لايك قبل لاوتقروها ..نبي تفاعل ❤
🌹 رواية : مشاعر مبعثرة 🌹
🏵 الحلقة : الخامسه و الثلاثون 🏵
" قراءه ممتعه للجميع 🎪
_________________
تذكير للشخصيات 🎇
بابا ؛ عيسي .. يخدم في شركه والحق طبعه واعر كلمته تمشي في الحوش من خوي لكبير المتزوج واختي المتزوجه لي شهد اختي الصغيره ✨
عمره 55 .. يخدم في شركه مع صاحبه معين .. يعني فاتحين الشركه مع بعض شركه معدات طبيه وجو ادويه وهكي ..✨
ماما ؛ فيروز عمرها 53 ابله رياضيات ✨
خوي محمد ؛ يخدم مع بابا عمره بنته ميسا تقرا في الابتدائي .. ✨
هبه ؛ مرتت خويي محمد
ابتسام مرته التانيه
احمد ؛ خوي
ماريا : مرت احمد اكرانيا تهبل كيف تتكلم وقنينه ع الاخر في اسلوبها وكل شي هههه وفالحه ادير في كيكات مش طبيعيات 😂😂
الياس ولد احمد وماريا
يزن ؛ خوي عمره 27 اطيش واحد وديما مسافرر ميقعدش في ليبياا دكتور ✨
شموخ : اختي عمرها 26 متزوجه وعندها توامه .. 😍
ارين و الين .. عمرهم سنتين ✨
راجلها : جهااد يخدم دكتور 🙈
ادم : خو جهاد 👤
.
اني ؛ اريام متخرجه من الاسنان 👑
سوسن : اختي تقرا في هندسه 🌷
شهد ؛ اختي الصغيره تقرا قانون .. صاحبها اسمه زياد
🙈..
محمود ولد عمي .. ونادين اخته وصاحبت سوسن هلبا تقرا معاها 🎇
....
صاحباتي يلي هلبا .. نصيب و بشاير ❤
.........
علي بو قيس يخدم مع بابا في الشركه 🙈
فاطمه ام قيس 🌷
سراج خو قيس الصغير مش متزوج
مروان : خو قيس الكبير
غاده: مرت خوه الكبير عندها ولدينن وبنت اسما الكبيره وعلي الصغير وعمر بعد اسماء
الاء اخته الصغيره
رتاج اخته
حنين اخته وصاحبه حلا بنت خالته
حلا بنت خالته يلي تحبه اختها اسمها ابتسام 💛
....
مراد صاحب قيس الانتيم 🍃
فرج صاحبه التاني 🙈
.................................
عند هبه ✨
هبه ناضت من نومها علي صوت .. الباب يطقطق ✨
هبه حطت ايدها علي راسها تستوعب في المكان ووين هيا ... ✨
ماريا ناضت : ماما الباب !
هبه علت صوتها عمدا : منبيش فاتحه ياا ماريا !!
نوضي اغسلي وجهك وخشي الحمام !
ماريا : امبه
.
محمد : هبه ممكن تفتحي شويه ؟
ابتسام : تي قوللها افتحي ولا نهد الباب ! 😠
محمد : متدخليش انتتي !! 😡
ابتسام سكتت .. ✨
.
طقطقطقطق ططقطقطقطق
هبه فتحت الباب : تفضل شن تبي ؟
محمد قعد يشبحلها لقاها لابسه توته : اااا
هبه شبحت لي روحها .. : متصدقش روحك .. لكن عايفه من حوايج الخامره !
ابتسام جت : شننن هياااا منهيا الخامره يا كلبه كانك تنفعي مخدانيش عليك !
هبه : كانك مش بنت حرام راهو مخداكش !
ابتسام شبحت لي محمد : شن قصدك ؟
محمد مياخدش الا في بنات الحرام يعني انتي بنت حرام ؟
هبه : حشااني ناخد راجل من مرته ونتزوجه من غير حتي مانندري اصله وفصله زي زواجت الحيوانات 😂
ابتسام : محمد تسمع فيها شتقوول !! 😡
محمد بعياط : خلاص اسكتي انتي وياها !!!
ماريا طلعت من الحمام : ماما منبيش نقعد هني منمشي جدو عيسي 😔
هبه : اظني انت الخاشلي تبي حاجه ؟
محمد : مناخد حوايجي !
ابتسام .. بتخش الدار : مناخد حوايجي حتي اني !
هبه طلعت من الدار .. ✨
محمد : هاك حداديلي هادم !
ابتسام : منن عيونييي ❤
محمد طلع من الدار لقي هبه ع الصالون .. قتله ؛ بعدين ارفعني لحوش اماليا منجيب حوايجي !!
محمد مش قادر يتناقش معاها : به !
ماريا ضمت بوها بحكم ليها هلبا ماشافاتاش ✨ : استاحشتكك 😔
محمد قامها وحطها ع الرخامه .. : وين كنتي انتي عند اميمه شكون ؟
ماريا : حوش اميمه فيروز :)
محمد باسها : استاحشك هلبا ❤
هبه متبيش تشبحله ودايره روحها ادير في الفون متعها .. ✨
محمد يشبح لي هبه ويتكلم .. ؛ هي اني مندوش تبي نجيبلك حاجه معاي ؟
ماريا : اي شكلاته ❤
محمد : تمام .. ونزلها .. ✨
ومشي خش الحمام .. ✨
هبه قعدت تستنا ف ابتسام اطلع حاجاتها من الدار .. ✨
ابتسام سمعت باب الحمام تسكر جت تجري لي هبه ؛ شن تسحابي روحك بطلعيني من داري ومن حوشي عيني عينك مش كان محمد ماتكلمش خلاص لا يا ماما هادي داري فاهمه وله ولو كان ان اني نطلع مش علي خاطرك ولا خوف منك لاا لان منبيش نزعل محمد بس !!
هبه شبحتلها شبحه حقيره .. : بنت حرام وخطافه الرجاله وفوق هدا وقحه وجريئه هههههه ! 😂
تعرفي شن مخليني نستنا فيك ومخلياتك اطلعي في حوايجك ؟
ان اني من بكري نقول يا هبه اهدي ومتلوحيش الحوايج من الروشن !
ابتسام ضحكت بوقاحه : لهدرجه قاهراتك وغايره مني بتموتي !! 😏
هبه سكتت شويه ودارت روحها لاهيا ع الفون وقتلها من غير ماتشوفلها .. ؛ بتكملي قيمان خمرك ولا انوض انلوحهم !
ابتسام : احترميي نفسك يلاا 😡
ماريا : معش تعيطي علي ماما !
ابتسام : حاجات الكبار متدخليش فيهمم !!
.
.
_______
في المستشفي ✨
ماما ؛ طمناا يا دكتور ! 😰
بابا ؛ فنص فيها .. اي دكتور ان شاء لله خير !
الدكتور : شويه وتفيق ونديرولها منظار !
ماما : مفيش شي يخوف وله نقدر نشوفها يا دكتور !
😔
الدكتور : اي تقدري تخشيلها .. !
ماما خشت وقعد يكلم فبابا شويه ومشي .. ✨
.
سوسن فتحت عيونها وحطت ايدها علي راسها .. : اااه دايخه 😢
ماما شبحتلها : فقتي فقتي واخيرا يا بنيتي شن يوجع فيك انادي الدكتور ؟
سوسن بصوت يدوب طالع وتاشر علي رقبتها .. : حاجه توجع هني تحرق 😢
ماما : عوينه يا بنتي عوينه ربي يعميهم .. قتلك رقي روحك .. عيسي يا عيسي !
سوسن قعدت تبكي ورقبتها قعدت توجع فيها .. ✨
بابا خش : نضتي شن حالك توا !
سوسن كيف بدت تبكي والدم بدي يطلع من فمها حشاكم .. ✨
بابا مشي للدكتور .. الدكتور جي .. : ارخي اعصابك معش تبكي !
متخافيش يلا متخافيش !
اطلعوا لو سمحتوا !
يا نيررس تعالي هي جهزيها !
سوسن شاده دموعها وحاول ترخي في روحها
..
.
.
____________
عندي اني ✨
كنت راقده شويه انوض علي صوت الباب يطقطق .. ✨
اني فتحت عيوني : اووف وشبحت لي قيس لقيته راقد نضت لبست روبي وطلعت فتحت الباب .. ✨
ام قيس : السلام يا بنتي كيف حالك ❤
اني : الحمد الله بخير يا اللاي تفضلي خشي !
ام قيس ؛ لالا غر مفيش حد في الحوش وجيت منقولك علي قالي نوضي قيس وخش يدوش و اتصلت تلفوناتكم مسكره وامس روحتوا متاخر .. فانشغلت الحق !
ومفيش حد في الحوش فجيتكم اني !
اني : ماينشغل عليك غالي ياربي ❤
والله امس روحت متاخر اختي سوسن تعبت شويه فرفعناها المستشفي !
ام قيس .. تندري بي الموضوع علي قاللها لان كلم بابا لكن تبي تقصقص اكتر .. ✨ : لا حول ولا قوه الا بالله كيف صارر ؟
اني : تفضلي تفضلي خشي ❤
ام قيس خشت وقعمزت ع الصالون .. : به كملي كيف صار ؟
اني كيف منتكلم نسمع قيس يتكلم من الدار بصوت عالي شويه و يقول : حبيبي في من تكلمي ؟
اني تحشمت : شويه ونجي بس ❤
اللاي : لالا بري شوفيه وتعاليلي نفطروا مع بعض !
اني : هههه تمام حاضر ❤
وناضت .. طلعت ... ✨
اني خشيتله .. : امك جت !
قيس يبربش في الفون ؛ خير ؟
اني : والله قالتلي انوضك وانشغلت علينا امس وقالت تلفوناتكم مسكره !
قيس : اها !
به تعالي ! ❤
اني : همم شنو ؟ 🙈
قيس واسه تقعميزته : نبي ندوي معاك فموضوع !
اني شبحتله : ان شاء لله خير ! 😓
قيس : مش عارف كيف منخش في الموضوع اا توا ربي مسخرناش في البيبي الاول وله !
اني خايفه ؛ اي ؟
قيس : منبيكش تحملي السنه هادي !
اني شبحتله وتعفلقت : اعلاش ان شاء لله !
قيس ؛ اني هكي قتلك من البدايه ولهه ،، مديريش الجو خلاص !!
اني ؛ وانت شكلك ماصدقت : اوك به براحتكك !
بس اني مش حناخد ولا حاجه لمعلوميتك بس !! 😠
واخدت حوايجها وطلعت ادوش في الحمام التاني .. ✨
.
.
______________
حلا ✨
حلا : غر بري هياا ونبيي مش نمشيي !
حنين : اووف به الساعه كم جليه !
حلا : مع العشيات هكي !
حنين ؛ انشوف راجلي ونقولك
حلا ؛ تمام ..وسكرت ✨
ابتسام اختها " مليهاش علاقه بي ابتسام التانيه كل وحده بروحها " : مفعتيش خالتي بتلزكك !! 😏
حلا : مدخليش فيها هيا يلي وصلتني لهلحاله !
ووهمتني بقيس !
ابتسام ؛ قيس معش يحبك !
احلا ضحكت : هههه قيس يحب كل البنات !! 😂
ابتسام : مترخصيش روحك وشوفي امي تخليك تمشي ولا لا !
حلا : تي فوتوني وناضت ادوش .. ✨
______________________
شموخ و جهاد ✨
شموخ : تي باهي يا الين خليني نتصل بي حناك توا !
الين : اووف
جهاد ؛ كلمتيهم ؟
شموخ : لالا مزال ميردوش !
وكلمت شهد .. ✨
شهد ؛ ايواا
شموخ ؛ اخلين شن الجو !
شهد ؛ تمام وانتي !
شموخ : بخير !
شن ممشيتيش العياده ؟
شهد : لا نتصل بيهم ميردوش لكن شويه زين ينوض ومنمشي ! 😪
شموخ ؛ حتي اني منمشي لكن المفرخ مفيهاش كيف !
انتي امشي وطمنيني !
شهد ؛ تمام ان شاء لله ! ❤
وسكرت ✨
.
.
.
_______________
محمود وعروسته ✨
هيا : تعالا افطر !
محمود ؛ منبيش !
هيا : علاش قصدي امس كله صابره عليك !
محمود ؛ اسمعي فكني من دوشتك اااه ! 😠
هيا بدت تبكي : اني عروسه منيش مزهريه قصدي علااش واخدني مش تعيط عليا من امس وانت تعيط ؟؟ 😭
محمود سكت واتصل بيزن مردش وناض .. حضنها ؛ خلاص هيا اسف بس مشغول علي بنت عمي بس !
هيا تبكي : واني شن دخلني ! 😭
ماست ما نضت من جنبي ومشيت وقمتها وفوقها سخطني قصدام الناس وتوا تعيطط وتقزلي مشغوول ؟!! 😭
عارف الناس شن حيقولوا !!
محنود ؛ متنسيش انها بنت عمي وحسبتت نادين فمتتغليشش تمام وطبيعي هكي مندير مش حنتفرجج عليهاا !!
😠
هيا قعدت تبكي : رووح بياا نووض روح بيا !
محمود ناض خلاها وخش للحمام .. ✨
.
.
____________________
قيس واني ✨
اني وتيتله قهوته وبروشته ومشيت للدار لقيته يلبس في ساعته .. ✨
قيس شبحلي : درتيلي قهوتي !
اني من دون ما نشوفله : اي 😒
قيس : باه هي تعالي سايريني وصليني للباب !
اني : مش فاضيه ! 😏
قيس : طول عمري نقولك منحبش النكد كانك ناسيه وله !!
اني : لانك انت هكي تبيني ! 😏
وقت تقولي منبيكش تحملي شن المقصد يعني شن تبي متلا ؟ 😏
قيس : اني من اول شهر لينا مع بعض وفي فرنساا وكنا مقعمزين ع السرير كانك نسيتي دويتلك عليه الموضوع علي ما اظن ! 😠
اني : مش عارفه علاش انحس فيك فرحان بيلي دراتك حلا فيا !
تبيها انت مزال تبيها برالها خلاص !
اني توا نمشي لي حوشنا عادي !! 😏
قيس يغير في الموضوع : هو من يقدر يخليك تمشي يا عسل ❤
اني ؛ اي غير الموضوع !
وعلي فكره اني نتكلم بجديه !!
قيس جي باسني : تبي حاجه اني طالع !
اني ؛ بعدين منمشي لي سوسن !
في العشيه وتوا منمشي الغياده !
قيس : توا نرفعك اني لي سوسن !
اني : لا منبيش منك شي !
قيس ؛ نتمني لما انروح تكوني معدله هرمون النكد عندك !
هونا في التلاجه في شكاليط كوليهم كلهم باهي ! وطلع من الدار .. ✨
اني خشيت دوشت ولبست ونزلت لي اللاي .. ✨
هدرزت اني وياها شويه هكي لين جت 11 ونضت مشيت للعياده .. ✨
.
.
______________
عند سوسن .. ✨
شهد ؛ اهو طلعواا !
ماما : شنو يا دكتور !
بابا ؛ ان شاء لله خير !
الدكتور ؛ السلام عليكم
هما ؛ وعليكم السلام طمنا !
الدكتور : منسالكم قبل كل شي عندكم حاله وفاة ؟
بابا : لالا العفو علاش ؟
ماما : شن فيي !
الدكتور : لا شي بس بنتك عندها تسلخات في رقبتها من داخل وكلها متجرحه بسبب كتم العياط الباين هدا علاش سالتكم !
ف ادى هدا لشله بدايه قرحه !
ماما شبحت لي شهد ؛ لا حول ولا قزه الا بالله به كيفف تمشيي ؟ 😓
شهد : ااا امتي تطلع ! 😥
الدكتور ؛ حتعطيكم ادويه ومعقمات .. واول ماتفيق من البنج تقدروا اطلعوها ،، بس يستحسن تقعد اليوم ! ❤
شهد تلفونها شرين ردت .. وبعدت ؛ الو نادين .. الحمد الله لالا قعدين !
ااه شن منقول غير حسبي الله ونعم الوكيل !
ربي كبير ! 😪
نادين واجعها خوها ؛ نصييب الله غالب مىات ربي كاتبلها واحد احسنن منه ! 😔
شهد : اي ان شاء لله يارب
نادين ؛ به شن قالولها ؟
.
.
ماما : والله ماشبحته التلفون الا توا لالا يا بنتي متعبيش روحك !
اني : شن منتعبش منجي خلاص ! 😪
ماما ؛ باهي تمام متجيش متاخر انتي تعرفي الطريق !
اني : لالا قيس بيجيبني !
ماما ؛ تمام ردي بالك علي روحك ❤
اني : حتي انتم ❤
.. وسكر اني من اهني شموخ اتصلت .. ✨
بابا : اقعدوا انتم اني شويه منوصل الشركه ونجي !
ماما ؛ به 😥
.
.
__________________
عندي في العياده 🏩
اني حطيت تلفوني ع الطاوله وكلمت الرسبشن في حاله عندي ولا لا قتلي اي غر مزال ماجتش .. قعمزت نستني فيها .. ونفكر في قيس .. ✨
اني " علاش ميبينيش نحمل علاش يبي يحرمني !
علي خاطر حلا ولا علي خاطر شنوو مش قادره نفكر في سبب تاني غير التافهه هادي مفيش سبب غيرها .. "
وقعدت نفكر في كلامه لما قالي .. " ان اني انفرضت عليه فرض وان كان عايش حياته وميحبش من يدخل فيهل وان اني مكانش يبيني وميبيش يتزوجني ! 💔
تفكرت كل حاجاته الشينه .. حلا وكيف يضبطوا في بعض .. و السزريه يلي ملبزه !💔
ااااه اااه "
فجاءه تخش عليا بشاير ؛ جيتتكك امبكري مقدرتش نكلمك قدام بابا !!
اني نخلعت : خلعتييني ! 😅
بشاير ؛ لاازم نصدمك !
اني : امم شنوو ؟
بشاير : بهاء عرف انك تخدمي اهني ،، وجي هداكا اليوم !
اني شهقتت : تبصررييي !! 😱
بشاير : اي تعرفي سال عليك هداكا اليوم وسال عليا وطلع .. !
اني ؛ تيي كيفف عرفف 😨
بشاير ؛ شوره من الاعلانات ع العياده ماهو مش درنا اعلان في الراديوا الفتره يلي فاتت دكروا اسم مدير العياده يلي هو بابا واسمي !!
اني : هدا يلي كان ناقص !
الرسبشن اتصل بيا وقالي جت الحاله قلتلها .. خليها تخش .. ✨
بشاير ؛ اماله اني نايضه !
اني ؛ به هادي اخر حاله ومنروح !
بشاير : بتمشي لاختك ؟
اني : اي !
بشاير : سلمي عليها وعلي شدو وامك وامانه احمديلي سلامتها ! ❤
اني ؛ حاضر ❤
وينفتح الباب .. ويخش شخص مكنتش متوقعاته يخش ابداا .. قعدت نشبح لي بشاير ومصدومه .. ✨
.
.
____________________
في الشركه ؛ ✨
مروان ؛ بتروح ؟
قيس : اي منزيد نص ساعه !
مروان : شوف بوك لان حيقلبها عليك !!
قيس ؛ تي منرفع المرا لي اختها في المستشفي ! 😪
احمد خش عليهم .. ؛ السلام ❤
مروان وقيس ؛ وعليكم السلام ❤
قيس ؛ مشفتش بوي ؟
احمد : فمكتبه مع بوي !
قيس ؛ تم منور 😘
.
.
_________________
في العياده ✨
اني مصدومه : تفضلل 😰
بهاء يضحك : عندي سوسه يا دكتوره مصدعتلي راسي والسوسه مصدعتلي راسي شن ندير ؟!
اني شفت لي بشاير يلي قالت .. ؛ الدكتوره عندها مشوار حنعرضك عند دكتور تاني !!
بهاء : لااا نبيهاا هياا !
اني : : احترمم نفسكك !!
بهاء : اظني ماقلت شي !
اني نحيت الكاب واخديت شنطي : ردد باللك تفكر تجيني مره تانيه فاهمم ولهه وحط فراسك ان اني مراا متزوجهه !
وطلعت وخليته .. ✨
.
.
______________
هبه وابتسام 🔥
هبه : هادااا حوشي غصبااا عننكك !
ابتسام ؛ حوش راجليي فاهمه وله ! 😏
هبه ؛ راجلي مرجوعه ليا !
.
.
محمد اتصل بهبه .. ✨
هبه شبحتلها واعطت لي بنتها .. ✨
ميسا ؛ بابا احني توا ننزلوا هي !
محمد ؛ هبه بتجي وبه ؟
ميسا : ايه !
.
هبه تسكر في باب الدار بالمفتاح .. وحطاته فشنطتها .. ✨
ونزلت ✨
ابتساام ؛ كااان مندمتكش منتسمااش ابتساام !! ✨
.
.
__________________
قيس اتصل بيا ✨
اني : الو !
قيس ؛ اهلين حبيبي شن جوك ❤
اني : باهي ! 😒
قيس : مفيش وانت ؟ 😏
اني : وانت ؟
قيس ؛ اخي !
اني : اممم
قيس ؛ حبيبي قعده زعلانه ؟
اني ؛ من شنو منزعل !
قيس ؛ تمام اني قريب نوصل !
اني : به !
قيس ؛ شكلك مكليتيش شكللاطه .. 😂
يا نكوديه !
اني ؛ منبيهاش !
قسس ؛ بااي
اني ؛ باي !
قسس سكر : ياربي شنو هالنكد وكلم صحابه قاللهم مناخد المرا منحطها ونجيكم .. ✨
خطم ع الحوش مشي سلم علي امه وتغدا عندها .. ✨
.
..
اني طلغت من الدوشن لبست سروال جينز سماوي وسوريه زيتيه حرايريه .. وجففت شعري وقمته وقعمزت نمكيج ونفكر في سوسن 💔
اني سمعت صوت باب الحوش متع لجنان زبطه قيس شويه سمعته انفتح واتسكر تاني وقيس عطل .. نضت شفت من الروشن ونلقيي حلا معااه .. ✨
اني فتحت الروشن وقعدت نشوفلهم وهما مايندروش .. ✨
قيس : اطلعيي براا قتللك بريي !
حلا : لاا نبيك !
قيس ؛ بري اقلبي $###---٧٦٥&
حلا قامت راسها شبحتلي وضحكت ..وقتلي ؛ الحمد الله علي سلامه اختك 😏
اني ؛ خشيت واني متعفلقه .. مفاتوش تواتي الا سمعت فيس خش الوش .. ؤ✨
اني قتله ؛ طيب فيك جيتت !
قيس : تغديت عند امي !
اني سكتت ..✨
قيس ؛ عارفاتك بتنفجري لكن هيا يلي جت !
اني : مدخليش في حياتك ،، حر فيها !
قيس : اخي النكدد رااه نكره اممهه 😠
اني بديت نبكي : قوول قوول يلي في خاطرك قوول ان . #يتبع ✨
______________
شهد كانت مقعمزه فجاءه يتصل بيها زياد .. ووو #يتبع ✨
______________
هبه اول ماركبت السياره .. #يتبع ✨
__________
🔥❤
#الادمونه ✨
