمسله حاجاته علقتهم وخليتهملا ✨
قعدت ساعه الا ربع واني نرتب كان كل الحوايج مطبقه اني نحط وخلاص وال ولاب مساعد كله رفوف .. ✨
مشيت للشكماجه يلي كانت مقابله السرير و حطيت عليها حاجاتي .. ✨
ورتبت حاجاتي شبحت للساعه لقيتها ال10 بتوقيتهم .. ✨
شن ندير شن ندير حتي البلاكونا منقدرش نفتحها توا يخشله الضي 🙄 خديت مكياجي و خشيت الحمام .. وقعمزت نمكيج .. 🙈
وعاد كلنا نعرفوا البنت لما تكون رايقه وتمكيج 😍
.
" درت فونديشن وكونتور و ايلاينر .. وكحلت عيني بي الابيض من داخل ورسمت حواجبي وفمي بالبلون ترابي زي البودري .. وقعمزت ندير في الماسكرا لان نعطل فيها هههه 🙈 "
.
كملت ميكب .. ومشيت للدولاب و طلعت .. " سوريه سوده مخططه في الاسود فالينيا صوف بيضا وكانو طراف السوريه من تحت باينات .. وسروال دجينز ازرق .. ولبست وشاح رصاصي وسبيدروا رصاصي و و مفيش داعي انزل معاي شنطه "، ونزلت من الدروج .. وقعدت فيه ستيتن ساعه دهشت دهشت للمليوون قريب صختت وكل شويه نرتاح .. ودرجاتهم كبيره متع عداااب 😂
و اول ماكملت مشيت نجري خديت شيشه اميه 😂
وقعدت نلود في الهوتيل مليت منه ..طلعت الشارع .. والكل ما نمشي خطوه انصور المكان مش منريحش 😂✨
______________
شموخ ✨
..
شموخ " فتحت عيوني لقيت روحي راقده ع الصالون شفت الساعه لقيتها لقيتها ال 12.. نضت للدار نجري نشوف في جهاد ملقيتاش .. ✨، شديت فوني نتصل بيه "
اتصلت مره تنين .. وفي نهايتها رد .. ✨
شموخ : اللوو جهااد !😭
جهاد ؛ ايوا شن في متصله ع الصبح !
شموخ : ياربيي ويننكك هكيي نتصلل متردش ؟😭
جهاد ؛ مشيت بتت فحوش اسماعيل !
شموخ : بعتلي مسج خفتت علييك 😭
جهاد ؛ نكدوا علي ام امي وبعدين اتصلوا !
شموخ ؛ شن دنبي اني 😢
امك متحبنيش !
جهاد ؛ فكني منها الدوه هادي ترا مشو بناتك للروضه ؟!
شموخ : لا اصلا قاعدات راقدات !
جهاد ؛ به وتوا روحكم منتغدوا برا !
شموخ : حقاا حبيبي 💓
جهاد : ايي !
وتيلي حوايجي !
شموخ : حاضر 💓
وسكرت .. ✨
جهاد : ااااخ ياربي نحبهاا 😔❤
_______________
فحوشنا .. ✨
هبه : لالا في طماطم !
جيب جزر وخيار وبدنجان !
واخطب علي ميسا من المدرسه !
امبه .. لالا تعبانه اليوم حبيبي منقدرش ننزل نساعد امك 😔
يامحمد والله ضهريي 💔
اووف به به 😒
وسكرت .. ✨
هبه تعجب فيه .. ؛ هبه امي تعبانه والبنات في الجامعه ومعندهاش من يعاونها 🙄
وانا مالي امي واني منندريش 😪
الزفتت 😒
--------
ماريا واحمد ✨
ماريا : احمد برا لي شغلك خلاص !
احمد ؛ منقدرش نخليك بروحك ❤
ماريا : متخافش نبي حاجه نكلمك !
احمد ؛ قلبي ميطمنيش ❤
وبعدين مفيش حاجه اهم منك !
ماريا بساته : اوووه بيبي اي لوف يو ❤
احمد ؛ حبيبت قلبي 😘
ماريا : برا علي خاطري 🙈
احمد : غدوا نمشي 😘
.
.
--------
يزن : ياام تبي حاجه ❤
ماما بساته : دير بالك علي روحك ❤
وعقبال ما المره الجايه تسافر انت ومرتك يارب 👐
يزن : تخركي من مكانك ياام منبيش نتزوج مزال صغير 🙄
ماما : صغير فعينك !
يزن باس راسها : مع ا.لسلامه ❤
ماما : تمشي وتجي بالسلامه ❤
يزن ؛ سلمك ❤
..
---------
حوش علي ✨
فاطمه : مكلمكش خوك يا الاء ؟
الاء : لالا !
حلا : مرته منزله انهم وصل~ط، !
فاطمه : اطلبيهالي يا الاء عل فايبر !
الاء : به !
حقا حنيڤف..ن ورتاج جايات اليوم ! 😍
حلا : واني مروحه 🙈
الاء : لاا عاد بلا جو اقعدي !
حلا : خلاص سمستري الاخير ولازم نشد !
الاء : ربي يعاونك ❤
حلا : يارب ❤
وفتحت السناب .. ✨
وقعدت توري لي عمتي .. في سنابي ✨
عمتي : هادي كنتي ؟!
حلا : اي !
عمتي : ماشاء لله 😍
حلا تعغلقت .. وناضت شربت اميه .. ✨
الاء : اهو ماما قيس رد .. ✨
.
.
قيس كان راقد علي بطنه ..✨
قيس .. " كنت راقد مافقت الا علي صوت الفون مديت ايدي واني مغمض عيوني .. ورديت .. "
قيس : الوو 😣
امه : الوو وليديي !
قيس : ها ياام !
امه : راقدد ، اي حقا وصلت ؟!
قيس ؛ شن رايك ؟
امه : ااه به خيرك مكلمتنيش ؟!
قيس : نسيت تعبان رقدت 😪
امه ؛ ااه وينن مرااتك ؟
قيس : راقده راقده بري خليني نرقدد 😣
امه ؛ وااك به يه برا !
وسكر .. ✨
قيس حط الفون وغمض عيونه .. ✨
وبعدين لف علي ظهره .. وشاف ملقانيش جنبه ..✨
قيس : رورو ❤
وناض .. قعد يشوف فيا ملقانيش في الروم قال اكيده نزلت .. ✨
ناض خش الحمام ودوش .. وطلع لاف الفوطه علي خصره .. ✨
لقي الشناطي محطوطات في زاويه بروحهك مشي شافهم لقاهم فاضيات .. ✨
مشي فتح الدولاب ولقاهم في الدولاب .. ضحك ✨
وطلع سوريه بربري بيج ولبس دجاكيت اسود .. وسروال دجينز وكدار بيج .. ✨
ووقف دار شعره ولبس ساعته وخاتمه وخدي فونه وطلع .. ✨
.
.
انزل وطلع فونه واتصل بي حلا ..✨
قيس : الو
حلا : هلا حبيبي
قيس : شن جوك
حلا ؛ حلو بسماع صوتك ❤
شن شكلك مش طالع مع مرتك ؟!
قيس : شن عرفك طلعت ؟ 😓
حلا ؛ العصفوره هههه
قيس : غر هيا !
حلا : ههههه شفت ع السناب !
قيس : ااهاا .. اهي كيف خاشه هيا ! 😍
بري هي !
حلا ؛ به باي ، انحبك ❤
قيس : حتي اني ! 🙄
..
اني خشيت للهوتيل لقيته قدامي طول مشي اتجهت جيهتا ❤
..
قيس طبس عليا ووخر الفون من علي ودنه وباسني من خدي : شن وين كنتي ؟ 😍
اني : انلود 🙈
فيس حط الفون فجيبه وحضني : وين مشيتي ؟
اني : امم لدت مشيت لي الدكاكين 🙈
قيس طبس وباسني : طالعه حلوه هلبا علي فكره 😘
اني ضحكتله : شكرا ❤
قيس : فطرتي ؟
اني : اا هئه !
قيس : تعالي نفطروا .. ✨
ومشينا للكافي يلي في الهوتيل وقعمزنا .. وطلب .. ✨
قيس : امتا نضتي ؟
اني : منعرفش لكن طلعت العشره ! 😄
قيس : نشاط صار 😂
اني : ايي ههه امس كله راقده ساد 🙈
قيس : حيرك منوضتينيش ؟
اني : مبيتش نزعجك 🙈
قيس شدلي ايدي : كان متزعجينيش انتي من بيزعجني ترا ؟ 😍
اني طبست راسي من الحشم .. ✨
قيس : مش ناويه تبطلي حشم انتي ؟
خلاص راه تعبتيني معاك اكسري الحواجز اني راجلك ❤
متعودتيش عليا معقوله ؟
اني ليا يومين راقد جنبك واليوم نضت ملقيتكش نضت اندور فيك هههه ❤
اني قمت عيوني وشفتله : ههههه محلاك ❤
هكي كلامك ودوتك وكلك حلو 🙈 💓
قيس وقام حاجبه : هههههـ لا هلبا عليا هكي راه ❤
ياودي نبي منه هلبا الكلام هدا 😉
اني وجهي ولا احمر ؛ ههه وقف خلاص 🙈
قيس باسني : واخيرا انطلقتي ايوا هكي نبيك ، ادوي وتكلمي ، كآني مش غريب 😘
جي الراجل حط الحاجات وهو وخر من عليا .. ✨
ومشي وبدينا ناكلو .. ✨
قيس : مكلمتيش اماليك ؟
اني ضربت علي راسي : حي نسييت !
وقمت فوني .. ✨
قيس خداه من ايدي ؛ كولي الاول !
اني : كلمتهم انت ؟
قيس : امي كلمتني واني راقد !
اني ااها
قيس : الروج طالع عليك حلو 😍
اني شبحتله وضحكت .. ✨
اني فوني هز وصلني مسج فايبر .. طبست شفته وكان .. #بهاء ✨
اني شفت الاسم انصدمت .. خليت روحي طبيعيه وكملت ماكله .. ✨
.
.
______________
هبه و محمد ✨
محمد : يا هبه ريحيي عميي 😡
هبه ؛ انيي تعبتتت اني الوحيدده يليي انضمم ليي امكك ونقيملهاا وانسيقلهاا وفي الاخيرر متقوولشش بييهه خلااص ضهريي تكسرر شنن هدااا ومزال حرتت علياا وقتلي اغسليي الماعيين ! 😠
اني مدخلنيشش ماهيااش امي عندهاا زووزز صبااياا ويااريتت يحبووني يكرهوني وطول اليووم يلقحوواا علياا 😠
محمد : هبهه سكريي فمكك خيرر مانكسرهووللكك 😡
هبه : اي اضرب اضربب !
اصلا ديماا الحقق عليااا 😡
محمد ؛ ياربيي يااربيي صبرنييي 😡
هبه ؛ بريي انتيي اقلبيي وجهكك اكتبيي واجبكك 😠
ماريا مشت .. ✨
محمد : معشش تعيطي ع البنتت !
محمد ناض خدي مفتاح السياره ؛ هي وتي حوايجك خلي منرفعك حوش اماليك 😡
هبه : شنوو ؟
وليشش ان شااء لله 😡
محمد يتكلم وسنونه علي بعض : شااد اعصاابي كلمهه هياا !
اطلعي يا وجهه النككد !
وقت تحترميني وتحرميي اميي تواا نجيبكك 😡
اني لوطه !
طلع .. وقربع الباب ✨
.
____________
احمد و ماريا ❤
احمد ؛ ميمي قعمزي في مكانك معش تتحركي !
ماريا : تهبت البيبي طول الوقت مخليني مقعمزه !
احمد قرب منها وباسها من خشمها .. : انحبكك 😘
ماريا : حتي اني هلباا ❤
احمد حط ايده علي خده .. ✨
ماريا حطت ايدها ورا رقبته ؛ هبيبي منقولك !
احمد : شنو يا عمري قولي !
ماريا : ليا هلبا مشفتش ماما استاهشتها 😔
احمد ؛ توا مضغوط يا عمري عندي شغل !
ماريا : نمشي اني بروهي عادي !
احمد ؛ لاا مشش عادي 🙄
ماريا : هبيبي 😔
احمد ؛ ايي علينا فكنا من الصوت هداا 😘😘
ماريا : 😔😔
احمد : خلاص عاد بلا زعل !
ماريا : هبيبي انت هلبا ههكي ديمه نو نو نو 😢
ديما مشغول ديما مش فااضي !
اوماي قاد يا اهمد اعيتت 😢
احمد ؛ لالالا ياروحي بلا دموع حاضر خلاص خلاص غر اووس 😘
.
___________
عندي اني و قيس ❤
اني ؛ لا نركبوا شويه قبل ! 😄
قيس : هي تعالي !
اي حقا امبكري كيف نزلتي من الاسانسير مخفتيش 😂
اني : نزلت من الدروج 😂
قيس شبحلي ؛ ههههه تبصري وله ! 😦
اني : لا خفت هلبا !
استنيتاا يجي عطل نزلت من الدروج !
لكن نزلت خديت شيشه اميه عطشت 😂
قيس : ههههههه كم قعدتي فيه 😂 ؟
اني : هلبا اكتر من ١٠ دقايق هلبا 😂
قيس ؛ ههههههههه خشي خشي !
اني خشيت .. في مكان مايركب بينا كان حد طالبه تحت نزل تحت .. اني شديت في الحديده وغمض عيوني .. ✨
اني خفت : ووووه بيطيح بيناا 😨 حي عليا معش قادره نتنفس 😓 شكله خش بينا تحت الارض 😢
قيس مات من الضحك : 😂😂😂
اي بيطيح ، وجبدني من ايدي لين انضربت علي صدره : متخافيش يا مهبوله .. وطبس وباسني من خشمي ..😘
ناززل نازل !
اني حضنته : اووف ، هياا مزال 😔
قيس : كانن نندري الاسانسير يخليك تتكلمي راه انبيتك فيه 😂
اعيت من طول الوقت نتكلم بروحي 😂
اني كيف منتكلم الباب انفتح وكانت عزوزه .. ✨
خشت وشبحتلنا وقعدت تضحك .. وتشوفلنا ✨
اني بعدت وضحكتلها .. ✨
ووصلنا لي دورنا وطلعنا .. ✨
قيس : شن رجعلك التنفس توا 😂
اني تحشمت وقعدت ساكته .. ✨
خشيت الدار نحيت وشاحي طول .. قيس سكر الباب و لوح الحاجات ع الصالون وجي شدني من ايدي ✨
قيس : اللطف خيره ايديك مسقعات ؟!
اني توترت : اا من الصقع 😓
قيس حط ايده علي دقني وباسني .. اني وخرت .. ✨
قيس قعد يشبحلي : خيرك ؟!
اني : اا اا منشرب عطشانه !
قيس : هههه هكي طريق الحمام .. غادي التلاجه 😂
اني : اا منكلم ماما قبل !
قيس : تي يا ودي ماصدقت بديتي تتكلمي !
توا بديتي تتهربي 🙄 ؟
اني تلفتله ؛ مش هكي ! 😓
قيس ضحكلي ، متع يبي يحطني فموقف محرج : نبيك اليوم اصلا 😉
اني مشيت نجري خشيت الحمام .. ✨
قيس : هههههه نحب نحط البنات فمواقف محرجه 😂
بدات هادي 😂😂
وقالي ؛ تلفونك ع السريرر راهو مش في الحمام 😂
والميه في التلاجه جنب الصالون 😂
..
اني : هههه ياربي خيره هادا 🙈
___________
شموخ و جهاد ✨
في المطعم .. ✨
شموخ ؛ خيرك من بكري ساكت لا تبي ترد علي اجوبتي لا وين كنت لا شي ولا تبي تتكلم !
في شي ؟
ارين ؛ ماما عسيير !
شموخ ؛ هاك هي !
في شي ؟
بتتكلم فموضوع ؟!
جهاد تنهد ؛ ايه !
شموخ خافت وسخنت مع بعضها وتوقعت شن كان بيقول .. وقتله بكل توتر .. ؛ ش ششش نو تكلمم 😰
جهاد ؛ اني عارف ان يلي منقوله .........!!!
شموخ ؛ 😨😨
..#يتبع ✨
__________________
عندي اني ✨
قعدت في الحمام جو ١٠ دقايق وطلعت .. لقيت قيس مقعمز ع الصالون ويلعب الفون .. ✨
اني مشيت فتحت الدولاب مناخد حوايجي .. ✨
قيس : واخيرا شفتك 😂
اني وجهي احمر مش قادره نشوفله .. تلفتت جيهته وشفتت ...... اني ؛ ااا شن هدا ؟؟ 😳
قيس ؛ #يتبع ✨
_________________
رايكم وتوقعاتكم ❤
زعما جهاد شن قال لي شموخ ؟
اريام شن شبحت ؟
بهاء شن بعتلها ؟
وشن وشن وشن ... ✨
كله حتعرفوه في الحلقه الجايه 😘
نبي كومنتات حلوه زيكم ونبي تفااعل 🙈
مش الحلقة الجايه تكون طويله باهي 🙈
❤
#الادمونه ✨
