.
🌹 رواية : مشاعر مبعثرة 🌹
🏵 الحلقة : الاولي 🏵
-----------------------
احمد : اووو البقره ناضت 😂
اني نعجب فيه ؛ قاقاقاقاقا 😒
احمد ؛ والعه فوقها به خلاص 😁
ماما : خلي اختك ومعش تناشبها 😑
هبه ؛ ههههه هادي قتوسه مش بقره راقده لي ال٢
اني ؛ شن حاسيدتيني فيها النوضه هههه 😬
هبه : ايه 😌
اني ؛ مقالك حد تززوجيي 😄
هبه : هههههه يمااا من لساانكك 😄
ماريا : اسلااام اليكم ❤️
وجت باست راس ماما 💛
محمد : السلام .. اوو بقره شن الجو !
اني راقده علي رجلين ماما : باهي
شموخ جايه ؟
ماما ايه اليوم خميس !
اني ؛ بابا وين ؟
ماما : بيروح بي شهد وسوسن من الجامعه !
وخشت ميسا ؛ اميمه كيف حالك وباستها ❤️
ماما : الحمد الله ❤️
هبه شبحتلي وتكلم فيا بالشويه ؛ شنن مش ناوية تضعفي ؟!
اني ؛ هههه لا عاجبتني روحتي !
هبه ؛ بتقعدي في الرقبه ههه ياخسارت العوينات الخضر بسس ! 😄
اني ؛ قعده فحوشنه ههه !
ويوصلني مسج .. " حبيبي مستاحشك نبي نسمع صوتك 💔😔"
اني قمت راسي لقيت هبه معاي ولما شبحتلها تلفتت .. اني سكرت فوني وقعمزت نهدرز معاهم ✨
.
.
.
#الشخصيات 👪👨👩👧👦
------------------------
بابا ؛ عيسي .. يخدم في شركه والحق طبعه واعر كلمته تمشي في الحوش من خوي لكبير المتزوج واختي المتزوجه لي شهد اختي الصغيره ✨
عمره 55 .. يخدم في شركه مع صاحبه معين .. يعني فاتحين الشركه مع بعض شركه معدات طبيه وجو ادويه وهكي ..✨
ماما ؛ فيروز عمرها 53 ابله رياضيات ✨
خوي محمد ؛ يخدم مع بابا عمره 31.. مرته هبه وعنده بنت ميسا تقرا في الابتدائي .. وواعر وحزار ✨
هبه ؛ مرتت خويي محمد الحرفهه هيا مش مسموه بس تقدروا تقولوا تغار مني عمرها 25 سنه متخدمش ✨
احمد ؛ خوي عمره 29 قاعد عريس ليه 6 شهور متزوج .. يخدم مقاول و مهندس ومرات يمشي يساعد في بابا فخدمته ✨
ماريا : مرت احمد اكرانيا تهبل كيف تتكلم وقنينه ع الاخر في اسلوبها وكل شي هههه وفالحه ادير في كيكات مش طبيعيات 😂😂
يزن ؛ خوي عمره 27 اطيش واحد وديما مسافرر ميقعدش في ليبياا دكتور ✨
شموخ : اختي عمرها 26 متزوجه وعندها توامه .. 😍
ارين و الين .. عمرهم سنتين ✨
راجلها : جهااد يخدم دكتور 🙈
.
اني ؛ اريام عمري 24 متخرجه من الاسنان وماعنديش وين نخدم .. نحب ناكل ونحب الاكل .. معنديش حظ مع الرجاله .. 😂😂
ومن تقعميز الحوش وزني مولي 70 ✨
وكل ما نطلع لازم نخطم علي 3 محقيقين بابا وخوتی الزوز ، ماشاء لله 😒 " الطلعه بحسابها ''✨
سوسن : اختي تقرا في هندسه عمرها 22 وهيا وشهد صحاب هلبا ❤
شهد ؛ اختي الصغيره تقرا قانون .. عمرها 20 .. ✨
" والباقي الشخصيات حتعرفوهم مع الروايه 🙈 "
.
.
.
.
.
شموخ & جهاد ✨
شموخ : يا جهاد هياا جيب ارين وهياا !
جهاد ؛ يا حبببيبي باهي 😪
شموخ ؛ وقيم الساكو رزين عليا !
جهاد ؛ باهي
شموخ قامت صونيه الكيكه من الرخامه وطلعت ..✨
ركبوا السياره ..🚗
شموخ ؛ درتلك طاجين كيكه وقصينهالك وحطيتها فيي الثلاجه ! ودرتلك شربه لعشي ودجاج وبطاطا و غدوا تعالا تغدا عندنا !
جهاد ؛ به !
مرات نمشي لي امي اني بعد مانمشي ناخد حاجات للحوش !
شموخ ؛ اي امششي شوفها !!
جهاد : اي
الين ؛ بابا ابي تاكا
ارين ؛ اتي اني ابي !
جهاد ؛ هههه حاضر ودرس وخدي شكاليط .. ✨
____________________
بابا & شهد & سوسن ✨
بابا ؛ هاا خيركك عطلتيي سااعههه مش تجيي !
شهد ؛ باهي شنن منديرر !!
بابا ؛ استغفرر الله !
شن جاوبني اليوم !
شهد ؛ اييه جاوبتت !!
الحمد الله 😍
بابا ؛ باهي كوييس !
وانتي خيرك ساكته !
سوسن : راسي يوجع 🙀
___________________
اريام 💛
اني ؛
" اسناحشاتك العافيه 😒
شنن تبيي ؟ "
بهاء ؛ " شن شنوو نبيي ، نبي نشوفكك ! 😭💔 "
اني ؛ " الحق الجق معش عندي نيه فيك ومنبيش نشووفكك ''
بهاء : " علاش به ؟ "
اني : " لاشي سلامتك هكي وخلاص "
بهاء : " به خلاص اسفف ! "
اني : " لااااا منببيش نكلمممكك خللاص طيررر !! "
ولوحت الفون ع السرير لقيت شموخ كيف خاشه ..✨
.
.
اني : ارونتتتيي ❤
ارين ؛ ايوماا 😍
وجت حضنتني 🙈
اني قمتها ؛ شموخ قايمه الين راقده .. شوشو شن جوك 😘
شموخ ؛ تمام .. وخشت لي وسط الحوش السلام ❤
وسلمت .. ✨
اني ؛ هههه استاحشتك ❤
شموخ : حتی انی ❤
احمد ؛ شن وين جهاد ؟
شموخ ؛ ماشي مش بیاخد حاجات للحوش !
سوسن خشت : ارووونتتييي 😍
شهد ؛ شمووخ استااحشتكك وحضنتها ❤
شموخ ؛ حتي اني ❤
وخش بابا وطبعا شموخ بنت بوهاا معروفه 🙈
قعمزنا نهدرزوا كلنا وجونا حلو ومروات خوي ركبوا ❤
ويقطع صوت ضحكاتنا اتصال من خالتي فوزيه ✨
ماما ردت وناضت : الوو
خ.فوزيه ؛ الو السلام عليكم فيروز كيف الحال ؟
ماما ؛ وعليكم السلام الحمد الله بخير كيف حالك انتي والعويله كلها وكيف حال البنات ❤
خ.فوزيه ؛ الحمد الله فنعمه ❤
ماما : باهي الحمد الله ❤
خ.فوزيه : مش تتفضلي انتي و العيله لي بيان نورا !
ماما ؛ الله الله ماشاء لله مبارك عليها !
بالك تبيني نساعدك ؟
لا العفو تمام تمام ❤ هههههه
تمام تمام اوک هی مع السلامه وسگرت ✨
انی : شن تبی ؟!
سوسن : ههه نفس سؤاالی !
ماما : بیان بیجو یخطبوهاا !
شموخ : هییی مش ع الاساس معش تبیه ولا ابصر شنو !
سوسن خايفتنا نحسدوها شورها 😂
بابا : اتحشمو معش تتكلموا علي عباد ربي !
شهد : ماقلنا شي !
اني : غر اسكتوا امتي به ؟
ماما بعد غدوتين !
اني : اشييي
بابا ؛ نوضي ديريلنا شاهي
اني : هي !
سوسن ؛ توا انوض اني وناضت ..✨
شهد ؛ ناضت للدار .. ✨
واتصلت بي ال ❤
شهد : الو ❤
زياد ؛ عويناتي شن جوك ❤
شهد : بخيرر مستاحشااتك
زياد : ياناعلياا من يلي مستاحشتني ، حتي اني مرايف عليك يا قلبي ❤
شهد مبتسمه : عاود نعليااا مننككك ومن حبكك يا عيوني ههه محلاك كيف تقول فيها ❤
زياد ؛ هههههه نعليااا منكك ومن حبك ياا حبيي ❤
شهد : ههههه والله انمووت فيك ❤
شن روحت من الشغل 💕
زياد ؛ اي في الطريق حاس روحي تعبان ❤
شهد : اممم بعيد السو عليك روح تغدا ودوش وارتاح !
زياد : نعشقكك يا بنت ❤
اااخ غر امتي انروح ونلقاك تستني فيا وموتيتيلي الغدي 😍
شهد : ههههه ونجي نقولك كمل ماكله واغسل الماعين وسيق المطبخ 😂
زياد : الله الله 😂
شهد : هههههه
زياد : وراسك نمسح حتي المسح المهم انك مرتاحه ❤
شهد : ربي يخليك ليا 💕
زياد ؛ وليا ياعمري ❤
هي بري توا وصلت وكان مكلمتكش معناها ارقدت !
شهد : تمام يا عيوني 💕
سلاماات 💕
زياد : سلامات ❤
وسكروا ✨
وطلعت .. لقتنا نشربوا في الشاهي .. ✨
ماما : وين كنتي ؟
شهد : في الحمام !
وقعمزت صبت شاهي وققعدنا نهدرزوا .. ✨
_________________
ماريا و احمد ❤
ماريا : اهمد نوض صلي !
احمد : حاضر يا حبيبي شويه بس انكمل الورق هادم !
ماريا : اوك .. نديرلك قهوه !
احمد : اممم اوك مابين ماصليت .. وناض صلي و رجع دارتله قهوه وجت جنبه .. ❤
ماريا ؛ هبييي خلي ننزلو لوطه جنبهم درت كيك ❤
وبعدين نركب نكملوا انا وياك 🙈
احمد : شبحلها وباسها من خدها تمام يا عيوني ❤
.
.
.
~
.
.
.
سوسن : ااااي يا غبي يا بابا كلمه 😭
يزن : مادرتلهاش شي 😇
سوسن : اسكت 😭
شموخ : علاش جابدلها شعرها تعرفها تحب تبكي وله !
يزن : كدابه درتلها هكي 🙄
سوسن 😢
ماما ؛ تعالوا ننزلوا للجنان !
بابا : طلع من داره ، هي !
ونزلو هما وقعدنا اني وشموخ انديروا في السفره ✨
اني ندير في الشاهي والقهوه : شن جو راجلك !
شموخ ادير في البشكطيات: باهي لكن امه تقول ضرتيي تعررفيي مفدادتني ودوره دوره بنت خالته منقزتلي في حوش ووتتلصق عليه !!!
اني : هههه ووه ع البراده !
شموخ مفدادتني .. : هداكا اليوم جتنا واحني راقدين جهاد قاللها بري انزلي معش تركبوليي وانيي راقد هو ميندريش .. ولما فتح الباب لقاها 😂😂
هيا انحرجت 🙄🙄
اني ؛ تستاهل 😂😂
شموخ : حاله !
.
.
.
في الجنان ✨
بابا : اي والله سعيد تااعبب هلبااا غدواا بيمشيي يحلل ويشوف شن فيه !
ماما ؛ لا حول ولا قوه الا بالله ربي يلطف بيه !
يعني توا الشغل اغلبه عليك !
بابا : لا والله مسكين قاعد يجي !!
ماما ؛ اي اي
ماريا : سلام اليكووم 💕
الكل : وعليكم السلام 💕
سوسن : الله كيكه 😍😍
شهد : اريااممم ارييااام !
بابا نقصي حسك جيراان !!
شهد : امبه !
اني وشموخ نزلنا .. ونزلنا الكيكه يلي دارتها شموخ ✨
اني : اااه يا ماريا شن اديري فياا بتوصليني الميه 😂
ماريا : هههه صحتين
ماما : اي واقعديلي اهني .. واشرت علي رقبتها .. ✨
كلنا ضحكنا معادا بابا .. : مليكش دخل بيها !!
اني : هههههه
ماما 🙄🙄
ارين : ماما ابي كيكه 🙆
الين : هتي اني 😇
ماريا : مهلاهم كيووت ربيي يهفظهم ❤
شموخ : سلمك ياربي ! ❤
وقعدنا شويه ودرنا عشي .. وجي محمد وهبه .. و تعشيناا .. وماما قالت للكناين ع البيان وناض كل حد لي حوشه و ميسا قعدت تبكي شاده في امها تبات لوطه مع ااين وارين وقعدت ❤
و سوسن و شهد يضموا في الطبخ .. ✨
سوسن ؛ تعرفي من عركه امس مكلمنيش !
شهد : وخيره علاش ؟
سوسن : مش عارف اتصلت بي نادين قتلي راقد !
شهد : ايح توا انشدوا في بابا غدوا انقولله يرفعنا حوش عمي وانتي كلميه !
سوسن : انكلم عينه منغبرها عليه اصلا !!
وبعدين غدوا منطلعوا مناخدوا قفاطين !
شهد : ايح !!
سوسن : هي تعالي !
" شهد و سوسن مع بعض دارهم واني بروحي ، وشموخ والبنات رقدوا معاي " ✨
سوسن : غر جي ولد عمي كان هدا قلت يخون فيا !
شهد : الرجاله مافيهمش امان راه 🙄
سوسن : اسكتيي 😒
خلي نشوفه .. واتصلت .. ✨
طووووط طوووط وقعد يشرين وكيف بتسكر .. ✨
رد .. وشهد اتصلت بي زياد ✨
محمود : ايوا
سوسن ساكته ✨
محمود ؛ الوو !
سوسن : طيبب فيكك ردييتت !!!
محمود : سوسن ، شن في منرقد ؟
سوسن بتبكي : ويننكك اليومم ماتصلتش وحتيي امسس !!
معقوله هكيي !
محمود مسح علي وجهه : لانك انتيي الغالطهه !!
سوسن : ولوو كاان هكيي اديرليي !
محمود : غدوا نتكلمو لان منرقد !
تصبحي علي خير !
سوسن : وانتـ تت بخـ ير ! 😭😭
محمود : ياربيي ياربيي علاش البكيي توا معش تبكي خلاص !
سوسن ؛ شوف روحكك انتت 😭😭
محمود تنهد : امبه خلاص اسفف حبيبي معش تبكي !!
سوسن : محمودد باااي براا ارقدد تماامم واسففهه ع الازعااج !!
وسكرت وقعدت تبكي ..✨
.
.
زياد : وووه متقوليش النفسيه تبكي !!
شهد ؛ ههههه ايي ! 😂
زياد : ربي يهديك يا محمود علي صداعات الراس 😪
شهد : ههههه
زياد : اماله بري هي منرقد .. تصبحي علي الف خير يا عمري 💕
شهد : وانت بي الف مليون خير 💕
وسكرت .. ✨
زياد غمض عيونه وعاش في حلمه .. محلاها يارب لا تحرمني منها ❤
.....................
سوسن .. تبكي .. ✨
شهد : خيركم ؟! 😔
سوسن : شهد ونبيي خليني منبيش ندوويي وغطت راسها وكملت بكي ✨
سوسن " هدااا اسلووب يكلمنيي بيهه معقولهه شن درتلهه اني 💔 "
______________
اني و شموخ ❤
شموخ : تمام حبيبي تصبح علي خير ❤
جهاد ؛ وانتي بي الف خير ❤ نحبك 🙈
شموخ : حتي اني ❤
وسكرت .. ✨
شموخ تنهدت وناضت غطت البنات ..
ورجعت ع السرير ✨
شموخ : شنو مفيش حاجه هكي ولا هكي ؟
اني ؛ فرقت حالي !
شموخ : علاش ؟
اني : من الطلوع يلي مقطع بعضه !
ومتشوفيش فيا سمينه زي التور ماعندي ما ندير !
شموخ : سامنه هلبا !
اني : ميعطوش فيا في السياره مش نخش جيم !
شموخ : اييي علينا !
اني ؛ حالله منعنزز نهاري الاحرف !
اني : وبهاء مكلمكش ؟!
اني ؛ امبكري كلمني .. وورتلها المسجات .. ✨
شموخ : مصح وجهه صيع صيع وقوللها استاحشتك !
اني : وحتي اني استاحشته 🙄
شموخ : وشن قاعد خاطبها هديكه ؟!
اني طبست راسي ؛ اي قاعد خاطبب !! 😔
شموخ : لا فكنا من هالسمايل ربي ياخد فيه الحق !
اني تنهدت ؛ ان شاء لله !
لكن والله كل منتفكر الموضوع انحس روحي مهزله !!
تخيلي تكوني تفطري مع صاحباتك شويه تلقيه مع بنت في كافي !
ولا ولما مشيتله .. ✨
" اني : بهاء ؟!!
ش ششن اديرر اهنيي ومنن هادي ؟
بهاء : اا اا منو انتي ؟
البنت تشبحلي ؛ تفضليي ؟!
اني : بهااءء منن هاادديي تكللممم 😢😢
بهاء : انتي منو وشن ليك علاقه !!
البنت : اني خطيبتهه !!
تفضلي تبي شيي ؟؟!
اني مصدومه : تكدببي !!
بهاء شد ايدها يلي فيها الدبله بي يده يلي فيها الدبله .. : لو سمحتي يا انسه ممكن تمشي فيي حالك !!
البنت 😒😒 "
شموخ : صدمهه رااه !!
مش تشوفي ربي يبي يفضحه تخيلي كملتي معاه !!
اني : الحمد الله وخلاص !
شموخ : ربي يعطيك الاحسن منه !
اني : ياارب 👐
.
.
.
~
.
.
.
جي الصبح نضت ملقيتش شموخ .. طلعت من الدار سمعت بابا يقول .. ؛ لا حول ولا قوه الا بالله ان لله وان اليه راجعون 💔 ..... #يتبع ✨
_____________________
رايكم في الروايه ..
#الادمونه 🌾
