تفاعل يلي قبلها معجبنيش .. نبي تفاعل علي هادي اكتر 😌
💕
🌹 رواية : مشاعر مبعثرة 🌹
🏵 الحلقة : السابعه🏵
" قراءه ممتعه🌚 "
___________________
ماما ؛ خلاص يا عيسي متضغطش ع البنت !
متبيشي كلمهم وقوللم هدا زوااج دوم مش يوم !!
بابا تعفلق : اني منوليشش فكلمتيي وحتتزوج !
والفضانيه يوم الاتنين !! 😠
ماما شهقتت ؛ تتسهووكك انتت قصددكك بعدد غدووااا خييررككك انتتت 😠😠
مهبوولل ومش موتيينن شيي !!
بابا : يلا يلا فكنيي مننككك !
بعدين اطلعي انتي وبنتك وخودي الناقصص !
ومشي خش الحمام " حشاكم " ✨
ماما ؛ بيهبلنيي هالرااجللل يااربيي 😠
اني طلعت نبكي ومشيت خشيت داري .. ✨
شهد ؛ ماما خيرها اريام ! ومشتلي .. ✨
ماما مردتش ؛ استغفرر الله ! 😪
وفجآة تخش علينا شموخ .. : مفاااجااه 🙈
سوسن ؛ بناتييي 😍😍
الين تحشمت خشت ورا امها ..
ارينن ؛ خويله 🙊
سوسن قامتها وجت تسلم علي شموخ ؛ شن جوك ❤
شموخ ؛ الحمد الله ❤
ماما تبوس فيها ؛ كيف حالك ❤
شموخ كويسه 💕
وانتي 💕
ماما ؛ فينعمه ❤
نادين : اهلين ،❤
شموخ ؛ اووهووو ندون عندنا 🙈
نادين ؛ ايهه ❤
ياا وخيتتييي كبرووااا البنااات 😍😍
شموخ ؛ هههههه اييه 🙈
وين شهد و رورو ؟
ماما : في الدار !
وجتنا شموخ .. ✨
.
سوسن ؛ بابا اصرر عليهاا ع العريس صحح !
ماما : شن منديرلهه !! 😪
سوسن ؛ ميجييشش عااد هكي كيفف يغصبهاا !!
ماما : قال العيله محترمه و معين قال لي خوه كان بتزوج ولدك خودله وحده من بنات عيسي !! 🙄
نادين ؛اا منمشي نشوف رورو ! 😧
وناضت .. ✨
سوسن بتبكي ؛ مش من حقه بابا يحكم في حيااتها !
هدا الشي دوم مش يوم هيا متبيش خلاص ! 😢
ماما ؛ سوسن متزيديينييشش !
سوسن مشتلي .. ✨
.
.
اني ؛ منبيشش نتجووز انيي !!!
بهااء قاليي منجيبب اميي !! 😢
شموخ : يا بهيمه مفروض تفرحيي !!
ربي جابلك خير منه !
اني نمسح في دموعي ؛ ممكن تخلوني !! 😢
شهد ؛ اي اقتنعي معشش تتهربي هدا الكلام الواقعي !!!
سوسن ؛ اي صح !
نادين ؛ بهاء صفحه وطويتيها ولا كنتي توهمي في نفسك !!
اني ؛ هيا فرصه لكن .. 😢
شهد ؛ وفرصهه حلوه !
شموخ ؛ مش قلتولي طرووف !! 🙄
شهد ؛ تيي يقتلواا 😍😍
اني ؛ وشن الفايده واني منعرفاش !! 😢
شهد ؛ الفايده صغارك بيطلعوا طرووف 😂😂
كلهم قعدوا يضحكوا : 😂😂
اني : ههه يابارده
واتصل بهاء .. ✨
اني تنهدت ؛ وكيفف ننساه وهو كل يوم يتصل ؟
شهد ؛ كانه كاترات اتصالاته اليومين هاددم !!
اني منغير الموضوع ؛ ااا منبدل ممكن تطلعوا !!
كلهم شبحولي ؛ بترديي !
اني : ايييي علينا خلوني فحالي !
طلعوا كلهم .. شموخ ؛ توا تندمي علي اديري فيه ربي جابلك هديه وانتي اضيعي فيها !!
اني لوحت الفون : خايفه !
بهاء حوشه واتي وو وحسيتهه نادمم علي داره !
شموخ ؛ انتي يلي بتندمي !!
وطلعت وخلتني .. ✨
اني : يااااربييي 😪
.
.
مر الوقت مع جو ال6 كلهم قعمزوا في جنان ✨
ماما : دريولنا نسكافي !
ماريا : ااه شدو ومدتلها المفتاح .. فوق في التلاجه فيي كيكهه جيبيهاا !
شهد ؛ الله الله 😍
اني ؛ منركب مندير النسكافي !
بابا ؛ متكتريش السكر فيه !
اني ؛ امبه !
نادين ؛ منركب انساعدها !
بابا : شن حال راجلك ؟
شهد تتسهوك ؛ اني ؟ 😂
بابا شبحلها .. شهد : اني منركب نجيب الكيك 😅
شموخ ؛ باهي الحمد الله ❤
يزن خش ؛ اوووو شمشووون اهني !
شموخ ؛ هيهيهي 🙄
ارين و الين مشوله يجروا ؛ خاللووو 😍
يزن قامهم ؛ تي شنن جووكمم يا حبايب الخالوو 😘😘
ارين تلعبله بلحيته .. ؛ ابيي شكلاته 🙈
الين ؛ هتي اني 🙈
ارين ضربتها ؛ عشش انبعيني 😠
الين بدت تبكي : خالوو كنمهااا 😭
يزن ؛ معش تضرييها ارونه عييبب !!
ارين ؛ هففف 😔😔
يزن نزلهم ؛ اني منركب انبدل ومنطلع نوضي حداديلي سوسن !
سوسن ؛ لا مش خاطري ديممه نحددلك !
رورو فوق برا كلمهم !!
يزن ضربها وركب و قعدت تبكي .. ✨ .. خش لي داره وطلع سوريه سماويه وسروال بيج .. ✨
يزن شد سوريته ؛ ارياام !
اني نضرب في النسكافي ؛ انعم في المطبخ !
يزن جاها ؛ حداديلي سوريتي !
اني : مش فاضيه يا يزن نضرب في النسكافي ! 🙄
نادين ؛ ااا نحددهالك اني ؟
يزن ؛ ياريتت مابيت ما دوشت !
وعطاها السوريه والسروال .. ✨
ومشي يدوش .. ✨
اني ؛ هههه ياريت تسكني ديمه معانا هههه 😂❤
نادين تنهدت ؛ يااريتتت ههههه ❤
اني ؛ ارزني ارزني 😂
نادين : ماشيه منحددله ❤
ومشت للدار .. ✨
واني قعدت نضرب في النسكافي ونضحك .. ✨
..
_______
شهد ركبت لي شقه احمد وهيا كيف فتحتها سمعت صوت احمد .. ✨
احمد متكي ع الصالون ؛ حبيبي ركبتيي ؟
شهد شاده صحكتها لان كان تضحك احتمال ينطرها بكف : ااا اني شهد ! 😌
احمد تحشم : ااه وشن راكبه شن تبي ! 🙄
شهد : مرتك باعتتني منجيب الكيكه !
احمد ؛ اها به بري خشي خوديها !
.
نادين خشت الدار وقعدت تشم في السوريه .. ؛ اااه محلاا ريحته 😍
وقعمزت بدت تحددله .. كملت تحديد و مشت طقطقت علي داره وخشت وحطتهمله ع السرير ✨
وهيا كيف بتطلع الحمام انفتح .. وكان لاف الفوطه علي خصره .. نادين .. راحت فيه ؛ ااا ح حددتهم ! 😅
يزن : شكرا يا بنت العم 😉
نادين ؛ العفو وطلعت .. ✨
يزن بدي يغني ويبدل .. ورن فونه : اااه يا قدر .. لالا به اماله القهوه
والارقيله علي حسابك اليوم !! 😂
جااي جااي وسكر ✨
.
.
نادين طلعت للمطبخ ملقتنيش نزلت ..✨
ماما : علقوك هالمعفنات في حوايجه !
نادين : لالا عادي 🙈
اني ؛ كان خشبت في مرحله التفيلل هاديي ماريا 😍😍
سوسن ؛ مشش عاديهه كيفف درتيها ؟ 😍
شهد: اهدي اهدي ع الاساس بديريعا 😂😂
سوسن 😑
ماريا ؛ ههههههه اهبااط انتي 😂
اني 😂😂
نادين : امممم تجنن سلم يديك 😍
ماريا : سلمكك 😄
هبه طايرتلها لي ابعد الحدود ؛ راسي يوجع منركب ! 😒
بابا شبحلها .. ✨
محمد : قعمزي شويه ونركبوا !
هبه ؛ لااا 😠
بابا : قعمززيي وبعديين اركبوواا مع بعضض منحبشش من ينوض لماا انكوونو مقعمزز !
ماما ؛ عيسي خلي المرا راسها .. بري بري سلم بنتي !
عبه ناضت وركبت .. ✨
شهد تنهدت ؛ ااااااخ 🙄
يزن جي : هيي تبواا حاجه ؟
بابا : هوتيل الحوش ترقد فيه بس ! 😒
يزن ؛ فكنا يا حويج من التلقيح 🙄
ماما : خلي الولد خيرك انت ! 😑
برا برا سلم ولدي !
بابا : ال 10 تكون في الحوش !
يزن : ان شاء لله !
وطلع ✨
بابا : امتي يشدد خدمته هالفرخ !
ماما : خلي الولد يعيش حياته !
.
.
مر اليوم ومفيشي اي تطور كلمتني بشاير وقعدت تقنع فيا بالموضوع .. جي جهاد وروح بشموخ .. وتعشينا ويلي هدا مشي لي داره .. ✨
زياد و شهد ✨
زياد ؛ شهوود امتاا تكلميناا امكك !
شهد ؛ مش عارفه حبيبي .. 😔
زياد بعصبيه ؛ لي امتا بتقعدي مش عارفه ؟ 😠
كل مرهه نفس الرد !!
شهد ؛ لاان مش حيوافقواا لين نكمل قرايتي !
زياد ؛ هياا خطبهه مش زووااج !
شهد سكتت .. ✨ : خلي يتم موضوع اريام علي خير وبعدين ساهل !
زياد ؛ اوك اوك .. باي تصبحي علي خير !!
شهد: علاش الجو الزاايد !!
زياد تنهد ؛ منرقد حبيبي باي !
شهد ؛ زعلان ؟
زياد ؛ تصبحييي قلناا !
شهد ؛ قدامك كل خير وسكرت .. ✨
شهد ؛ اووووف هالدرراه !! 😠
نادين تتفرج : خيرك ؟
شهد ؛ يبي يخطبب مدايرلي عركه !
نادين ؛ ويجي !
شهد ؛ مستحيللل انخاف كيف منقولل لي ماما 😓
نادين : حاولي تفاتحيها !
شهد ؛ لما تجي شموخ 😂
نادين تتاوب : سكري التلفزيون غدوا ورانا جامعه !
شهد ؛ اي والله !
وسكرت ورقدوا 🙈
.
سوسن .. ✨
سوسن تتصل بي محمود مره ميشدش ومره يطلع مشغول انشغلت عليه وبعتتله مسج .. ✨
" حبيبي طمني عليك خيرك متردش ؟ 💔
ان شاء لله خير انشغلت عليك !! "
.
_'___________'_
اني 💔
بشاير ؛ توكلي علي ربي ونوضي صلي ركعتين وان شاء لله خير ❤
وهداكا معش تردي عليه !
اني : به ، هي باي منرقد !
بشاير ؛ باي .. وسكرت ✨
حطيت فوني ونضت توضيت وصليت .. ورقدت .. ✨
نضنا تاني ونصار شي بابا رفع نادين وشهد للجامعه وماما حطت الغدي ومع ال3 طلعنا اني وياها وسوسن ✨
مشينا الساحل خدينا حلويات .. و هفانا خدينا عصاير فرش .. و موزارت خدينا ماكرون و عطيناهم مترد دارولنا فيه شكلاته وخدينا مكسرات .. وماما خشتت لي محل الماعين اخداته كله 😂 يلي يعجبها تقيمه وهكي احني و ال7 وصلنا للحوش ✨
نزلنا ونزلنا الحاجات .. ✨
وبابا كان مع الرجاله يهدرزوا في الجنان ركبنا طول .. ✨
خشينا بدلنا كانت شهد راقده .. نوضناها .. ✨
وجت قعمزت جنبنا .. ✨
____________________
حوش علي ✨
قيس راقد ع السرير .. وشاد فونه ؛ شن تبي به قولي !
ههههه لالا مش اليوم !
غدوا غدوا به بري توا راسي مصدع !
باي باي وسكر .. ✨
سراج ؛ مش كان تنقص من استعلاماتك غدوا ماشين بيخطبولك !
قيس : مليكش علاقه !!
فكنيي ترراا !! 😠
سراج ؛ بالله سؤال صريح بجد ، ليشش معاارض الفكره انتت ؟
قيس : منبيش نتزووج نبيي نعيش حياتي باستقلاليهه !
سراج ؛ بفساد وانت الصادق !
وبعدين انتت بروحكك قلت البناات طرووفف ، وعجبوككك 🙄
قيس ؛ طرووف وحلوات لكن يا سراج تشبح فيا متع زواج !
فييسعع ما نملل مننحبشش وحنضلمههاا البنتت معااي !
سراج ؛ مفبش حد مش متع زواج ومش ختتضلمها !
قيس : اسكتت ونبيي انيي منبيشش نتقيدد ونعقدد روحبيي !
منحبشش الحيااه الروتينييهه !!
سراج ؛ ايي ايي تسببلل ززيد وانتت تقوول سااحريينك !!
قيس تعفلق وناض طلع مشي للمطبخ يشرب .. وهو طالع لقي امه وبوه .. ✨
امه ؛ قيس قيس ❤
قيس تنهد : هاا شننوو خييرر ؟؟ 😪
امه : وليدي مش توتي رروحك مش ترفعناا غدوا !
قيس ؛ منبيشش نمشيي !
امه ؛ كيف بتشوف البنتتت !!
قيس ؛ منيبيش نشوفف وجهه وفكونيي منن النمم الزايدد الزح حتي في الحوش الواحد ما يرتااحشش 😠😠
بوه ؛ هدا كان بيمشيي بيلبززهاا بريي وتفااهميي مع الناس انتي و حنين و هديكه فزليطن ارفعي الاء معاكم !
قيس خش داره ولوح روحه ع السرير .. ✨
: الزفت الاحرف !
سراج ؛ خيرك ؟
قيس ؛ غدوا بيخطبوا ؟
سراج ؛ ايي !
قيس ؛ اما هيا به الدبه ولا الضعيفات ! 🤔
سراج ؛ مش عارف !
في جميع الاحوال غدوا بتاخد رقمها كلمها ! 🙄
قيس بهزه ؛هه اني نكلمهاا ؟ 😏
سراج : ع الاساس متحشم 🙄
قيس : مش فاضي اصلا غدوا !
وبعدين اني معنديش ع الرسميات ! 😏
سراج ؛ وعلاش مش فاضي !
اي واالله صدقتك !
قيس ؛ مواضيع خاصه 😌
سراج ؛ متعياش ياراجل انتت من البناات !
قيس ؛ فكنيي الززح ونبي فكنني !
سراج ؛ حتي اني يلي تصغر منك مدرت هبالك !
قيس ة وشنن شاادكك ؟
سراج ؛ زمري 😑
.
.
.
مر الوقت وكانه يطير .. ركب بابا و قال جاين مع ال٢ .. ✨
سوسن و شهد سيقوا الدروج وجنان نضيف ماما سيقاته .. واني وهبه نمسحوا في الغبره وماريا وماما يرتبوا في السفر .. ✨
.
.
جي اليوم التاني ✨
نضنا من ١٠ .. ماما دارت رشته كسكاس ✨
و درنا مبطن وهبه دارت سله .. و ماريا دارت بيتزا .. وماما دارت بوريك جبده .. وميني برقر .. ودرنا سلايط ✨
.
وهكي مع ال ١٢ كملنا خشينا دوشنا وكل وحده استوشرت شعرها .. ✨
واني كيف فتحت الاستشوار الضي قال .. تك وهرب .. ✨
اني ؛ لاااا مستحييلل منن اولهااا هكيي 😭😭
ماما : خلاص اسكتيي اهو توا انوض يزنن يفتحه !!
اني: هيااا معشش عنديي وققتت مادرتت شيي فوجهيي !!
.
.
.
______________
حوش علي ✨
فاطمه ؛ بالك يهديك ربي يا ولدي وتنوض ترفعني ومنها تقعمز معاها وتشوفها !
قيس ؛ يااامم فوووتيي عميي ونبيي !!
فاطمه طلعت وخلاته .. ✨
كنتها ؛ اللاي خديتوا الشكلاته ؟
فاطمه ؛ ايي فكرتينيي توا واحني ماشين توا ناخدوا !
الاء طلععيي السفره البكلاوه وحطيهااا اهنيي توا ننسوها !
الا ؛ امبه يا ماما !
خلي انكمل اللي في ايدي !
حنين " اختهم " ؛ رتاج " اختهم ' ماجتش ؟
فاطمه " امها " ؛ لا لا في زليطن !
حنين .. ؛ ااها !
كنتهم غاده ؛ عمر ينادي عليا !
ماما ؛ به بري !
.
.
.
.
بابا فتح الباب ؛ تفضلوا تفضلواا خشوا ❤
ماما في الدروج ؛ نورتوناا اهللينن ❤.. وسلمت علهم ✨
تغضلوا تفضلوو ❤
علاش متعبين روحكمم بس وكانوا جايبين سفره بكلاوه وباقه ورد وباكو شكلاته
وخششتهم الصالون .. : كيكف حالكمم وكيف حالل الصحه ❤
فاطمه ؛ الحمد الله بخيرر ❤
وخشوا هبه وماريا ✨
ماما : كنايني هادم .. ❤
هادي هبه مرت الكبير محمد .. وهادي ماريا مرت احمد ❤
فاطمه ؛ ماشاء لله ماشاء لله ❤
.
.
اني ؛ وووك علياا مش قادره نوقفف شكلي اخي ؟
شموخ ؛ تهبليي تهبلي غر نوضيي بس !
اني ؛ باهي خلي نواسي الروج شن منخشلهم طول !!
شموخ خشتلهم .. ✨ .. وشهد دخلتلهم العصير ووراها سوسن بمترد الشكلاته .. ✨
واني قعدت مقعمزه في داري هكي جو ١٠ د ✨
شموخ ؛ نوضيي يا حماارهه دخلي النسكافي !
اني ؛ اووف مش خاطري بكل !
شموخ ؛ وقتلك ماما متعطليش في التقعميز يادوب يشوفوك !
اني ؛ مش متقبله روحي بقونه تحت الركبه عاديه ؟
شموخ ؛ اماله تبيها قصيره خلي يقولو عليك خفيفه 🙄
اني : به به وانتي احرف من امي !
شموخ ؛ جيتي ليبيه شن بديري هي !!
هياا نوضي !
اني ؛ باهيي خليي يجف الزمالطوا !
شموخ ؛ هدا وكله ومتبيشيي اماله كان تبيه شنو !
اني ؛ ريحينا بسكوتك ونبي 😒
.
"وكنت لابسه قونه سوده هداكا الطول المحير ومعاها سوريه بيضا يديها مدشدشاات .. وكنت مدايره اي لاينر خفيف ورقيق وماسكرا وروج بيج وبلاشر بيج وشعري خديت خصلتين من اهني واهني وشديتهم بتوكه .. ✨ "
..
.
.
ودخلت النسكافي واني نرعش وزعت عايهم وحطيت السفره ع الطاوله وشموخ وراي توزع في الحلويات .. ✨
فاطمه ؛ شبحتني كنتي هادي وله ! ❤
ماما ؛ هههه اي ان شاء لله ❤
الاء ؛ كيف حالك ❤
اني ؛ الحمد الله ❤
الاء ؛ اريامم وله !
اني : اي 😄
حنين ؛ شن متخرجه ؟ 😄
اني ؛ اي .. اسنان ! 😅
حنين ؛ وتشتغلي ؟ 😊
اني ؛ لالا ! 😄
حنين ؛ اهاا
غاده ؛ كم عمرك ؟
اني : 24 !
حنين ؛ هادي غاده كنتنا التانيه 😄
اني ضحكت ؛ اها تشرفت بيك ❤
غاده ؛ ليا الشرف ❤
ومرت الهدرزه كلها نفاقات و مجاملات 🙄
ومع ال3 نضنا درنا الغدي اني وهبه و شموخ .. ✨
تغدوا واني صونيتي قدامي ومبيتش ناكل .. ✨
فاطمه ؛ اي توا خلي نخشوا في الجديات ههه ،❤
عندك شروط ؟
عدا الدهب والحاجات هادي !
ماما كيف بتتكلم .. ✨
اني ؛ ااي منسوق ومنخدم !
فاطمه ؛ لا لا من الناحيه هادي عادي ولدي فري هههه ❤
اني ؛ ههه به كويس ❤
قاطمه ؛ ولددي حنين بس عصبي شويه بس حتتفاهموا مع بعض ان شاء الله سايروا يعض ❤
اني ابتسمتلها وقعدت شويه وطلعت .. المهم مع ال 5 ناضو وقالو لي ماما ناديها منسلموا وجيت وسلمت عليهم .. ✨
الاء : اعطيني رقمك 😄
اني ؛ ههه اوك ❤ ، ----------09
الاء ؛ تمام اريومه و طلعت .. ✨
حنين ؛ هدا رقم خوي وتتهنوا ان شاء لله ❤
اني تحشمت : سلمك ❤
فاطمه ؛ هي مع السلامه منستعجلوا في الخطوبه رااه !
والعرس علي خاطر عمك معين منديروه بدايه السنه 😄
اني ؛ ان شاء لله ❤
وطلعوا .. ✨
اني نحيت الكعب وقمت شعري كوده ؛ اااخ واخيرا 😪
ماما ؛ عياه راقيه ومدواقه ❤
اني ؛ كويسين تحسيهم !
ماما ؛ اي
شموخ ؛ اي حلوين !
ماما : هي بدلوا وتعالوا انضموا هي !
اني ؛ هي هي !
.
.
وبدلنا وبعدها بدينا نضموا .. ✨
.
.
_______________
حوش علي ✨
حنين قعد فخاطري البوريك ماتقداش !
الاء ؛ لا حلو طيابهم وتقديمهم نازك !
امهم ؛ اي ماشاء لله ❤
والبنيه حلوه غر سمينه شويه بس !
الاء ؛ مش سمينه معبيه !
خنين ؛ لا حبيبتي تعتبر سمينه !
الاء : راه معندهاش سمنن من البطنن !
حنين ؛ حتي وكان !
غاده ؛ ماضحكني الا لما وحده خدت الرقم والتانيه اعطاته 😂
الاء ؛ مش تعرفينا نساهموا وخايفين علي وخيي هههههه
ماما ؛ مطول عمره وليدي اهو شرف الساعه سبعه اللطف شن صاير في الدنيا ومروح بكري !
قيس ؛ منمشي نبات مع الولاد !
امه بشويه تكلم في الاء ؛ اكتبي الرقم فورقه !
قيس خش للمطبخ فتح التلاجه للقي تفاحه طلعها .. وبدي ياكل فيها وامه وراه .. ؛ تعرفف البنت ماشاء لله عويناتها خضر لكن شكلهم عدساات مقدرتش نسالها ههههه ، اسمها اريام شعرها طويل وقصتلي !
وبيضه وعيونها كبار ورموشها تبارك الله وفمها مش كبير ولا صغير متوسط و عندها خديدات ! 😍
قيس ؛ قصدك خديتولي السمينه ! 🙄
امه : لا عاد متبالغش مش سمينه هلباا ! 😓
ماشاء لله عليها ! 😍
الاء اعطت لي امها الورقه ؛ اهو هدا رقمها وحطاته في جيب سوريته .. تعرفوا علي بعض وبشويش بشويش توا تتفاهموا !!
قيس ضحك بهزوه وطلع مشي داره .. خدي حوايجه وطلع .. مشي لي استراحه صاحبه .. وكانت هيصه زي كل مره .. ✨
قيس ؛ هههه لا هلباا هكي 😂
مراد ؛ هههههههه
فرج ؛ اي شن صار معاك اليوم !
قيس ؛ مامشيتش امي مشت !
مراد ؛ وشنن صار ؟
فرج ؛ شن قتلك طرفف ؟
قيس ؛ امي تحب تزيد المواضيع !
وحكالهم علي كل شي .. ✨
مراد ؛ شكلها صارووخ 😍
قيس : 🙄🙄
فرج ؛ هههههههه زعميتك مش عاجبك 😂
قيس ؛ المشكله مش اهني المشكله في حلا بنت خالتي !
فرج ؛ مسيبتووش ؟
قيس ؛ قعدين نتكلموا مره مره !!
مراد ؛ ايحح بنت خالتك واعره هادي لكن امشياتك 😂😂
قيس ؛ حكم القوي 😌
مراد ؛ اي مش امك عطاتك الرقم نوض كلمهاا وشووف البنتت !
قيس ; تواا الساعه ١.٣٠ !!!
مراد ؛ تيي عاديي نووض !!
قيس ؛ شويه تانيه !
فرج ؛ فاقدين البنات اليوم هههه
مراد ؛ امس كانو اهني ! 😍
قيس ؛ اي كلمتني قتلي تعالا !
مراد ؛ انخرمت بيك هديكه هههههه
_______________
ضميناا وبعدها شموخ روحت .. ✨
وكل واحد خش داره من التعب اغمي عليه عدا اني .. ✨
اني هلل بيكوون كوويسس ولاا لاا ؟!
زعما نتوكل علي ربي وميصير الا يلي كاتبه ربي خلاص !
واتصلت بيا بشاير قعدت نهدرزلنا علي صار وشن قدمنا ووونفختلها راسها لين رقدت .. ✨
وبعدها كلمتني نصيب وعاوتلها السيناريوا ✨
.
.
مع ال ١.٣٠ .. واني كبف منرقد .. بهاء بدي يتصل مارديتش .. ✨
قعد يتصل قريب 5 مرات وبعدها بعتلي مسج .. " مكنتش نعرف ان قلبك اسود هكي " 💔
اني شبحت المسج " انت يا بوا قلب اببض كبير ! ، بالله لو سمحت منبيش انغير شفرتي .. معش تكلمني بليز ! "
بهاء اتصل .. ورديت ✨
اني ؛ شنووو شنووو ؟
بهاء ؛ تغيريي شفرتتكك نجي لي حوشكمم ونديرلكك العاارر !
اني ؛ كان عرفته !
بهاء ؛ الخميس منجيب امي !!
اني نستفز فيه ؛ ههههههههه سبقوك الرجاله !
بهاد تعفلق ؛ ارياااممم 😠
رجاالهههه شنوووو تقووليي انتيي !
حوشكم لونه قهوي وبيج والباب نحاسي وله في زالنقه الواسعه !
اني انصدمت ؛ ومن قالك ؟
بهاء ؛ هداكا اليوم ققت نلحق فيك ! 😏
يوم قتلك طالعه حلوه !
واحلويتي بعد ماسيبتك !!
ورجاللهه شنوو يلي سبقونيي ؟؟
هياا تكلمي ارياام مزال تبيني وله !
اني حسيت روحي منضعف : انتت وجعتلي قلبي يا بهاء حتي كان اني نبيك عندي كرامه ومش حنرجعلك , باااي بااااي
بهاء ؛ تعررفـ طووط طووط طووط ✨
.......
اني ؛ انحبه ياربي نسينيي فيهه💔😔
كل يوم قلبي يحبه اكتر رغم يلي داره !! 💔
.
بهاء ؛ اكيد تبصر هادي !
وقعد يتصل يتصل واني معدلتش لين تتعفلقت قمت الفون ورديت : شن مزال تبي ؟ وو شويه نسمع صوت مش زي صوته وخرت الفون من ودني وحطيت ايدي علي فمي والورقه متع الرقم كانت ع االكمادينو قمتها وشفت الرقم ..وقلبيي طااح من مكانه وووو #يتبع ✨
_________________
كان لقيتوا حرف طاير حرف زايد تعدلوش كتبتها ومارجعتهاش 🙈
❤
#الادمونه ✨
